SUN குழுமத்திலிருந்து வெளிவரும் காலை நாளிதழ்

தமிழகத்தில் முதன் முறையாக பிளாஸ்டிக் பாட்டில் மறுசுழற்சி இயந்திரம் : சேலம் புதிய பஸ் நிலையத்தில் வைக்கப்பட்டது

2019-01-23@ 12:52:16

சேலம்: தமிழகத்தில், முதன்முறையாக சேலம் புதிய பஸ் ஸ்டாண்டில் பிளாஸ்டிக் பாட்டில் மறுசுழற்சி இயந்திரம் பயன்பாட்டுக்கு வைக்கப்பட்டுள்ளது.  தமிழகம் முழுவதும் ஒரு முறை பயன்படுத்தி தூக்கி எறியக்கூடிய மக்காத தன்மை கொண்ட பிளாஸ்டிக் பொருட்கள் தடை செய்யப்பட்டுள்ளது. மேலும், பிளாஸ்டிக் பயன்பாட்டினை தவிர்த்து பிளாஸ்டிக் பொருட்களுக்கு மாற்று பொருட்களை பயன்படுத்துவது குறித்து பல்வேறு விழிப்புணர்வு பணிகள் தொடர்ந்து மேற்கொள்ளப்பட்டு வருகிறது. இந்நிலையில், தமிழகத்தில் முதன்முறையாக சேலம் புதிய பஸ் ஸ்டாண்டில் தனியார் நிறுவனம் சார்பில் ₹2லட்சத்தில் பிளாஸ்டிக் பாட்டில் மறுசுழற்சி இயந்திரம் வைக்கப்பட்டுள்ளது. இதனை மாநகராட்சி கமிஷனர் சதீஷ் நேற்று துவக்கி வைத்தார். இந்த இயந்திரத்திற்குள் 250 மில்லி முதல் 2.25 லிட்டர் வரையிலான காலியான பிளாஸ்டிக் பாட்டிலை போடும் போது, அவை மறுசுழற்சிக்கு ஏற்றவாறு அரைக்கப்பட்டு இயந்திரத்தில் சேகரமாகும்.

மேலும், காலியான பிளாஸ்டிக் பாட்டிலை போட்டவுடன், இயந்திரத்தில் கொடுக்கப்பட்டுள்ள பட்டன்களை அழுத்தி 5 வகையான சலுகைகளை இலவசமாக பெற முடியும். அதன்படி 5 நிமிடம் இலவசமாக செல்போனை வேகமாக சார்ஜ் செய்யும் வசதி, 5 நிமிடம் இலவசமாக வைபை பெறும் வசதி மற்றும் 250 மில்லி சுத்திகரிக்கப்பட்ட குடிநீர் பெறும் வசதி, தானம் (காசு) செய்யும் வசதி, கூப்பன் (ஏவிஆர் நகைக்கடையின் டிஸ்கவுண்ட்) பெறும் வசதிகள் உள்ளது. எனவே, பஸ் ஸ்டாண்டிற்கு வரும் பொதுமக்கள் காலியான குடிநீர் பாட்டில்களை தூக்கி எறியாமல் இந்த இயந்திரத்தில் போட்டு மேற்படி வசதிகளை பெற்று பயனடையுமாறும், சுற்றுச்சூழல் மேம்பாட்டிற்காக சேலம் மாநகராட்சி நிர்வாகம் மேற்கொள்ளும் அனைத்து நடவடிக்கைகளுக்கும் அனைத்து தரப்பினரும் ஒத்துழைப்பு தர வேண்டும் என கமிஷனர் சதீஷ் தெரிவித்தார்.


மேலும் செய்திகள்

Like Us on Facebook Dinkaran Daily News
  • mallakamb_mumbai

    மும்பையில் நடைபெற்ற சர்வதேச மல்லகம்ப் போட்டி :மரக் கம்பத்திலும் கயிற்றிலும் ஜிம்னாஸ்டிக் செய்து வீரர்கள் அசத்தல்

  • varanasi_modi123

    டீசல் டூ மின்சார இன்ஜினுக்கு மாற்றப்பட்ட உலகின் முதல் ரயிலை பிரதமர் மோடி கொடியசைத்து தொடங்கி வைத்தார்

  • china_lamfesti1

    சீனாவில் விளக்குத் திருவிழா : டிராகன், பீனிக்ஸ், பன்றிகளை போல் உருவாக்கப்பட்ட விளக்குகள் காண்போரை கவர்ந்தது

  • 2mili_nall

    காஷ்மீரில் வீரமரணம் அடைந்த மேஜர் விஎஸ் தவுன்டியால், காவலர் அப்துல் ரஷித் உடல்கள் ராணுவ மரியாதையுடன் நல்லடக்கம்

  • pakisthan_saudi1

    பாகிஸ்தானில் சவுதி இளவரசர் சுற்றுப்பயணம் : நாட்டின் மிக உயரிய ‘நிஷான்-இ-பாகிஸ்தான்’ விருது இளவரசருக்கு அளிக்கப்பட்டது

படங்கள் வீடியோ கல்வி சினிமா ஜோ‌திட‌ம்