SUN குழுமத்திலிருந்து வெளிவரும் காலை நாளிதழ்

2வது திருமணத்துக்கு மறுத்த பெண் மீது ஆசிட் வீசிவிட்டு வாலிபர் தற்கொலை

2019-01-19@ 01:09:46

குலசேகரம்,: கன்னியாகுமரி மாவட்டம் திருவட்டார் அருகே உள்ள ஏற்றக்கோடு பறையன்கோணத்துவிளை பகுதியை சேர்ந்தவர் கிரிஜா (36). வெளிநாட்டில் கட்டிட வேலை செய்து வந்த இவரது கணவர் மணிகண்டன் கடந்த 9 ஆண்டுகளுக்கு முன்பு இறந்து விட்டார்.  இதனால் கிரிஜா தனது 2 மகள்களுடன் தனியாக வசித்து வந்தார். கிரிஜாவுக்கு அதே பகுதியை சேர்ந்த ஜான்ரோஸ் (30) என்பவர் உதவியாக இருந்து வந்தார். இதை பயன்படுத்தி கிரிஜாவை திருமணம் செய்ய ஆசைப்பட்டுள்ளார்.

இதுதொடர்பாக அவரிடம் கூறியபோது திருமணத்துக்கு சம்மதம் தெரிவிக்கவில்லை. இருப்பினும் ஜான்ரோஸ் தொடர்ந்து அவரை வற்புறுத்தி வந்துள்ளார். ஆனால் கிரிஜா தனக்கு 2 பெண் குழந்தைகள் நலனுக்காக திருமணம் செய்யப்போவதில்லை எனக்கூறி ஜான்ரோசை ஒதுக்கியுள்ளார். என்றாலும் ஜான்ரோஸ் அவரை திருமணம் செய்வதில் உறுதியாக இருந்தார். அவரை பார்க்கும்போதெல்லாம் திருமணம் செய்யும் எண்ணத்தை கூறி வந்தார். இதனை அவர் பொருட்டாக எடுத்துக் கொள்ளவில்லை. இதன்படி, தனது விருப்பத்தை ஏற்காத கிரிஜாவை பழிதீர்க்க முடிவு செய்து ஆசிட் வீச திட்டமிட்டார்.

இந்தநிலையில் நேற்று முன்தினம் இரவு 7.30 மணியளவில் கிரிஜாவிடம் சென்று தன்னை திருமணம் செய்ய கூறியுள்ளார். கிரிஜா அவரை திட்டி வெளியே விரட்டியுள்ளார். அந்தநேரத்தில், ஜான்ரோஸ் தான் மறைத்து வைத்திருந்த ஆசிட்டை எடுத்து கிரிஜா மீது வீசினார். இதனால், வலி தாங்க முடியாமல் அலறினார். சத்தம் கேட்டு அக்கம்பக்கத்தினர் விரைந்து வந்து அவரை மீட்டு ஆற்றூரில் உள்ள ஒரு தனியார் மருத்துவமனையில் அனுமதித்தனர். பின்னர், மேல்சிகிச்சைக்காக ஆசாரிபள்ளம் அரசு மருத்துவ கல்லூரி மருத்துவமனையில் அனுமதித்தனர். அங்கு அவருக்கு சிகிச்சை அளிக்கப்பட்டு வருகிறது. இதனிைடயே போலீசுக்கு பயந்து விஷ மாத்திரை சாப்பிட்டு மயங்கி கிடந்தார். உறவினர்கள் அவரை மீட்டு மார்த்தாண்டத்தில் உள்ள ஒரு தனியார் மருத்துவமனையில் அனுமதித்தனர். அங்கு சிகிச்சை பலனளிக்காமல் நேற்று காலை இறந்தார்.


மேலும் செய்திகள்

Like Us on Facebook Dinkaran Daily News
  • rally

    சீனாவில் அமைதியை நிலை நிறுத்தும் வகையில் நடைபெற்ற பேரணி: லட்சக்கணக்கான மக்கள் பங்கேற்பு

  • slide

    சீனாவில் பார்வையாளர்களை வெகுவாக கவர்ந்த வாட்டர் ஸ்லைடு பூங்கா: புகைப்படங்கள்

  • torch

    சீனாவில் நடைபெற்ற டார்ச் திருவிழா: நாட்டுப்புற பாடல்கள் பாடியும், நடனமாடியும் மக்கள் உற்சாகம்

  • statue

    சாலைகளில் வைக்கப்பட்டுள்ள சிலைகள் உயிர் பெற்றால் எப்படியிருக்கும்? என்ற கற்பனைக்கு உயிர் கொடுத்தனர் பெல்ஜியம் சித்திரக் கலைஞர்கள்

  • fire

    லண்டனில் உள்ள ஷாப்பிங் மாலில் பயங்கர தீ விபத்து: அருகில் உள்ள மக்கள் வெளியே வர வேண்டாம் என அறிவுறுத்தல்

படங்கள் வீடியோ கல்வி சினிமா ஜோ‌திட‌ம்