SUN குழுமத்திலிருந்து வெளிவரும் காலை நாளிதழ்

பாலாஜி குழுமத்தில் 4 நாட்களாக நடந்து வந்த வருமான வரி சோதனை நிறைவு : கணக்கில் வராத ரூ.110 கோடி பணம், ஆவணங்கள் சிக்கின

2018-12-10@ 14:34:34

சென்னை : பாலாஜி குழுமத்திற்கு சொந்தமான இடங்களில் நடைபெற்ற வருமான வரித்துறை சோதனையில் கணக்கில் வராத ரூ. 110 கோடி ரொக்க பணம் கைப்பற்றப்பட்டதை அடுத்து 4 நாட்கள் சோதனை நிறைவடைந்தது. சென்னை தியாகராய நகரில் வசித்து வரும் ஆந்திர முன்னாள் எம்பி ஸ்ரீனிவாசலு ரெட்டிக்கு சொந்தமான பாலாஜி குழுமத்தில் மதுபான ஆலை உள்ளிட்ட பல்வேறு நிறுவனங்கள் உள்ளன.

இந்த நிறுவனங்களில் கணக்கில் காட்டப்படாத பணம் பதுக்கி வைக்கப்பட்டுள்ளதாக வருமான வரித்துறைக்கு ரகசிய தகவல் கிடைத்தது. இதையடுத்து சென்னை , காஞ்சிபுரம் உள்ளிட்ட 13 இடங்களில் வருமான வரித்துறை அதிகாரிகள் வெள்ளிக்கிழமை முதல் 4 நாட்களாக சோதனை நடத்தி வந்தனர். சென்னை தியாகராய நகரில் உள்ள ஸ்ரீனிவாசலு வீடு, அலுவலகம் , பூந்தமல்லியில் உள்ள மதுபான ஆலை ஆகிய 40 இடங்களில் வருமான வரி சோதனை நடைபெற்றது. இன்று காலை வரை 4வது நாளாக சோதனை நீடித்தது.

இதில் சுமார் ரூ.110 கோடி ரொக்கப் பணம் பறிமுதல் செய்யப்பட்டது. சோதனை நிறைவடைந்த நிலையில், பறிமுதல் செய்யப்பட்ட பணத்திற்கான ஆவணங்களை அக்குழுமம் இதுவரை சமர்ப்பிக்கவில்லை எனத் தெரிகிறது. இதனிடையே வரி ஏய்ப்பு தொடர்பான ஆவணங்களும் கைப்பற்றப்பட்டு இருப்பதாகவும் அவற்றை மதிப்பீடு செய்யும் பணிகள் தற்போது நடைபெற்று வருவதாகவும் அதிகாரிகள் கூறியுள்ளனர். அரசியல் பயன்பாட்டிற்காகவா அல்லது லஞ்சம் கொடுக்க இவ்வளவு பெரிய தொகை திரட்டப்பட்டதா என விசாரணை நடத்தி வருகின்றனர்.


மேலும் செய்திகள்

Like Us on Facebook Dinkaran Daily News
  • thaneer_laari_kudam11

    குடிநீர் பஞ்சம் எதிரொலி : 'குடம் இங்கே, தண்ணீர் எங்கே?’.. தமிழக அரசை கண்டித்து ஸ்டாலின் தலைமையில் திமுக ஆர்ப்பாட்டம்

  • kali_dogsa1

    கலிபோர்னியாவில் அழகற்ற நாய்களுக்கான போட்டி : 19 நாய்கள் பங்கேற்பு

  • firoilsuthigari11

    அமெரிக்காவில் எண்ணெய் சுத்திகரிப்பு ஆலையில் 2 நாட்களாக பற்றி எரிந்த தீ : மாபெரும் போராட்டத்திற்கு பின் அணைப்பு

  • 24-06-2019

    24-06-2019 இன்றைய சிறப்பு படங்கள்

  • 23-06-2019

    23-06-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்