SUN குழுமத்திலிருந்து வெளிவரும் காலை நாளிதழ்

பிரேசிலில் 2 வங்கி கொள்ளை முறியடிப்பு கொள்ளையர், போலீசார் இடையே மோதல் 6 பிணைக்கைதிகள் உள்பட 12 பேர் பலி

2018-12-09@ 02:07:31

ரியோடி ஜெனிரோ: பிரேசிலில் வங்கி கொள்ளை சம்பவத்தின்போது கொள்ளையர்கள் மற்றும் போலீசார் இடையே நடந்த துப்பாக்கி சண்டையில் 6 பிணைக்கைதிகள் உள்பட 12 பேர் பலியாகினர். வன்முறை அதிகம் நடக்கும் நாடுகளில் பிரேசில் ஒன்று. இங்கு கடந்த ஆண்டில் மட்டும் வன்முறை சம்பவங்களால் 64,000 பேர் கொல்லப்பட்டுள்ளனர். இந்த நிலையில் நேற்று ஒரே நாளில் 12 பேர் கொல்லப்பட்டனர். இந்த நாட்டின் மிலாக்ரேஷ் நகரில் ஒரே தெருவில் உள்ள 2 வங்கிகளில் கொள்ளையடிப்பதற்காக பயங்கர ஆயுதங்களுடன் கொள்ளையர்கள் சிலர் நேற்று அங்கு வந்தனர். அதிகாலை 2 மணிக்கு வங்கிகளில் கொள்ளையடிக்க திட்டமிட்ட அவர்கள் அந்த தெருவில் ஒரு லாரியை நடுரோட்டில் நிறுத்தினர். அப்போது சாபோலோவில் இருந்து விமானத்தில் திரும்பிய பயணிகள் காரில் வீட்டுக்கு திரும்பிக்கொண்டிருந்தனர். அவர்களை கொள்ளையர்கள் பிணையக்கைதிகளாக பிடித்து வைத்துக்கொண்டு வங்கியில் கொள்ளையடிக்க சென்றனர்.

இதுபற்றி அறிந்த போலீசார் சம்பவ இடத்திற்கு விரைந்து வந்தனர். அவர்கள் வங்கி கொள்ளையில் ஈடுபட முயன்ற கொள்ளையர்கள் மீது துப்பாக்கி சூடு நடத்தினர். இதனால் அதிர்ச்சியடைந்த கொள்ளையர்கள் தாங்கள் பிடித்து வைத்திருந்த பிணையக்கைதிகள் 6 பேரை துப்பாக்கியால் சுட்டுக்கொன்றனர். இதில் 2 குழந்தைகள் உள்பட 5 பேர் ஒரே குடும்பத்தை சேர்ந்தவர்கள். இதையடுத்து போலீசார் கொள்ளையர்கள் 6 பேரை சுட்டுக்கொலை செய்தனர். 2 கொள்ளையர்களை போலீசார் சுற்றி வளைத்து கைது செய்தனர்.சில கொள்ளையர்கள் தப்பியோடினர். இதனால் கொள்ளை முயற்சி தடுக்கப்பட்டது. மேலும் கொள்ளையர்கள் பயன்படுத்திய 3 வாகனங்கள் மற்றும் வெடிமருந்து ஆயுதங்கள் ஆகியவை சம்பவ இடத்தில் இருந்துபறிமுதல் செய்யப்பட்டது. அதிகாலையில் நடந்த இந்த சம்பவத்தால் அப்பகுதியில் பதற்றம் ஏற்பட்டது.


மேலும் செய்திகள்

Like Us on Facebook Dinkaran Daily News
  • ChennaiMarinaMaasiMagam

    மாசி மகத்தை முன்னிட்டு சென்னை மெரினா கடற்கரையில் நடைபெற்ற தீர்த்தவாரி நிகழ்ச்சியின் புகைப்படங்கள்

  • AlbinoTurtleheart

    உடலின் வெளிப்புறத்தில் இதயத்துடன் பிறந்துள்ள அபூர்வ வெள்ளை ஆமை: ஆச்சரியத்தில் ஆராய்ச்சியாளர்கள்!

  • ModiSalmanDelhi

    சவுதி அரேபிய பட்டத்து இளவரசர் இந்தியா வருகை...நேரில் சென்று வரவேற்ற பிரதமர் மோடி: புகைப்படங்கள்

  • SuperSnowMoon2k19

    அதிக ஒளியுடனும், பூமிக்கு மிக அருகிலும் தெரிந்த சூப்பர் மூன்: ரம்மியமான அரிய நிகழ்வை கண்டு ரசித்த மக்கள்!

  • 20-02-2019

    20-02-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்