SUN குழுமத்திலிருந்து வெளிவரும் காலை நாளிதழ்

நாடாளுமன்ற உறுப்பினர்களின் கடும் அமளியால் மக்களவை மற்றும் மாநிலங்களவை மீண்டும் ஒத்திவைப்பு

2018-12-14@ 17:06:39

புதுடெல்லி: ரபேல் வழக்கில் உச்சநீதிமன்ற தீர்ப்பின் எதிரொலியாக நாடாளுமன்றத்தின் இரு அவைகளும் முடங்கிப் போயின. பாராளுமன்ற குளிர்கால கூட்டத் தொடர் தொடங்கி நடைபெற்று வரும் நிலையில், மாநிலம் சார்ந்த பிரச்சனைகள் மற்றும் பாஜக ஆட்சிக்கு எதிரான குற்றச்சாட்டுகளை முன்வைத்து எதிர்க்கட்சிகள் அமளியில் ஈடுபட்டு வருகின்றன. இந்நிலையில் இன்று காலை 11 மணிக்கு பாராளுமன்றம் கூடியது. மக்களவை கூடியதுமே ரபேல் ஒப்பந்தத்தில் முறைகேடு நடக்கவில்லை என்ற உச்சநீதிமன்ற தீர்ப்பை முன்னிறுத்தி ஆளும் பாரதிய ஜனதா உறுப்பினர்கள் அமளியில் ஈடுபட்டனர். பதிலுக்கு காங்கிரஸ் எம்பிக்களும் எதிர்ப்பு முழக்கங்களை எழுப்பியதால் அவையில் கூச்சல் குழப்பம் ஏற்பட்டது. இதையடுத்து அவை நடவடிக்கைகள் பகல் 12 மணி வரை ஒத்திவைக்கப்பட்டது. ஒத்திவைக்கப்பட்ட அவை மீண்டும் 12 மணிக்கு கூடியது.

அப்போது ரபேல் வழக்கின் நீதியை சுட்டிக்காட்டிய பாரதீய ஜனதா எம்.பிக்கள், தவறான பிரச்சாரத்தை முன்னெடுத்த ராகுல் காந்தி மன்னிப்பு கேட்க வலியுறுத்தி முழக்கங்களை எழுப்பினர். தொடர்ந்து கூச்சல் குழப்பம் நிலவியதால் அவையை வரும் திங்கட்கிழமை வரை சபாநாயகர் சுமித்திரை மகாராஜன் ஒத்திவைத்தார். இதேபோல மாநிலங்களவையிலும் ரபேல் தீர்ப்பை முன்னிறுத்தி பாரதிய ஜனதா உறுப்பினர்கள் அமளியில் ஈடுபட்டனர். இதேபோல் மேகதாது அணை, ரிசர்வ் வங்கி இயக்குனர் மாற்றம், ஆந்திராவிற்கு சிறப்பு அந்தஸ்து உள்ளிட்ட பல்வேறு பிரச்சனைகளை வலியுறுத்தி அதிமுக, காங்கிரஸ், தெலுங்கு தேசம் உள்ளிட்ட கட்சி எம்.பிக்கள் முழக்கங்களை எழுப்பினர். இதனால் மாநிலங்களவையும் வரும் திங்கட்கிழமை வரை ஒத்திவைக்கப்பட்டது.


மேலும் செய்திகள்

Like Us on Facebook Dinkaran Daily News
  • 22-03-2019

    22-03-2019 இன்றைய சிறப்பு படங்கள்

  • NerthikkadanTriplecane

    பங்குனி உத்திரப்பெருவிழா: திருவல்லிக்கேணி முருகன் கோயிலில் நூற்றுக்கணக்கான பக்தர்கள் நேர்த்திக்கடன்

  • TokyoOlympicTorch

    2020 ஒலிம்பிக் போட்டிக்கு தீவிரமாக தயாராகி வரும் டோக்கியோ..: புதிய ஒலிம்பிக் ஜோதி கோப்பை அறிமுகம்

  • newzealandattack

    நியூசிலாந்து மசூதி துப்பாக்கிச் சூடு : உயிரிழந்தவர்களின் உடல்கள் ஒரே இடத்தில் புதைக்கப்பட்டது

  • PhilipinesWhalePlastic

    இறந்த நிலையில் கரை ஒதுங்கிய திமிங்கலத்தின் வயிற்றில் 40 கிலோ பிளாஸ்டிக் கழிவுகள்: ஆராய்ச்சியாளர்கள் அதிர்ச்சி

படங்கள் வீடியோ கல்வி சினிமா ஜோ‌திட‌ம்