SUN குழுமத்திலிருந்து வெளிவரும் காலை நாளிதழ்

கருத்து கணிப்பில் நானே பெரியவன் மபி.யில் 4வது முறையாக பா.ஜ ஆட்சி அமைக்கும் : முதல்வர் சிவராஜ் சிங் நம்பிக்கை

2018-12-09@ 01:50:51

ததியா: மத்தியப் பிரதேசம் தேர்தலில் பா.ஜ வெற்றி பெற்று 4வது முறையாக ஆட்சி அமைக்கும் என முதல்வர் சிவராஜ் சிங் சவுகான் நம்பிக்கை தெரிவித்துள்ளார். ராஜஸ்தான், தெலங்கானா, மத்தியப் பிரதேசம், சட்டீஸ்கர் மற்றும் மிசோரம் மாநிலங்களில் நடந்த சட்டசபை தேர்தல்களின் கருத்து கணிப்பு முடிவுகள் நேற்று முன்தினம் வெளியிடப்பட்டன. அதில்,  மத்தியப் பிரதேசத்தில் பா.ஜ-காங்கிரஸ் இடையே கடும் போட்டி நிலவும் கூறப்பட்டுள்ளது..

டைம்ஸ் நவ்-சிஎன்எக்ஸ் வெளியிட்ட கருத்து கணிப்பில் மொத்தம் உள்ள 230 தொகுதிகளில் பா.ஜ.வுக்கு 126 இடங்களும், காங்கிரஸ் கட்சிக்கு 86 இடங்களும் கிடைக்கும் என கூறியது. இந்தியா டுடே-ஆக்ஸிஸ் மை இந்தியா கருத்து கணிப்பில் பா.ஜ.வுக்கு  102 இடங்கள் முதல் 120 இடங்கள் கிடைக்கலாம். காங்கிர்சு்க்கு 104 முதல் 122 வரை கிடைக்கலாம் என கூறியது.
இந்நிலையில், இம்மாநிலத்தை ஆளும் பாஜ முதல்வர் சிவராஜ் சிங் சவுகான் ததியா என்ற இடத்தில் உள்ள பீதாம்பரா கோயிலுக்கு தரிசனம் செய்ய நேற்று சென்றார். அப்போது, கருத்து கணிப்பு முடிவுகள் பற்றி அவரிடம் நிருபர்கள் கேள்வி எழுப்பினர். அப்போது அவர் கூறியதாவது: மத்தியப் பிரதேச மக்களுடன் நான் எப்போதும் இணைந்து இருப்பதால், நான்தான் மிகப் பெரிய சர்வேயர். அனைத்து தரப்பு மக்களின் ஆசி எங்களுக்கு உள்ளது. தேர்தலில் நாங்கள்தான் வெற்றி பெற போகிறோம். இந்த முறை 200 இடங்களுக்கு அதிகமாக நாங்கள் வெற்றி பெறுவோம். இங்கு பா.ஜ மீண்டும் ஆட்சி அமைக்கும். மத்தியப் பிரதேசத்தின் நலனுக்காக பீதாம்பராவிடம் ஆசி பெற நான் இங்கு வந்துள்ளேன்’’ என்றார்.


மேலும் செய்திகள்

Like Us on Facebook Dinkaran Daily News
  • CanadaSyrianChildren

    கனடாவில் உள்ள வீட்டில் பயங்கர தீவிபத்து: ஒரே குடும்பத்தை சேர்நத 7 குழந்தைகள் பலி

  • DroneLanternChina

    ட்ரோன்களைப் பறக்கவிட்டு வித்தியாசமான லாந்தர்ன் விளக்குத் திருவிழா: சீனாவில் நடைபெற்றது

  • AttukalPongalaKerala

    ஆற்றுக்கால் பகவதி அம்மன் கோயிலில் பொங்கல் விழா கொண்டாட்டம்: லட்சக்கணக்கான பெண்கள் பங்கேற்பு

  • mahipoornima

    கும்பமேளாவில் மகி பூர்ணிமா கோலாகலம் : கங்கைக்கு திரண்டு வந்து புனித நீராடிய பக்தர்கள்

  • AeroShowBangalore19

    பெங்களூருவில் ஆசியாவின் மிகப்பெரிய ஏர் ஷோ: ரஃபேல் உள்ளிட்ட கண்கவர் விமானங்கள் சாகசம்

படங்கள் வீடியோ கல்வி சினிமா ஜோ‌திட‌ம்