SUN குழுமத்திலிருந்து வெளிவரும் காலை நாளிதழ்

அண்ணா அறிவாலயத்தில் கலைஞர் திருவுருவச் சிலையை திறந்து வைத்தார் சோனியா காந்தி

2018-12-16@ 17:22:10

சென்னை: திமுக தலைவர் கலைஞர் திருவுருவச் சிலையை காங்கிரஸ் முன்னாள் தலைவர் சோனியா காந்தி திறந்து வைத்துள்ளார். திமுக தலைவர் கலைஞர் கடந்த ஆகஸ்ட் 7-ம் தேதி உயிரிழந்தார்.  அவரது உடல், மெரினா கடற்கரையில் அண்ணா நினைவகத்திற்கு பின்புறம் அடக்கம் செய்யப்பட்டது. திமுக தலைவர் மு.க.ஸ்டாலின், முக்கிய முடிவுகளை எடுக்கும்போதெல்லாம் கலைஞரின் நினைவிடத்துக்குச் சென்று அஞ்சலி செலுத்தி வருகிறார். மேலும், தமிழகம் முழுவதும் கலைஞருக்கு நினைவஞ்சலி கூட்டம் நடத்தப்பட்டது. திமுக தலைமையகமான அண்ணா அறிவாலயத்தில் அண்ணா சிலை அருகே கலைஞருக்கு சிலை வைக்க முடிவு  செய்யப்பட்டு, சிலை தயாரிக்கப்பட்டது. கலைஞரின் திருவுருவச் சிலை திறப்பு விழா இன்று மாலை 5 மணிக்கு சென்னை அண்ணா அறிவாலயத்தில் நடைபெற்று வருகிறது.  

விழாவில் கலந்து கொள்வதற்காக சேனியா காந்தி உள்ளிட்ட தேசிய  தலைவர்கள் இன்று பிற்பகலில் விமானம் மூலம் சென்னை வந்தனர். அவர்களுக்கு விமான நிலையத்தில் திமுக மற்றும் காங்கிரஸ் தலைவர்கள் சிறப்பான வரவேற்பு அளித்தனர். விழாவில் திமுக தலைவர் மு.க.ஸ்டாலின் தலைமை தாங்கினார். பொதுச் செயலாளர் க.அன்பழகன் முன்னிலை வகித்தார். இதனை தொடர்ந்து ஐக்கிய முற்போக்கு கூட்டணிக் கட்சியின் தலைவர் சோனியா காந்தி சிலையை திறந்து வைத்தார். மேலும் காங்கிரஸ் தலைவர் ராகுல் காந்தி, ஆந்திர முதல்வர் சந்திரபாபு நாயுடு, கேரள முதல்வர் பினராயி விஜயன், புதுச்சேரி முதல்வர் நாராயணசாமி மற்றும் நடிகர் ரஜினிகாந்தி உள்ளிட்ட திரைத்துறையினர் விழாவில் பங்கேற்றனர். மாவட்டச் செயலாளர் அன்பழகன் நன்றி தெரிவித்தார்.

கலைஞர் சிலை திறப்பு விழா நடைபெறுவதையொட்டி சோனியாகாந்தி, ராகுல் மற்றும் அண்டை மாநில முதல்வர்கள் சென்னை வந்துள்ளனர். இதனையடுத்து கருணாநிதி சிலை திறக்கப்படும் தேனாம்பேட்டை அண்ணா அறிவாலயம், ராயப்பேட்டையில் பொதுக் கூட்ட வளாகம், மெரினாவில் உள்ள கருணாநிதி நினைவிடம் ஆகிய இடங்களிலும் பலத்த போலீஸ் பாதுகாப்பு போடப்பட்டுள்ளது. மேலும், சென்னை முழுவதும் 10 ஆயிரம் போலீசார் பாதுகாப்பு பணியில் ஈடுபட்டுள்ளனர்.


மேலும் செய்திகள்

Like Us on Facebook Dinkaran Daily News
  • 17-09-2019

    17-09-2019 இன்றைய சிறப்பு படங்கள்

  • dragan_canadaa

    கனடாவில் டிராகன் திருவிழா : காற்றில் மிதந்து வருவது போன்ற மாயத்தோற்றத்தை ஏற்படுத்திய டிராகன்களின் உருவ பொம்மைகள்

  • gurgaun_cameraa1

    குர்கானில் உலகின் மிகப்பெரிய கேமரா அருங்காட்சியகம் : வரலாற்றை கண்முன்னே கொண்டு வரும் 2000 பழங்கால கேமராக்கள்

  • apayin_kuppai11

    ஸ்பெயினில் வரலாறு காணாத கனமழை : வெள்ளத்தில் இழுத்துச் செல்லப்பட்ட கார்கள் குப்பை போல குவிந்துள்ள அவலம்

  • protest_dailymail111

    சீனாவின் இலையுதிர்கால திருவிழா :மலைகளில் ‘போராட்டம் சார்ந்த வாசகத்துடன்’ விளக்குகளை ஏற்றிய ஹாங்காங் போராட்டக்காரர்கள்

படங்கள் வீடியோ கல்வி சினிமா ஜோ‌திட‌ம்