SUN குழுமத்திலிருந்து வெளிவரும் காலை நாளிதழ்

மண்டபம், பாம்பன் உள்ளிட்ட அரசு பஸ், டாஸ்மாக்கில் 10 ரூபாய் நாணயம் வாங்க மறுப்பு

2019-01-24@ 13:01:57

மண்டபம்: பத்து ரூபாய் நாணயத்தை வாங்க மறுப்பதால் பொதுமக்கள் அவதியடைந்து வருகின்றனர். கடந்த 2017 நவம்பர் 8ம் தேதி பழயை 500 மற்றும் 1000 ரூபாய் நோட்டுகள் செல்லாது என மத்திய அரசு அறிவித்தது. தற்போது புதிய 2000 ரூபாய் நோட்டு அச்சடிக்கப்பட்டு புழக்கத்தில் உள்ளது. ஆனால் எந்தவித அறிவிப்பும் இல்லாமல் தற்போது 10 ரூபாய் நாணயங்கள் மதிப்பை இழந்து வருகிறது. மண்டபம், வேதாளை, பாம்பன் உள்ளிட்ட பல சில்லரை கடைகள், டாஸ்மாக் கடைகளிலும் 10 ரூபாய் நாணயத்தை வாங்க மறுக்கின்றனர். இதுகுறித்து ரிசர்வ் வங்கி எச்சரித்தும், விளக்கம் அளித்த போதிலும் பத்து ரூபாய் நாணயத்தை வாங்க மறுத்து வருகின்றனர்.

இதுகுறித்து மண்டபத்தை சேர்ந்தவர் கூறும்போது, ‘பத்து ரூபாய் நோட்டுகள் புழகத்தில் உள்ளதால் சில வங்கிகளில் மற்றும் வர்த்தக கடைகளில் பத்து ரூபாய் நாணயத்தை வாங்க மறுத்து வருகின்றனர். மேலும் கடந்த சில நாட்களுக்கு முன்பு வேதாளையில் இருந்து மண்டபம் சென்ற மூதாட்டி அரசு பேருந்தில் 10 ரூபாய் நாணயம் கொடுத்து டிக்கெட் கேட்டதற்கு கண்டக்டர் 10 ரூபாய் நாணயம் செல்லாது என கூறி பேருந்தை விட்டு மூதாட்டியை இறக்கி விட்டார். இது வேதனையாக உள்ளது.

தனியார் கடைகள் மற்றும் சில்லரை கடைகளில் 10 ரூபாய் நாணயம் செல்லுமா செல்லாத என்ற அஞ்சத்தில் வாங்க மறுத்தாலும் அரசு போக்குவரத்து கழகம் மற்றும் மதுபான கடைகளில் 10 ரூபாய் நாணயம் வாங்க மறுப்பது வேடிக்கையாக உள்ளது. எனவே கலெக்டர் 10 ரூபாய் நாணயம் செல்லுமா, செல்லாத என்ற அச்சத்தை போக்க வேண்டும். 10 ரூபாய் நாணயத்தை வாங்க மறுக்கும் தனியார் நிறுவனங்கள் மற்றும் அரசு போக்குவரத்து கழகம் மற்றும் மதுபான கடை ஊழியர்கள் மீது நடவடிக்கை எடுக்க வேண்டும்’ என தெரிவித்தனர்.


மேலும் செய்திகள்

Like Us on Facebook Dinkaran Daily News
  • 26-04-2019

    26-04-2019 இன்றைய சிறப்பு படங்கள்

  • srilanka_chri11

    கிறிஸ்தவர்களுக்கு உறுதுணையாக நாங்கள் நிற்போம் : இலங்கை தாக்குதலை கண்டித்து இந்தியாவின் பல்வேறு மத குழுக்கள் ஆர்ப்பாட்டம்

  • india_medals11

    ஆசிய தடகள சாம்பியன்ஷிப் போட்டி : 3 தங்கம், 8 வெள்ளி, 7 வெண்கல பதக்கங்களுடன் பதக்கப் பட்டியலில் இந்தியா 4வது இடம்!!

  • pudin_russiaa1

    வரலாற்றில் முதன்முறையாக ரஷ்ய அதிபர் புதினுடன், வடகொரிய அதிபர் கிம் ஜோங் உன் பேச்சுவார்த்தை

  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

படங்கள் வீடியோ கல்வி சினிமா ஜோ‌திட‌ம்