SUN குழுமத்திலிருந்து வெளிவரும் காலை நாளிதழ்

கன்னியாகுமரி அலங்கார உபகார மாதா திருத்தலத்தில் தங்கத்தேர் பவனி

2018-12-16@ 21:31:02

கன்னியாகுமரி: கன்னியாகுமரி அலங்கார உபகார மாதா திருத்தல திருவிழாவின் 10ம் நாளான இன்று (16ம் தேதி) இரு தங்கத்தேர் பவனி நடந்தது.
கன்னியாகுமரி தூய அலங்கார உபகார மாதா திருத்தல திருவிழா கடந்த 7ம் தேதி கொடியேற்றத்துடன் தொடங்கியது. விழா நாட்களின் தினமும் பழைய ஆலயத்தில் திருப்பலி, செபமாலை, மறையுரை, நற்கருணை ஆராதனை, கலைநிகழ்ச்சிகள் ஆகியன நடந்து வந்தன. விழாவின் 9ம் நாளான நேற்று (15ம் தேதி) சனிக்கிழமை அதிகாலை 5 மணிக்கு பழைய ஆலயத்தில் திருப்பலி, காலை 6.15 மணிக்கு திருப்பலி, 8 மணிக்கு திருஇருதய ஆண்டவர் பீடத்தில் நற்கருணை ஆராதனை, 10.30 மணிக்கு நோயாளர்களுக்கான திருப்பலி ஆகியவற்றிற்கு வாவத்துறை பங்கு தந்தை ஜாண்ஜோர் கென்சன் தலைமை வகித்து மறையுரையாற்றினார்.

மாலை 6.30 மணிக்கு சிறப்பு மாலை ஆராதனை நடந்தது. இதில் கன்னியாகுமரி முன்னாள் பங்குத்தந்தை லியோன்.எஸ்.கென்சன் தலைமை வகித்து மறையுரையாற்றினார். இரவு 9 மணிக்கு புனித சூசையப்பரின் தங்க தேர்ப்பவனி நடந்தது. இதில் ஏராளமானோர் கலந்து கொண்டனர். விழாவின் 10ம் நாளான இன்று (16ம் தேதி) ஞாயிற்றுக்கிழமை இரு தங்கத்தேர் பவனி நடக்கிறது. இதையொட்டி அதிகாலை 4.30 மணிக்கு நடந்த தங்கத்தேர் திருப்பலியில் கோட்டாறு மறைமாவட்ட முன்னாள் ஆயர் பீட்டர் ரெமிஜியூஸ் தலைமை வகித்து மறையுரையாற்றினார். காலை 6 மணிக்கு பெருவிழா நிறைவு திருப்பலி மறைமாவட்ட குருகுல முதல்வர் கிலாரியூஸ் தலைமையில் நடந்தது.

தொடர்ந்து காலை 8 மணிக்கு நடந்த ஆங்கில திருப்பலிக்கு காசா கிளாரட் சபை செல்வமணி தலைமை வகித்தார். காசா பிளாரட் சபை ராயப்பன் மறையுரை ஆற்றினார். காலை 9 மணிக்கு இரு தங்கத்தேர் பவனி நடந்தது. காலை 10 மணிக்கு நடந்த மலையாள திருப்பலிக்கு கலாசன்ஸ் பள்ளி அதிபர் சுனில் தலைமை வகித்தார். கலாசன்ஸ் பள்ளி முதல்வர் ஸ்டாலின் மறையுரையாற்றினார். பகல் 12 மணிக்கு தமிழில் நடந்த திருப்பலிக்கு ராஜாவூர் பங்கு தந்தை மதன் தலைமை வகித்தார். மாலை 6 மணிக்கு கொடியிறக்குதல் நடக்கிறது. விழா ஏற்பாடுகளை பங்குமக்கள், பங்கு தந்தை ஜோசப் ரொமால்டு, இணை பங்கு தந்தையர் சகாய ஸ்டாலன், டோனி ஜெரோம், வில்பர்ட் மற்றும் பங்குபேரவை துணை தலைவர் நாஞ்சில் ஏ.மைக்கேல், செயலர் சந்தியா வில்லவராயர், பொருளாளர் பெனி, இணைச் செயலர் தினகரன், அருள்சகோதரிகள், பங்கு அருள் பணியாளர்கள் செய்துள்ளனர்.


மேலும் செய்திகள்

Like Us on Facebook Dinkaran Daily News
  • annauniv

    அண்ணா பல்கலைக்கழகத்தில் சர்வதேச ஆவணப்படங்கள் விழா: கவர்னர் பன்வாரிலால் புரோகித் பங்கேற்பு

  • jammukashmir

    ஜம்மு-காஷ்மீர் பனிச்சரிவில் சிக்கியவர்களை கண்டுபிடிக்க தொடரும் மீட்புப்பணிகள்: 7 சடலங்கள் மீட்பு!

  • TulipflowerDay

    நெதர்லாந்தில் தேசிய துலிப் மலர் தினம் கோலாகலமாக கொண்டாடப்பட்டது

  • womesrally

    வுமென்ஸ் மார்ச் 2019: உலகின் பல்வேறு பகுதிகளில் பெண்கள் ஒன்று திரண்டு பேரணி

  • turkeycamelfight

    2,000 ஆண்டுகளாக நடந்து வரும் பாரம்பரிய ஒட்டகச் சண்டை: துருக்கியில் கோலாகலத்துடன் ஆரம்பம்

படங்கள் வீடியோ கல்வி சினிமா ஜோ‌திட‌ம்