SUN குழுமத்திலிருந்து வெளிவரும் காலை நாளிதழ்

ஒருதலை காதலால் விபரீதம் பள்ளி மாணவிக்கு கத்திக்குத்து

2019-01-19@ 00:37:50

சென்னை: காசிமேடு சிங்கார வேலர் தோட்டத்தை சேர்ந்தவர் ராஜா. இவருக்கு 15 வயதில் மகள் உள்ளார். அதே பகுதியில் உள்ள பள்ளியில் 9ம் வகுப்பு படித்து வருகிறார். இவரது வீட்டின் எதிரில், மதன் (24) என்பவர் வசித்து வந்தார். திருமணமானவர். இவரது வீட்டிற்கு மாணவி அடிக்கடி வந்து சென்றுள்ளார். அப்போது மாணவியை ஒருதலையாக மதன் காதலித்ததாக கூறப்படுகிறது. மேலும், திருமணம் செய்யும்படியும் வற்புறுத்தி வந்துள்ளார். இதுபற்றி அறிந்த மாணவியின் பெற்றோர் மதனை கண்டித்துள்ளனர்.  நேற்று முன்தினம் இரவு மாணவியின் வீட்டு கதவை தட்டும் சத்தம்கேட்டது. மாணவி வெளியில் வந்து பார்த்தபோது தனது நண்பனுடன் வந்திருந்த மதன் மறைத்து வைத்து இருந்த கத்தியால் மாணவியின் தோள்பட்டையில் வெட்டிவிட்டு தப்பி சென்றார். அக்கம் பக்கத்தினர் மாணவியை மீட்டு ஸ்டான்லி மருத்துவமனையில் சிகிச்சைக்காக சேர்த்தனர். புகாரின்பேரில் காசிமேடு போலீசார் வழக்குப்பதிவு செய்து மதன் மற்றும் அவரது நண்பன் சிவா (24) ஆகியோரை தேடி வருகின்றனர்.

* தண்டையார்பேட்டை நாவலர் குடியிருப்பை சேர்ந்தவர் லோகேஷ் (22). ரவுடி. இவர்,  நேற்று முன்தினம் இரவு தண்டையார்பேட்டை இளையமுதலி தெருவில் உள்ள குடிசை  மாற்று வாரிய குடியிருப்பில் வசிக்கும் தனது நண்பரை பார்க்க சென்றபோது,  பைக்கில் வந்த 2 பேர் லோகேஷை வழி மறித்து அரிவாளால் சரமாரியாக வெட்டி  விட்டு தப்பினர். ரத்தவெள்ளத்தில் கிடந்த லோகேஷை மீட்டு, ஸ்டான்லி அரசு  மருத்துவமனையில் சிகிச்சைக்காக சேர்த்தனர். இதுகுறித்து போலீசார்  வழக்குப்பதிவு செய்து, தண்டையார்பேட்டை கைலாசம் தெருவை சேர்ந்த சரவணன் (22)  மற்றும் சங்கர் (21) ஆகிய இருவரையும் கைது செய்தனர்.
* பெசன்ட்  நகர் எலியட்ஸ் கடற்கரையில்  நேற்று மாலை 65 வயது மதிக்கத்தக்க பெண் சடலம்  கரை ஒதுங்கியது. சாஸ்திரி  நகர் போலீசார் விசாரிக்கின்றனர்.
* ராயபுரம் வெங்கடேசன் தெருவை சேர்ந்தவர் நிர்மலா (55). கடந்த 11ம் தேதி அதே பகுதியில் நடந்து சென்றபோது வேகமாக வந்த கார் நிர்மலா மீது மோதியது. படுகாயமடைந்த அவரை ஸ்டான்லி அரசு மருத்துவமனையில் சேர்த்தனர். அங்கு சிகிச்சை பலனின்றி நிர்மலா இறந்தார். போலீசார் வழக்குப்பதிவு செய்து காரை ஓட்டி வந்த மண்ணடியை சேர்ந்த 12ம் வகுப்பு மாணவனை கைது செய்து கெல்லீசில் உள்ள சிறுவர் சீர்த்திருத்த பள்ளியில் அடைத்தனர்.


மேலும் செய்திகள்

Like Us on Facebook Dinkaran Daily News
  • 24-08-2019

    24-08-2019 இன்றைய சிறப்பு படங்கள்

  • FloatingNuclearPlant23

    ரஷ்யாவில் உருவாக்கப்பட்டுள்ள உலகின் முதல் மிதக்கும் அணு ஆயுத ஆலை: தனது முதல் பயணத்தை தொடங்கியது..!

  • robo

    பெய்ஜிங்கில் நடைபெற்ற 2019 உலக ரோபோ மாநாடு: தொழிற்துறை, பயோனிக் ரோபோ மீன் உள்ளிட்டவை காட்சிக்கு வைப்பு

  • france_modi11112

    பிரதமர் மோடி பிரான்ஸ் நாட்டிற்கு பயணம் : பிரெஞ்சு அதிபர் இமானுவேல் மக்ரோனை சந்தித்து பேசினார்

  • cleb_11_kri

    கிருஷ்ண ஜெயந்தி : நாடு முழுவதும் கொண்டாட்டங்கள் களைகட்டின

படங்கள் வீடியோ கல்வி சினிமா ஜோ‌திட‌ம்