SUN குழுமத்திலிருந்து வெளிவரும் காலை நாளிதழ்

சபரிமலை விவகாரத்தில் வன்முறையை ஏற்படுத்த சங்பரிவார் அமைப்புகள் முயற்சி : முதல்வர் பினராயி விஜயன்

2019-01-11@ 12:51:37

திருவனந்தபுரம் : சபரிமலை விவகாரத்தில் வன்முறையை ஏற்படுத்த சங்பரிவார் அமைப்புகள் முயற்சி மேற்கொண்டதாக கேரள முதல்வர் பினராயி விஜயன் குற்றம் சாட்டியுள்ளார். சபரிமலை ஐயப்பன் கோவிலுக்குள் அனைத்து வயது பெண்களையும் அனுமதிக்கலாம் என்ற உச்சநீதிமன்ற உத்தரவைத் தொடர்ந்து போராட்டங்கள் நடைபெற்று வருகின்றன. இதனால் அவ்வப்போது வன்முறையும் அரங்கேறி வருகிறது. இது தொடர்பாக மாநில ஆளுநர் சதாசிவத்திற்கு முதல்வர் பினராயி விஜயன் அறிக்கை அனுப்பியுள்ளார்.கடந்த 9ம் தேதி அனுப்பி வைக்கப்பட்ட இந்த அறிக்கையில் உச்சநீதிமன்ற உத்தரவைத் தொடர்ந்து கோவில் திறக்கப்பட்ட போது 5 பத்திரிக்கையாளர்கள் உட்பட 30 பெண்கள் தடுத்து நிறுத்தப்பட்டதாக தெரிவித்தார்.

இரு தரப்பினருக்கும் இடையே மோதலை தூண்டிவிட சதி செய்யப்பட்டுள்ளதாக தெரிவித்த முதல்வர், இது தொடர்பான சிடிக்கள் மற்றும் புகைப்படங்களை அனுப்பி வைத்துள்ளார். வன்முறைக்கு காரணமாக 10, 024 பேர்  அடையாளம் காணப்பட்டுள்ளதாகவும் அதில் 9 ஆயிரத்து 193 பேர் சங்பரிவார் அமைப்புகளைச் சார்ந்தவர்கள் என்றும் முதல்வர் குறிப்பிட்டுள்ளார். 2012 வழக்குகள் பதிவு செய்யப்பட்டுள்ளதாகவும் அவர் தெரிவித்தார். கடந்த 3ம் தேதி நடத்தப்பட்ட முழு அடைப்பு போராட்டத்தால் 2 கோடியே 32 லட்சம் ரூபாய் இழப்பு ஏற்பட்டதாகவும் முதல்வர் குறிப்பிட்டுள்ளார்.


மேலும் செய்திகள்

Like Us on Facebook Dinkaran Daily News
  • jetairweys_delli11

    வாழ்வாதாரத்தை காக்க வலியுறுத்தி, டெல்லி, மும்பையில்ஜெட்ஏர்வேஸ் ஊழியர்கள் போராட்டம்

  • nortkorean_adhibar1

    வடகொரிய அதிபர் ரஷியா பயணம் : வரலாற்றில் முதன்முறையாக ரஷ்ய அதிபர் விளாடிமிர் புதினை சந்திக்கிறார் கிம்ஜாங்

  • 25-04-2019

    25-04-2019 இன்றைய சிறப்பு படங்கள்

  • kedarnath

    கேதர்நாத் பகுதியில் யாத்திரை மேற்கொள்ள ஏற்பாடுகள் மும்மரம்: பனிபடர்ந்த பகுதிகளை அகற்றும் பேரழிவு நிவாரணப் படை

  • JadeMineMyanmar

    மியான்மரில் உள்ள மரகதக் கல் வெட்டி எடுக்கும் சுரங்க பகுதியில் பயங்கர நிலச்சரிவு...50க்கும் மேற்பட்டோர் பலி!

படங்கள் வீடியோ கல்வி சினிமா ஜோ‌திட‌ம்