SUN குழுமத்திலிருந்து வெளிவரும் காலை நாளிதழ்

ஆஸ்திரேலிய ஓபன் டென்னிஸ் நடப்பு சாம்பியனை வீழ்த்தினார் ஷரபோவா : நடால் முன்னேற்றம்

2019-01-19@ 01:29:31

மெல்போர்ன்: ஆஸ்திரேலிய ஓபன் டென்னிஸ் கிராண்ட் ஸ்லாம் தொடரின் மகளிர் ஒற்றையர் பிரிவு 3வது சுற்றில், ரஷ்ய நட்சத்திரம் மரியா ஷரபோவா நடப்பு சாம்பியன் கரோலின் வோஸ்னியாக்கியை வீழ்த்தினார். மெல்போர்னில் நேற்று நடந்த இப்போட்டியில், வோஸ்னியாக்கியுடன் (டென்மார்க், 3வது ரேங்க்) மோதிய ஷரபோவா (30வது ரேங்க்) 6-4 என்ற கணக்கில் முதல் செட்டை கைப்பற்றி முன்னிலை பெற்றாஎ. இரண்டாவது செட்டில் கடும் நெருக்கடி கொடுத்த வோஸ்னியாக்கி 6-4 என வென்று பதிலடி கொடுக்க சமநிலை ஏற்பட்டது. மூன்றாவது மற்றும் கடைசி செட்டில் அதிரடியாக விளையாடி புள்ளிகளைக் குவித்த ஷரபோவா 6-4, 4-6, 6-3 என்ற செட் கணக்கில் 2 மணி, 24 நிமிடம் போராடி வென்று கால் இறுதிக்கு முந்தைய சுற்றுக்கு தகுதி பெற்றார்.

மற்றொரு 3வது சுற்றில் ஜெர்மனி வீராங்கனை ஏஞ்சலிக் கெர்பர் (2வது ரேங்க்) 6-1, 6-0 என்ற நேர் செட்களில் ஆஸ்திரேலியாவின் கிம்பர்லி பிரெலை மிக எளிதாக வீழ்த்தினார். இப்போட்டி 58 நிமிடத்திலேயே முடிவுக்கு வந்தது. ஆஸ்திரேலியாவின் ஆஷ்லி பார்தி, அமெரிக்க வீராங்கனைகள் டேனியல் கோலின்ஸ், அமண்டா அனிசிமோவா, ஸ்லோன் ஸ்டீபன்ஸ், ரஷ்யாவின் அனஸ்டேசியா பாவ்லியுசென்கோவா, பெத்ரா குவித்தோவா (ரஷ்யா) ஆகியோரும் 4வது சுற்றுக்கு முன்னேறி உள்ளனர். ஆண்கள் ஒற்றையர் பிரிவு 3வது சுற்றில் ஸ்பெயின் நட்சத்திரம் ரபேல் நடால் 6-1, 6-2, 6-4 என்ற நேர் செட்களில் உள்ளூர் வீரர் அலெக்ஸ் டி மினாரை வீழ்த்தினார். இப்போட்டி 2 மணி, 22 நிமிடத்துக்கு நீடித்தது. நடப்பு சாம்பியன் ரோஜர் பெடரர் (சுவிஸ்) தனது 3வது சுற்றில் 6-2, 7-5, 6-2 என்ற நேர் செட்களில் அமெரிக்காவின் டெய்லர் பிரிட்ஸை வென்றார். முன்னணி வீரர்கள் ஸ்டெபனாஸ் சிட்சிபாஸ் (கிரீஸ்), மரின் சிலிச் (குரோஷியா), தாமஸ் பெர்டிச் (செக்.), கிரிகோர் திமித்ரோவ் (பல்கேரியா), பாடிஸ்டா அகுத் (ஸ்பெயின்), பிரான்சிஸ் டியாபோ (அமெரிக்கா) ஆகியோரும் கால் இறுதிக்கு முந்தைய சுற்றில் விளையாட தகுதி பெற்றுள்ளனர்.


மேலும் செய்திகள்

Like Us on Facebook Dinkaran Daily News
  • srilanka_chri11

    கிறிஸ்தவர்களுக்கு உறுதுணையாக நாங்கள் நிற்போம் : இலங்கை தாக்குதலை கண்டித்து இந்தியாவின் பல்வேறு மத குழுக்கள் ஆர்ப்பாட்டம்

  • india_medals11

    ஆசிய தடகள சாம்பியன்ஷிப் போட்டி : 3 தங்கம், 8 வெள்ளி, 7 வெண்கல பதக்கங்களுடன் பதக்கப் பட்டியலில் இந்தியா 4வது இடம்!!

  • pudin_russiaa1

    வரலாற்றில் முதன்முறையாக ரஷ்ய அதிபர் புதினுடன், வடகொரிய அதிபர் கிம் ஜோங் உன் பேச்சுவார்த்தை

  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

  • nigeriaaa_twins1

    இரட்டையர்களால் நிரம்பி வழியும் நைஜிரீய நகரம் !! : வியப்பூட்டும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்