SUN குழுமத்திலிருந்து வெளிவரும் காலை நாளிதழ்

மேகதாதுவில் அணை கட்டினால் டெல்டா மாவட்டங்கள் பாலைவனமாகிவிடும் : ஆர்ப்பாட்டத்தில் வாசன் பேச்சு

2018-12-09@ 01:43:21

கிருஷ்ணகிரி: கிருஷ்ணகிரி புதிய பஸ் நிலையம் அருகில் தமாகா சார்பில், மேகதாதுவில் அணை கட்ட முயற்சி செய்யும் கர்நாடக அரசை கண்டித்தும், அனுமதி அளித்த மத்திய அரசை கண்டித்தும் நேற்று ஆர்ப்பாட்டம் நடந்தது. இதில், தமாகா தலைவர் ஜி.கே.வாசன் பங்கேற்று பேசியதாவது: காவிரி பிரச்னை தொடர்பாக தமிழக மக்களுக்கு நிரந்தர தீர்வு கிடைக்கவில்லை. இந்நிலையில், சற்றும் மனிதாபிமானம் இல்லாமல் கர்நாடகாவில் காவிரியின் குறுக்கே மேகதாது அணை கட்டும் திட்டத்தை கொண்டு வர முயற்சி செய்கிறார்கள்.

இதற்கு மத்திய அரசும், நீர்வள ஆணையமும் அனுமதி கொடுத்திருப்பது வெந்த புண்ணில் வேல் பாய்ச்சுவதை போல உள்ளது. தமிழகத்திற்கு அருகில் அணை கட்டுவதால் குறிப்பாக தமிழ்நாட்டில் 15 மாவட்டங்களுக்கு குடிநீர் தட்டுப்பாடு ஏற்படும் நிலை ஏற்படும். கடந்த 50 ஆண்டுகளாக படிப்படியாக காவிரியில் நாம் உரிமையை இழந்துள்ளோம். தமிழகத்தில் ஏற்கனவே உணவு பற்றாக்குறை உள்ளது. இந்த சூழ்நிலையில் மேகதாது அணை கட்டப்பட்டால் மிகவும் மோசமான நிலை ஏற்படும். டெல்டா மாவட்டங்கள் பாலைவனமாக மாறிவிடும். தமிழகத்தில் திருப்பூர் முதல் வேலூர் வரை, ஒகேனக்கல் முதல் நாகப்பட்டினம் வரையில் பெரும்பாலான மாவட்டங்களில் குடிநீர் தட்டுப்பாடு ஏற்படும். மேலும், 25 லட்சம் ஏக்கர் விவசாய நிலங்கள் பாதிக்கப்படும். எனவே, மேகதாது அணை கட்டும் திட்டத்தை நாம் அனைவரும் ஒன்றுபட்டு எதிர்க்க வேண்டும். இவ்வாறு ஜி.கே.வாசன் பேசினார்.


மேலும் செய்திகள்

Like Us on Facebook Dinkaran Daily News
  • CanadaSyrianChildren

    கனடாவில் உள்ள வீட்டில் பயங்கர தீவிபத்து: ஒரே குடும்பத்தை சேர்நத 7 குழந்தைகள் பலி

  • DroneLanternChina

    ட்ரோன்களைப் பறக்கவிட்டு வித்தியாசமான லாந்தர்ன் விளக்குத் திருவிழா: சீனாவில் நடைபெற்றது

  • AttukalPongalaKerala

    ஆற்றுக்கால் பகவதி அம்மன் கோயிலில் பொங்கல் விழா கொண்டாட்டம்: லட்சக்கணக்கான பெண்கள் பங்கேற்பு

  • mahipoornima

    கும்பமேளாவில் மகி பூர்ணிமா கோலாகலம் : கங்கைக்கு திரண்டு வந்து புனித நீராடிய பக்தர்கள்

  • AeroShowBangalore19

    பெங்களூருவில் ஆசியாவின் மிகப்பெரிய ஏர் ஷோ: ரஃபேல் உள்ளிட்ட கண்கவர் விமானங்கள் சாகசம்

படங்கள் வீடியோ கல்வி சினிமா ஜோ‌திட‌ம்