குன்னூர்: குன்னூர், சிம்ஸ் பூங்காவில் 61வது பழக்கண்காட்சி மே மாதம் நடக்கிறது. இதற்காக மலர் செடிகள் நடவு செய்யும் பணி தீவிரமாக நடந்து வருகிறது. நீலகிரி மாவட்டம் குன்னூரில் தோட்ட கலைத்துறை கட்டுப்பாட்டில்  உள்ள சிம்ஸ் பூங்காவில் ஆண்டுதோறும் பழக்கண்காட்சி நடத்தப்படுகிறது. அதேபோல் இந்தாண்டு 61வது பழக்கண்காட்சி வரும் மே மாதம் நடக்கிறது. இந்நிலையில் பழக் கண்காட்சியை முன்னிட்டு சிம்ஸ் பூங்காவில் 2 லட்சத்து 60 ஆயிரம் மலர் செடிகள் நடவு செய்யப்பட உள்ளன.

இதற்காக அமெரிக்கா, ஜப்பான், பிரான்ஸ் உள்ளிட்ட நாடுகளில் இருந்து சால்வியா, ஆன்ட்ரியம், பால்சம், பெகோனியா, மேரிகோல்டு, பிரன்ச் மேரிகோல்டு, பேன்சி ஃபிளக்ஸ், போன்ற 60க்கும் மேற்பட்ட செடி வகைகள்  இறக்குமதி செய்யப்பட்டுள்ளன. மேலும், டேலியா மற்றும் ஃபிளாக்ஸ் செடிகளை தோட்ட கலைத்துறை உதவி இயக்குநர் ராஜ்கோபு நேற்று நடவு செய்து துவங்கி வைத்தார். தொடர்ந்து மலர்செடிகள் நடவு செய்யப்பட்டு அவற்றை இயற்கை வேளாண் முறை படி பராமரிக்கப்பட உள்ளது.