SUN குழுமத்திலிருந்து வெளிவரும் காலை நாளிதழ்

டெல்லியில் கடும் பனிமூட்டம்..... ரயில், விமான சேவைகள் பாதிப்பு: வாகன ஓட்டிகள் அவதி

2019-01-18@ 09:50:21

டெல்லி: டெல்லியில் இன்று காலை கடுமையான பனி மூட்டம் நிலவியது. இதனால், விமானம், ரயில் சேவை பாதிக்கப்பட்டுள்ளது. டெல்லி மற்றும் அதன் சுற்று வட்டாரப்பகுதிகளில் இன்று காலை கடுமையான பனிமூட்டம் நிலவியது. சாலிகள் முழுவதும் வெண்புகை மூண்டதுபோல் காட்சியளித்ததால் வாகன ஓட்டிகள் கடும் அவதிக்குள்ளாகினர். இதன் காரணமாக காலை 5.30 மணியில் இருந்து 7 மணி வரை டெல்லி விமான நிலையத்தில் விமான புறப்பாடு நிறுத்தி வைக்கப்பட்டது.  விமான வருகையும் இந்த நேரத்தில் பாதிக்கப்பட்டது. அதேபோல், 10க்கும் மேற்பட்ட ரயில்களும் தாமதம் ஆகியுள்ளன.

மேற்கு உத்தர பிரதேசம், ஹரியானா, ராஜஸ்தான் மற்றும் உத்தரகாண்ட் உள்ளிட்ட வடமாநிலங்களில் அடுத்த இரண்டு தினங்களுக்கு மிக கடுமையான அடர் பனிமூட்டம் நிலவும் என்று வானிலை ஆய்வு மையம் எச்சரித்துள்ளது. கிழக்குப்பகுதி மாநிலங்களான அசாம், மேகாலயா, திரிபுரா ஆகிய மாநிலங்களில் பனிமூட்டம் அதிகரித்து காணப்படும் என்று வானிலை ஆய்வு மையம் தெரிவித்துள்ளது.  உத்தர பிரதேச மாநிலம் பிரக்யாராஜ் நகரில் பனிமூட்டம் சிறிது குறைந்து காணப்பட்டது. இங்கு நடந்து வரும் கும்பமேளாவில் கலந்துகொண்ட பக்தர்கள் கடும் குளிரையும் பொருட்படுத்தாது  புனித நீராடினர்.


மேலும் செய்திகள்

Like Us on Facebook Dinkaran Daily News
  • 19-02-2019

    19-02-2019 இன்றைய சிறப்பு படங்கள்

  • artexpo

    சென்னையில் ஓவியர் சீனிவாசலு நினைவாக கலானுபாவா ஓவிய கண்காட்சி

  • modimeetmaurico

    பிரதமர் மோடியுடன் அர்ஜென்டினா அதிபர் மவுரிசியோ மக்ரி சந்திப்பு : முக்கிய ஒப்பந்தங்கள் குறித்து பேச்சுவார்த்தை

  • Switzerlandhorse

    சுவிட்சர்லாந்தில் உற்சாகத்துடன் களைகட்டிய குளிர்கால ஹார்ஸ் ரேஸ் போட்டி

  • germanyrecord

    ஜெர்மனியில் கார்ட்டூன் கதாப்பாத்திரம் போன்று வேடமிட்டு 2,762 பேர் ஒரே இடத்தில் நடனமாடி சாதனை

படங்கள் வீடியோ கல்வி சினிமா ஜோ‌திட‌ம்