SUN குழுமத்திலிருந்து வெளிவரும் காலை நாளிதழ்

யாருக்கும் கூஜா, துதி பாடுவது எங்கள் அகராதியில் கிடையாது: அமைச்சர் ஜெயக்குமார் பேட்டி

2019-01-21@ 00:28:56

சென்னை: “யாருக்கும் கூஜாவோ, துதி பாடுவதோ எங்கள் அகராதியிலேயே கிடையாது என்று அமைச்சர் ஜெயக்குமார் கூறியுள்ளார்.சென்னையில் அமைச்சர் ஜெயக்குமார் நேற்று  அளித்த பேட்டி: வீணான வதந்தி பரவியிருக்கிறது. வேண்டுமென்றே யாரோ கிளப்பி விட்டு இருக்கிறார்கள். அவர் (ஓ.பி.எஸ்.) யாகம் நடத்தியதை யார் பார்த்தது?. ஏதாவது ஆதாரம் இருக்கிறதா?. எந்த ஆதாரமும்  இல்லாத நிலையில் இதுபோன்ற வதந்திகளுக்கு எப்படி நான் கருத்து தெரிவிக்க முடியும். அதிமுகவுக்குள் பிளவு ஏற்படுத்த வேண்டும், ஒற்றுமையை சீர்குலைக்க வேண்டும் என்ற எண்ணத்துடன் சிலர் செய்கின்ற சதி தான் இது. அதிமுக ஆட்சி இன்றைக்கு கலைந்து விடும், நாளை  கலைந்து விடும் என்று சொல்லி சொல்லி அவர்கள் வாய் தான் ஓய்ந்து போய் இருக்கிறது.
தம்பிதுரை ஆரம்பத்தில் இருந்தே அதிமுகவில் இருந்து வருகிறார். கட்சியில் பல முக்கிய பொறுப்புகளை வகித்தவர். அதிமுக தனித்தன்மை படைத்த கட்சி என்பது அவருக்கு தெரியும். எந்த  நிலையிலும் தன்னுடைய அடையாளத்தை அதிமுக விட்டுக்கொடுக்காது. இது அவருக்கும் தெரியும்.

எம்.ஜி.ஆர்., ஜெயலலிதா வழியில் தான் அதிமுக செயல்படுகிறது. நாங்கள் யாருக்கும் கூஜாவோ, துதி பாடுவதோ, அடிமையோ கிடையாது. அது எங்கள் அகராதியிலேயே கிடையாது. பாஜ  அடிமையாக்க நினைக்கிறது என்று தான் சொல்லியிருக்கிறார்.
அடிமையாகி விட்டோம் என்று அவர் சொல்லவில்லை. ஒவ்வொரு கட்சிக்கும் ஒரு தனித்தன்மை இருக்கிறது. எம்.ஜி.ஆர், ஜெயலலிதா காட்டிய தீர்க்கமான வழியில் தான் நாங்கள் பயணிப்போம்.  பலம் இருக்கிறதா? இல்லையா? என்பது அந்தந்த கட்சிகளுக்கு தெரியும். எங்களை பொறுத்தவரையில் நாங்கள் பலம் வாய்ந்தவர்கள். எங்களை விட பலசாலிகள் தமிழ்நாட்டில் யாரும்  இல்லை.இவ்வாறு அவர் கூறினார்.


மேலும் செய்திகள்

Like Us on Facebook Dinkaran Daily News
  • china23

    சீனாவின் வுலியன் அருங்காட்சியத்தில் நடைபெற்ற கலாச்சார நினைவுச் சின்னங்களின் கண்காட்சி: புகைப்படங்கள்

  • 23-08-2019

    23-08-2019 இன்றைய சிறப்பு படங்கள்

  • mamtateashop

    மேற்குவங்க கிராமத்தின் டீ கடையில் முதல்வர் மம்தா பானர்ஜி: தேநீர் தயாரித்து மக்களுக்கு வழங்கிய காட்சிகள்!

  • chidambaramprotest

    ப.சிதம்பரம் கைது செய்யப்பட்டதை கண்டித்து சென்னையில் பேரணி நடத்த முயன்ற காங்கிரஸ் தொண்டர்கள் கைது!

  • delhiprotest22

    காஷ்மீரில் சிறை வைக்கப்பட்டுள்ள தலைவர்களை விடுவிக்கக்கோரி டெல்லியில் திமுக உள்ளிட்ட 14 கட்சிகள் ஆர்ப்பாட்டம்: புகைப்படங்கள்

படங்கள் வீடியோ கல்வி சினிமா ஜோ‌திட‌ம்