SUN குழுமத்திலிருந்து வெளிவரும் காலை நாளிதழ்

151 ரன் வித்தியாசத்தில் ரஞ்சியில் தமிழகம் அபார வெற்றி

2018-12-10@ 01:28:36

சென்னை: கேரள அணியுடன் நடந்த ரஞ்சி கோப்பை சி பிரிவு லீக் ஆட்டத்தில், தமிழக அணி 151 ரன் வித்தியாசத்தில் அபாரமாக வென்றது. சேப்பாக்கம், எம்.ஏ.சிதம்பரம் ஸ்டேடியத்தில் நடந்த இப்போட்டியின் முதல் இன்னிங்சில் தமிழகம் 268 ரன், கேரளா 152 ரன் எடுத்தன. 116 ரன் முன்னிலையுடன் 2வது இன்னிங்சை விளையாடிய தமிழகம், 7 விக்கெட் இழப்புக்கு 252 ரன் குவித்து டிக்ளேர் செய்தது. இதையடுத்து, 369 ரன் எடுத்தால் வெற்றி என்ற இலக்குடன் 2வது இன்னிங்சை தொடங்கிய கேரளா 3ம் நாள் ஆட்ட முடிவில் 1 விக்கெட் இழப்புக்கு 27 ரன் எடுத்திருந்தது. கை வசம் 9 விக்கெட் இருக்க வெற்றிக்கு இன்னும் 342 ரன் தேவை என்ற நிலையில் நேற்று கடைசி நாள் ஆட்டத்தை எதிர்கொண்ட கேரளா, தமிழக வீரர்களின் துல்லியமான பந்துவீச்சு மற்றும் துடிப்பான பீல்டிங்கை சமாளிக்க முடியாமல் 217 ரன்னுக்கு ஆல் அவுட்டானது (89 ஓவர்).

அருண் 33, ஜோசப் 55, சஞ்சு சாம்சன் 91 ரன் (192 பந்து, 10 பவுண்டரி, 2 சிக்சர்) விளாச, மற்ற வீரர்கள் சொற்ப ரன்னில் ஆட்டமிழந்து அணிவகுத்தனர் (5 பேர் டக் அவுட்). தமிழக பந்துவீச்சில் நடராஜன் 5, சாய் கிஷோர், அபராஜித் தலா 2 விக்கெட் வீழ்த்தினர். 151 ரன் வித்தியாசத்தில் அபாரமாக வென்ற தமிழகம் 6 புள்ளிகளை தட்டிச் சென்றது.


மேலும் செய்திகள்

Like Us on Facebook Dinkaran Daily News
  • yoga

    சர்வதேச யோகா தினத்தை முன்னிட்டு இந்தியா உட்பட பல்வேறு நாடுகளில் யோகா பயிற்சி மேற்கொண்டுவரும் மக்கள்!

  • octopus

    ஜப்பான் ஆழ்கடலில் நீச்சல் வீரர் ஒருவரை இழுத்து செல்ல முயன்ற ஆக்டோபஸ்: வைரலாகும் காட்சிகள்

  • brainfever

    பீகாரில் மூளை காய்ச்சலால் உயிரிழந்த குழந்தைகளின் எண்ணிக்கை 100 ஆக உயர்வு!

  • pandacub

    உலகிலேயே குறைந்த எடையுடன் பிறந்த மிகச்சிறிய பாண்டா குட்டிகள்: சீனாவில் நிகழ்ந்த அதிசயம்

  • 17-06-2019

    17-06-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்