SUN குழுமத்திலிருந்து வெளிவரும் காலை நாளிதழ்

பழைய டோனி திரும்ப வந்துட்டார்... கோஹ்லி உற்சாகம்

2019-01-17@ 00:36:55

அடுலெய்டு ஒருநாள் போட்டியில் டோனியின் பழைய அதிரடியை பார்க்க முடிந்தது. அவர் மீண்டும் பார்முக்கு திரும்பிவிட்டார் என்று கேப்டன் கோஹ்லி பாராட்டி உள்ளார். இது குறித்து கோஹ்லி கூறியதாவது:இந்திய அணியில் டோனி இடம் பெற வேண்டும் என்பதில் எந்த சந்தேகமும் இல்லை. அடிலெய்டில் அவர் தனது பழைய அதிரடி ஆட்டத்தை வெளிப்படுத்தி அசத்திவிட்டார். ஆட்டத்தின் போக்கை அவர் மிகத் துல்லியமாகக் கணிக்கிறார். கடைசி வரை நம்பிக்கையுடன் விளையாடுவதுடன், தேவையான நேரத்தில் மிகப் பிரமாதமான ஷாட்களை விளையாடி வெற்றியை வசப்படுத்தும் அவரது பாணியில் எந்த மாற்றமும் இல்லை. அவர் மனதில் என்ன நினைக்கிறார் என்பது அவருக்கு மட்டுமே தெரியும். நான் பேட்டிங் செய்தபோது ரன் குவிக்க நல்ல வாய்ப்புக்காக பொறுமையாக காத்திருந்தேன்.

ரன் வேகத்தை அதிகரிக்க இரண்டு அல்லது மூன்று ஓவர் போதும் என்ற நம்பிக்கை வீணாகவில்லை. அதே சமயம் மிகக் கடினமான நாளாக இது இருந்தது. வியர்வையில் எனது பேன்ட் முழுவதும் உப்பு பூத்துவிட்டது. டோனியும் சோர்வடைந்துவிட்டார். முழுமையாக 50 ஓவர் பீல்டிங் செய்த பிறகு பேட்டிங்கும் செய்வது மிகக் கடினம். புவனேஷ்வர் கடைசி கட்ட ஓவர்களை சிறப்பாக வீசி ஆஸி. ரன் குவிப்பை கட்டுப்படுத்தினார். ஷான், மேக்ஸ்வெல் இருவரும் அதிரடியாக விளையாடியபோது மிகப் பெரிய ஸ்கோரை எடுத்துவிடுவார்களோ என்ற அச்சம் இருந்தது. அவர்கள் இருவரையும் அடுத்தடுத்து அவுட்டாக்கி அசத்திவிட்டார். ஆல் ரவுண்டர் விஜய் ஷங்கருக்கு வாய்ப்பு கொடுப்பது பற்றியும் ஆலோசித்தோம். ஐந்து பந்துவீச்சாளர்களுடன் களமிறங்கும் வியூகம் கை கொடுப்பது ஒரு கேப்டனாக மகிழ்ச்சி அளிக்கிறது.இவ்வாறு கோஹ்லி கூறியுள்ளார்.


மேலும் செய்திகள்

Like Us on Facebook Dinkaran Daily News
  • colorado

    கொலராடோ நாட்டில் மனித உரிமை சட்டத்தை பாதுகாக்க கோரி பொதுமக்கள் போராட்டம்

  • trainchina

    சீனாவில் முதல் அதிவேக மாக்லெவ் ரயில் அறிமுகம்: மணிக்கு 600 கி.மீ வேகத்தில் செல்லும் என தகவல்!

  • 24-05-2019

    24-05-2019 இன்றைய சிறப்பு பாடங்கள்

  • 23-05-2019

    23-05-2019 இன்றைய சிறப்பு படங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

படங்கள் வீடியோ கல்வி சினிமா ஜோ‌திட‌ம்