SUN குழுமத்திலிருந்து வெளிவரும் காலை நாளிதழ்

போதையில் இருந்ததால் வார்டுக்குள் அனுமதிக்க மறுப்பு கடலூர் அரசு மருத்துவமனையில் எஸ்எஸ்ஐயை தாக்கி விட்டு நிர்வாணமாக ஓடிய வாலிபர்

2018-12-14@ 00:43:48

கடலூர்:  கடலூர் அரசு மருத்துவமனையில் போதையில், சிறப்பு எஸ்ஐயை  தாக்கி  ரகளையில் ஈடுபட்டதோடு நிர்வாணமாக சாலையில் ஓடிய வாலிபரை போலீசார்  மடக்கி பிடித்து கைது செய்தனர். கடலூர் மாவட்டம் முத்தாண்டிக்குப்பம்  அருகே புதுக்குப்பம் கிராமத்தை சேர்ந்தவர் புஷ்பராஜ்(27).  இவரது மனைவி  கீர்த்தனாவுக்கு (24) கடலூர் அரசு மகப்பேறு மருத்துவமனையில் நேற்று காலை  பெண் குழந்தை பிறந்தது. இந்நிலையில் நேற்று முன்தினம் இரவு  10.30  மணிக்கு போதையில் தள்ளாடியபடி மகப்பேறு மருத்துவமனைக்கு  வந்த  புஷ்பராஜ், அங்கிருந்த செக்யூரிட்டி திருமுருகனிடம்  உடனே மனைவியையும் குழந்தையையும் பார்க்க வேண்டும். கதவைத் திற என்று மிரட்டியுள்ளார்.

இரவு நேரத்தில், போதையில் உள்ளே அனுமதிக்க  முடியாது என்று அவர் மறுத்ததால் ஆவேசம் அடைந்த புஷ்பராஜ் ரகளையில் ஈடுபட்டு  திருமுருகனை அசிங்கமாக திட்டி தாக்கினார். இதனால் மகப்பேறு மருத்துவமனை  வளாகத்தில் பரபரப்பு ஏற்பட்டது.  தகவல் அறிந்த மருத்துவமனை  புறக்காவல் நிலைய போலீஸ் சிறப்பு சப்-இன்ஸ்பெக்டர் பக்கிரி வந்து புஷ்பராஜை கண்டித்தார். ஆனால் அதற்கும் அடங்காமல் அவரையும் தாக்கிவிட்டு ஓடினார். அவரை பிடிக்க சிறப்பு எஸ்ஐ பக்கிரியும் ஓடினார். அப்போது புஷ்பராஜ் லுங்கி அவிழ்ந்தது. இதனால் நிர்வாணமாக சாலையில் ஓடினார். அவரை போலீசார் விரட்டி சென்று மடக்கி பிடித்து கைது செய்தனர்.


மேலும் செய்திகள்

Like Us on Facebook Dinkaran Daily News
  • SiberiaPolarBearStreet

    ரஷ்யாவில் உணவைத் தேடி நூற்றுக்கணக்கான கி.மீ. தூரம் இடம்பெயர்ந்த பனிக்கரடி: அலைந்து திரிந்து சோர்ந்து படுத்த பரிதாபம்!

  • RahulBirthday2k19

    கட்சி பிரதிநிதிகளுடன் உற்சாகமாக பிறந்தநாளை கொண்டாடிய காங்கிரஸ் தலைவர் ராகுல் காந்தி: புகைப்படங்கள்

  • GrassBridgePeru

    ஆண்டுதோறும் காய்ந்த புற்களை கொண்டு கட்டப்படும் தொங்கு பாலம்..: மலைத்தொடரை இணைக்க உயிரை பணயம் வைக்கும் மக்கள்!

  • RoyalAscot2k19

    இங்கிலாந்தில் நடைபெற்ற ராயல் அஸ்காட் குதிரைப் பந்தயம்: விதவிதமான தொப்பிகளை அணிந்து வந்து அசத்திய பார்வையாளர்கள்

  • BiharProtestBrainFever

    பீகாரில் மூளைக்காய்ச்சல் காரணமாக தொடரும் குழந்தைகளின் உயிர்பலி: அரசுக்கு எதிராக போராட்டத்தில் குதித்த மக்கள்- புகைப்படங்கள்

படங்கள் வீடியோ கல்வி சினிமா ஜோ‌திட‌ம்