SUN குழுமத்திலிருந்து வெளிவரும் காலை நாளிதழ்

கஜா புயலால் பாதிக்கப்பட்ட பகுதிகளை தேசிய சிறப்பு பேரிடர் மாவட்டங்களாக அறிவிக்க வேண்டும் : வைரமுத்து பேட்டி

2018-12-09@ 01:28:13

தஞ்சை: கஜா புயலால்  பாதிக்கப்பட்ட மாவட்டங்களை தேசிய சிறப்பு பேரிடர் மாவட்டங்களாக அறிவித்து  நிதி ஒதுக்கீடு செய்ய வேண்டும் என கவிஞர் வைரமுத்து வலியுறுத்தினார். தஞ்சை அருகே வல்லத்தில் நேற்று, வைரமுத்து நிருபர்களிடம் கூறியதாவது: கஜா புயல் பாதிப்பை பிரதமர் வந்து   பார்வையிட்டிருக்க வேண்டும். இது மிகப்பெரிய பாதிப்பு. சில ஆண்டுகளுக்கு  பிறகும் மீளுமா என்பது சந்தேகமாக உள்ளது.  ஒவ்வொரு குடும்பமும் தங்களை மீட்டுக் கொள்வதற்கு மத்திய, மாநில அரசுகள் பொறுப்பு எடுத்துக்கொள்ள  வேண்டும். அவர்கள் வாழ்க்கையை இரு கைகளால் இரு அரசுகளும் ஏந்தி கொள்ள  வேண்டும்.

புயல் பாதித்த பகுதிகளை தேசிய சிறப்பு பேரிடர் மாவட்டங்களாக  அறிவிக்க வேண்டும். மின்சாரத்தை இழந்துவிட்டு மக்கள்  வாழ்க்கையை நினைத்து கூட பார்க்க முடியாது. மின்சார ஊழியர்களும் புயல்  பாதித்த பகுதிகளில் முழு திறமையை பயன்படுத்தி பணியாற்றி வருகின்றனர். அவர்களை குறை கூற முடியாது. மேகதாது  அணை கட்டுமானத்தை 2 மாநில பிரச்னையாக கருதாமல் இந்தியாவின் பிரச்னையாக,  சர்வதேச பிரச்னையாக கருத வேண்டும். இவ்வாறு வைரமுத்து கூறினார்.


மேலும் செய்திகள்

Like Us on Facebook Dinkaran Daily News
  • malar_modi12

    2வது முறையாக பிரதமராகும் நரேந்திர மோடி ; கட்சித் தலைவர்கள் மோடிக்கு மலர் கொத்துக்களுடன் வாழ்த்து

  • peruearthqq1

    பெரு நாட்டில் சக்தி வாய்ந்த நிலநடுக்கம் : ரிக்டர் அளவுகோலில் சுமார் 8 ஆக பதிவு

  • Trump_japan11

    அமெரிக்க அதிபர் ட்ரம்ப் ஜப்பான் பயணம் : ஜப்பான் பிரதமருடன் கோல்ஃப் விளையாடி அசத்தல்

  • kashmir_kola11

    தீவிரவாதி ஜாகீர் முசா கொல்லப்பட்டதன் எதிரொலி : காஷ்மீரில் வன்முறை வெடிப்பு; ஊரடங்கு உத்தரவு அமல்

  • 20aacident_died11

    சூரத்தில் கல்வி பயிற்சி மையத்தில் பயங்கர தீ விபத்து: 20 பேர் பரிதாப பலி

படங்கள் வீடியோ கல்வி சினிமா ஜோ‌திட‌ம்