SUN குழுமத்திலிருந்து வெளிவரும் காலை நாளிதழ்

கைவிரல் ரேகை வைத்தால் கார் கதவு திறக்கும்

2019-01-06@ 01:13:45

மொபைல்போன்களில் கை விரல் ரேகையை பயன்படுத்தி திரையை திறப்பதுபோல், உரிமையாளரின் விரல் ரேகையை வைத்து கார் கதவுகளை திறக்கும் வசதியை ஹூண்டாய் மோட்டார்ஸ் நிறுவனம் அறிமுகப்படுத்த உள்ளது. முதலாவதாக, ஹூண்டாய் சான்டா பீ எஸ்யூவி ரக காரில் இப்புதிய தொழில்நுட்பம் அறிமுகம் செய்யப்பட இருக்கிறது.அதுவும், குறிப்பிட்ட சில நாடுகளில் மட்டுமே இந்த கை விரல் ரேகை மூலமாக கார் கதவுகளை திறக்கும் தொழில்நுட்பம் அறிமுகம் செய்யப்பட இருக்கிறது. அதன்பிறகு, பிற நாடுகளிலும் இந்த தொழில்நுட்பம் அறிமுகம் செய்யப்படும்.

வெறும் கார் கதவுகளை திறப்பதற்கு மட்டுமல்ல, காரை ஸ்டார்ட் செய்வதற்கும் இது உதவியாக இருக்கும். அத்துடன், காரின் மெமரி பங்ஷன் அடிப்படையில் இருக்கையையும் அட்ஜெஸ்ட் செய்துவிடும். மேலும், கை விரல் உரியவருக்கு ஏற்றவாறு பதிவு செய்யப்பட்டிருக்கும் விதத்தில், ஸ்டீயரிங் வீல், சைடு மிரர்களையும் சரியான கோணத்தில் திருப்பி வைத்துவிடும். பதிவின் அடிப்படையில் சரியான அளவில் காருக்குள் வெப்பநிலையையும் பராமரிக்கும். கார் கதவில் கைப்பிடிக்கு அருகில் இருக்கும் சென்சாரில் விரல் ரேகையை பதிவு செய்தால், கார் கதவு திறந்துகொள்ளும். இது நிச்சயம் உரிமையாளர்களுக்கு சிறந்த பாதுகாப்பு வசதியை அளிக்கும்.

இந்த தொழில்நுட்பம் மிகவும் உயரிய பாதுகாப்பு அம்சங்களை பெற்றிருப்பதாகவும், இதன் பாதுகாப்பு தொழில்நுட்பத்தை திருடர்களால் முறியடித்து திறக்க முடியாது என்றும் ஹூண்டாய் கூறுகிறது. சாதாரண சாவி மற்றும் ஸ்மார்ட் சாவியைவிட இந்த கை விரல் ரேகை சாவி தொழில்நுட்பம் மிக உயரிய பாதுகாப்பை வழங்கும். இவ்வகை மாடல் கார், இந்தியாவில் எப்போது அறிமுகம் செய்யப்படும் என்ற அதிகாரப்பூர்வ தகவல் வெளியிடப்படவில்லை.


மேலும் செய்திகள்

Like Us on Facebook Dinkaran Daily News
  • 23-03-2019

    23-03-2019 இன்றைய சிறப்பு படங்கள்

  • SuperWormMoon

    2019ம் ஆண்டின் கடைசி சூப்பர் மூன்..: கண்களுக்கு விருந்தாக அமைந்த பூரண நிலவின் புகைப்படங்கள்

  • sharkpalne

    உலக நாடுகளின் கவனத்தை ஈர்த்த 'ஷார்க் ப்ராபிட் ஹண்டர்' விமானம் தற்போது டெல்லியில் விஜயம்

  • iraqnewyear

    ஈராக்கில் தீப்பந்தங்களை ஏந்தி நியூரோஷ் புத்தாண்டை வரவேற்ற குர்தீஷ் மக்கள்: வாணவேடிக்கைகளுடன் உற்சாக கொண்டாட்டம்

  • iraqboatacc

    ஈராக்கில் படகு ஆற்றில் கவிழ்ந்து விபத்து : 94 பேர் பலி

படங்கள் வீடியோ கல்வி சினிமா ஜோ‌திட‌ம்