SUN குழுமத்திலிருந்து வெளிவரும் காலை நாளிதழ்

போலீசிடம் இருந்து தப்பிய கைதி ஆம்னி பஸ் மோதியதில் சாவு

2018-12-09@ 01:28:57

திண்டிவனம்: திருவண்ணாமலை மாவட்டம் போளூரை சேர்ந்தவர் ராஜாமணி மகன் சிவஞானம் (34). இவர் கடந்த சில வருடங்களுக்கு முன் செங்கல்பட்டில் உள்ள ஒரு தனியார் கம்பெனியில் வேலை செய்து வந்தார். அப்போது அண்ணாநகர் என்ற இடத்தில் சந்திரசேகரன் என்பவரது வீட்டில் வாடகைக்கு குடியிருந்து வந்துள்ளார். அப்போது சந்திரசேகரன் மகள் சர்மிலி (24) என்பவருடன் காதல் ஏற்பட்டது. ஆனால், சிவஞானத்தின் நடத்தை சரியில்லாததால் சர்மிலி விலகிவிட்டார். இந்நிலையில் கடந்த ஒரு மாதத்துக்கு முன்பு சர்மிலி அவரது தாய்மாமன் சந்தோஷ் என்பவரை திருமணம் செய்து கொண்டு, அவர்கள் இருவரும் பெங்களூருவில் குடும்பம் நடத்தி வருகின்றனர். இதனால் ஆத்திரமடைந்த சிவஞானம், சர்மிலியை காதலிக்கும் போது நெருக்கமாக எடுத்துக்கொண்ட புகைப்படங்களை சர்மிலிக்கும், அவரது குடும்பத்தாருக்கும் அனுப்பி வைத்ததுடன், அப்புகைப்படங்களை சமூக வலைதளங்களில் பரப்பி விடுவேன் என்று கூறி மிரட்டினார்.

இதுகுறித்து சந்திரசேகரன் செங்கல்பட்டு காவல்நிலையத்தில் புகார் செய்தார். புகாரின்பேரில் போலீசார், மதுரையில் இருந்த சிவஞானத்தை பிடித்து, விசாரணைக்காக நேற்று செங்கல்பட்டுக்கு அழைத்து வந்தனர். அதிகாலை 3 மணியளவில் திண்டிவனம் புறவழிச்சாலையில் வந்து கொண்டிருந்தபோது சிவஞானம் சிறுநீர் கழிக்க வேண்டும், வாகனத்தை நிறுத்தும்படி கூறியுள்ளார். இதனால் வரும் வழியில் ஒரு தனியார் ஓட்டல் அருகில் வாகனத்தை போலீசார் நிறுத்தினர். இதையடுத்து வாகனத்திலிருந்து இறங்கிய சிவஞானம் தனது அருகில் நின்றிருந்த காவலர்களான திருமால், சுதாகர் ஆகியோரை தள்ளிவிட்டுவிட்டு இருட்டான பகுதியை நோக்கி ஓடியதாக தெரிகிறது. அப்போது அவ்வழியே வேகமாக வந்த தனியார் ஆம்னி பஸ் ஒன்று சிவஞானத்தின் மீது மோதிவிட்டு அங்கிருந்து சென்றுவிட்டது. இதில் படுகாயமடைந்த சிவஞானத்தை போலீசார், புதுச்சேரி ஜிப்மர் மருத்துவமனைக்கு அனுப்பி வைத்தனர். அங்கு சிகிச்சை பலனின்றி சிவஞானம் உயிரிழந்தார். இதுகுறித்து ரோஷணை போலீசார் விசாரணை நடத்தி வருகின்றனர்.


மேலும் செய்திகள்

Like Us on Facebook Dinkaran Daily News
  • 23-05-2019

    23-05-2019 இன்றைய சிறப்பு படங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

  • libya_sandai11

    தொடரும் உக்கிரமான தாக்குதல்கள் : லிபியாவில் ஆயுதக் குழுவினர் , அரசுப் படைகளுடன் கடும் துப்பாக்கிச் சண்டை

  • thuppaki-12jk

    13 பேரை காவு வாங்கிய தூத்துக்குடி துப்பாக்கிச்சூடு : ஓராண்டு நினைவலைகளை ஏந்தும் தமிழகம்

  • hurricane_12

    அமெரிக்காவை கலங்கடித்த தொடர் சூறாவளித் தாக்குதல் : மழை,வெள்ளத்தால் மக்களின் இயல்பு வாழ்க்கை முடக்கம்

படங்கள் வீடியோ கல்வி சினிமா ஜோ‌திட‌ம்