SUN குழுமத்திலிருந்து வெளிவரும் காலை நாளிதழ்

மார்கழி மாத பிறப்பையொட்டி நெல்லையில் சிறுவர்கள் பஜனை ஊர்வலம்

2018-12-16@ 20:23:25

நெல்லை: மார்கழி மாத பிறப்பையொட்டி நெல்லையில் சிறுவர்கள் பங்கேற்ற பஜனை ஊர்வலம் நடந்தது. இதில் திரளான சிறுவர்கள் கலந்துகொண்டு திருப்பாவை மற்றும் திருவெம்பாவை பாடல்களை பாடி வீதிவலம் வந்தனர்.தமிழ் மாதங்கள் ஒவ்வொன்றிற்கும் தனி சிறப்பு உள்ளது. அத்தகைய சிறப்பான மாதங்களில் மார்கழி மாதமும் ஒன்று. மார்கழி மாதம் பிறப்பையொட்டி இன்று அதிகாலையில் பெண்கள் எழுந்து நீராடி வீட்டின் முன் மாவினால் கோலமிட்டு அருகில் உள்ள பெருமாள் மற்றும் சிவன் கோயில்களுக்கு சென்று வழிபட்டனர்.

இதுபோல் வீடுகளில் உள்ள சிறுவர்கள், முதியவர்களும் அதிகாலையில் எழுந்து நீராடி மார்கழி மாத பஜனையில் ஈடுபட்டனர். இதில் பஜனை குழுவினர் திருப்பாவை, திருவெம்பாவை பாடல்களை பாடி வீதிவலம் வந்தனர். பெருமாள் மற்றும் சிவன் கோயில்களில் வழிபட்டனர். இதில் நெல்லை மேலநத்தம் பகுதியில் ராதை கிருஷ்ணா பஜனை குழுவினரும், நெல்லை டவுன் தொண்டர் நயினார் கோயில் திருபுகழ் பஜனை குழுவினரும், டவுண் செண்பகம்பிள்ளை தெரு பஜனை குழுவினரும் பஜனை பாடல்களை பாடி வீதிவலம் வந்தனர். இதில் திரளான பக்தர்கள், சிறுவர்கள் கலந்துகொண்டனர்.


மேலும் செய்திகள்

Like Us on Facebook Dinkaran Daily News
  • annauniv

    அண்ணா பல்கலைக்கழகத்தில் சர்வதேச ஆவணப்படங்கள் விழா: கவர்னர் பன்வாரிலால் புரோகித் பங்கேற்பு

  • jammukashmir

    ஜம்மு-காஷ்மீர் பனிச்சரிவில் சிக்கியவர்களை கண்டுபிடிக்க தொடரும் மீட்புப்பணிகள்: 7 சடலங்கள் மீட்பு!

  • TulipflowerDay

    நெதர்லாந்தில் தேசிய துலிப் மலர் தினம் கோலாகலமாக கொண்டாடப்பட்டது

  • womesrally

    வுமென்ஸ் மார்ச் 2019: உலகின் பல்வேறு பகுதிகளில் பெண்கள் ஒன்று திரண்டு பேரணி

  • turkeycamelfight

    2,000 ஆண்டுகளாக நடந்து வரும் பாரம்பரிய ஒட்டகச் சண்டை: துருக்கியில் கோலாகலத்துடன் ஆரம்பம்

படங்கள் வீடியோ கல்வி சினிமா ஜோ‌திட‌ம்