SUN குழுமத்திலிருந்து வெளிவரும் காலை நாளிதழ்

தர்மபுரி அருகே நடுரோட்டில் ஆம்னி பஸ் தீப்பிடித்து எரிந்து நாசம்

2018-12-11@ 00:39:54

தர்மபுரி : தர்மபுரி அருகே ஆம்னி சொகுசு பஸ் திடீரென தீப்பிடித்து எரிந்து நாசமானது. அதிலிருந்த பயணிகள் அதிர்ஷ்டவசமாக உயிர்தப்பினர். மதுரையில் இருந்து பெங்களூருக்கு, தனியார் ஆம்னி சொகுசு பஸ் நேற்று முன்தினம் இரவு 11 மணிக்கு புறப்பட்டது. பஸ்சில் 36 பயணிகள் இருந்தனர். அந்த பஸ் சேலம் வந்தடைந்ததும், மாற்று டிரைவரான சேலத்தை சேர்ந்த மாதேஸ்வரன் (50) பெங்களூருக்கு ஓட்டிச்சென்றார். சேலம்-பெங்களூரு பைபாஸ் சாலையில், தொப்பூர் கணவாய் ஆஞ்சநேயர் கோயில் அருகே நேற்று அதிகாலை 5 மணியளவில் பஸ் சென்றபோது பின்னால் உள்ள ஏ.சி மிஷினிலிருந்து தீப்பொறி கிளம்பியது. பின்னால் வந்த வாகன ஓட்டிகள் தீப்பொறி வருவதை டிரைவரிடம் கூறினர். பதறிப்போன டிரைவர் உடனடியாக பஸ்சை நிறுத்தினார். தூங்கி ெகாண்டிருந்த பயணிகள் அனைவரையும் சத்தம் போட்டு எழுப்பி அவசர அவசரமாக கீழே இறங்க வைத்தார்.

பஸ்சில் இருந்த தண்ணீரை கொண்டு தீயை அணைக்கும் முயற்சியில் டிரைவரும், பயணிகளும் ஈடுபட்டனர். மேலும் அவ்வழியாக வந்த வாகன ஓட்டிகளும், தங்களிடம் இருந்த தண்ணீரை எடுத்து ஊற்றி தீயை அணைக்க உதவினர். இதுகுறித்து தகவல் அறிந்த தர்மபுரி தீயணைப்பு துறையினர் விரைந்து வந்து தண்ணீரை பீய்ச்சி அடித்து தீயை அணைத்தனர். பின்னர், மாற்று பஸ் வரவழைக்கப்பட்டு பயணிகள் அனுப்பி வைக்கப்பட்டனர். இதனிடையே பஸ்சின் பின்பகுதியில் ஓரளவு தீக்கிரையாகியிருந்த நிலையில், அடுத்த ஒரு சில நிமிடங்களில் ஏசியில் இருந்து காஸ் லீக்காகி, பஸ் முழுவதும் தீப்பற்றி எரிய ஆரம்பித்தது. தகவலறிந்து மீண்டும் தீயணைப்பு வீரர்கள் வருவதற்குள் பஸ் முழுவதும் எரிந்து நாசமானது. நேற்று அதிகாலையில் நடந்த இந்த விபத்தால் அப்பகுதியில் 2 மணி நேரம் போக்குவரத்து பாதிக்கப்பட்டது. போலீசார் விபத்து குறித்து விசாரிக்கின்றனர்.


மேலும் செய்திகள்

Like Us on Facebook Dinkaran Daily News
  • yoga

    சர்வதேச யோகா தினத்தை முன்னிட்டு இந்தியா உட்பட பல்வேறு நாடுகளில் யோகா பயிற்சி மேற்கொண்டுவரும் மக்கள்!

  • octopus

    ஜப்பான் ஆழ்கடலில் நீச்சல் வீரர் ஒருவரை இழுத்து செல்ல முயன்ற ஆக்டோபஸ்: வைரலாகும் காட்சிகள்

  • brainfever

    பீகாரில் மூளை காய்ச்சலால் உயிரிழந்த குழந்தைகளின் எண்ணிக்கை 100 ஆக உயர்வு!

  • pandacub

    உலகிலேயே குறைந்த எடையுடன் பிறந்த மிகச்சிறிய பாண்டா குட்டிகள்: சீனாவில் நிகழ்ந்த அதிசயம்

  • 17-06-2019

    17-06-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்