SUN குழுமத்திலிருந்து வெளிவரும் காலை நாளிதழ்

சபரிமலையில் பிறப்பிக்கப்பட்ட 144 தடை மேலும் 2 நாட்களுக்கு நீட்டிப்பு: மாவட்ட ஆட்சியர் உத்தரவு

2018-12-16@ 21:43:34

திருவனந்தபுரம்: சபரிமலையில் பிறப்பிக்கப்பட்ட 144 தடை உத்தரவு இன்று நள்ளிரவில் முடியும் நிலையில் மேலும் 2 நாட்களுக்கு நீட்டித்து மாவட்ட ஆட்சியர் உத்தரவிட்டுள்ளார். சபரிமலை ஐயப்பன் கோயிலில் இளம் பெண்கள் தரிசனம் செய்யலாம் என உச்சநீதிமன்றம் அதிரடியாக உத்தரவிட்டது. இதையடுத்து பெரும் போராட்டங்கள் வெடித்தது. தொடர்ந்து அங்கு போலீஸ் பாதுகாப்பு பலப்படுத்தப்பட்டது. கடந்த நவம்பர் 15 முதல் ஜனவரி 16ம் தேதி வரை 4 கட்டங்களாக போலீசார் பாதுகாப்பு பணியில் ஈடுபடுத்தப்படுகின்றனர். தற்போது 3ம் கட்டமாக டிசம்பர் 14 முதல் 29ம் தேதி வரை 4026 போலீசார் பாதுகாப்பு பணியில் ஈடுபடுத்தப்பட உள்ளனர்.

இதில் ஐஜி. ஜித் தலைமையில், ஒரு டிஐஜி, 6 எஸ்பிக்கள், 29 டிஎஸ்பிக்கள், 90 இன்ஸ்பெக்டர்கள், 389 சப்- இன்ஸ்பெக்டர்கள் மற்றும் போலீசார் பணியமர்த்தப்பட்டுள்ளனர். மேலும் 230 பெண் போலீசாரும் பாதுகாப்பு பணியில் ஈடுபடுத்தப்பட உள்ளனர். 4ம் கட்டமாக டிசம்பர் 29 முதல் ஜனவரி 16ம் தேதி வரை 4383 போலீசார் பாதுகாப்பு பணியில் ஈடுபடுத்தப்படுகின்றனர். போலீசாரின் வேண்டுகோளை ஏற்று சபரிமலையில் கடந்த 13-ம் தேதி மேலும் 4 நாட்களுக்கு 144 தடை உத்தரவு நீட்டிக்கப்பட்டு, 16ம் தேதி இன்று இரவுவரை அமலில் இருக்கும் என்று அறிவிக்கப்பட்டது. இந்நிலையில் இன்று நள்ளிரவுடன் முடியும் நிலையில் இருந்த 144 தடை உத்தரவை மேலும் 2 நாட்களுக்கு நீட்டித்து மாவட்ட ஆட்சியர் உத்தரவிட்டுள்ளார்.


மேலும் செய்திகள்

Like Us on Facebook Dinkaran Daily News
  • thaneer_laari_kudam11

    குடிநீர் பஞ்சம் எதிரொலி : 'குடம் இங்கே, தண்ணீர் எங்கே?’.. தமிழக அரசை கண்டித்து ஸ்டாலின் தலைமையில் திமுக ஆர்ப்பாட்டம்

  • kali_dogsa1

    கலிபோர்னியாவில் அழகற்ற நாய்களுக்கான போட்டி : 19 நாய்கள் பங்கேற்பு

  • firoilsuthigari11

    அமெரிக்காவில் எண்ணெய் சுத்திகரிப்பு ஆலையில் 2 நாட்களாக பற்றி எரிந்த தீ : மாபெரும் போராட்டத்திற்கு பின் அணைப்பு

  • 24-06-2019

    24-06-2019 இன்றைய சிறப்பு படங்கள்

  • 23-06-2019

    23-06-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்