SUN குழுமத்திலிருந்து வெளிவரும் காலை நாளிதழ்

சாலையோரங்களில் அனுமதியின்றி கொடிக்கம்பம் இருக்கிறதா? : ஊராட்சிகளுக்கு ஐகோர்ட் கேள்வி

2018-12-09@ 01:16:31

சென்னை: சாலையோரங்களில் அனுமதியின்றி கொடிக்கம்பங்கள் வைக்கப்படவில்லை என்பதை உறுதி செய்யும்படி உள்ளாட்சி அமைப்புகளுக்கு சென்னை உயர் நீதிமன்றம்  உத்தரவிட்டுள்ளது. பொது இடங்களில் அரசியல் கட்சிகளின் கொடிக் கம்பங்கள் வைக்க தடை விதிக்க கோரியும், இதுவரை வைக்கப்பட்ட கொடிக்கம்பங்களை அகற்றக் கோரியும் சேலத்தை சேர்ந்த ராதாகிருஷ்ணன் 2016ம் ஆண்டு சென்னை உயர் நீதிமன்றத்தில் பொதுநல  வழக்கு தொடர்ந்திருந்தார். வழக்கை விசாரித்த நீதிபதிகள் சத்தியநாராயணன் மற்றும் ராஜமாணிக்கம் அடங்கிய அமர்வு பிறப்பித்த உத்தரவில் கூறியிருப்பதாவது: அனுமதி இல்லாமல் கொடிக்கம்பங்கள் வைப்பதை சட்டவிதிகள் தடை செய்துள்ளன.

இந்த சட்ட விதிகளை மீறி வைக்கப்படும் கொடிக்கம்பங்களை அகற்ற நடவடிக்கை எடுக்காமல் உள்ளாட்சி அமைப்புகள் கண்மூடி வேடிக்கை பார்ப்பது வேதனை அளிப்பதாக உள்ளது. அனுமதியின்றி வைக்கப்படும் இதுபோன்ற கொடிக்கம்பங்கள் மக்கள் உயிருக்கு அச்சுறுத்தலை ஏற்படுத்து கின்றன. எனவே, சாலையோரங்களில் பொதுமக்களுக்கு இடையூறாக அனுமதியின்றி கொடிக்கம்பங்கள் வைக்கப்படவில்லை என்பதை உள்ளாட்சி அமைப்புகள் உறுதி செய்ய வேண்டும். இந்த இடைக்கால உத்தரவின் நகலை தமிழக நகராட்சி நிர்வாகத்துறை இயக்குனர், சென்னை மாநகராட்சி ஆணையர் மற்றும் டிஜிபி உள்ளிட்டோருக்கு  உயர் நீதிமன்ற பதிவுத்துறை அனுப்ப வேண்டும். வழக்கு விசாரணை ஜனவரி 9ம் தேதிக்கு ஒத்திவைக்கப்படுகிறது. இவ்வாறு அதில் கூறப்பட்டுள்ளது.


மேலும் செய்திகள்

Like Us on Facebook Dinkaran Daily News
  • 23-05-2019

    23-05-2019 இன்றைய சிறப்பு படங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

  • libya_sandai11

    தொடரும் உக்கிரமான தாக்குதல்கள் : லிபியாவில் ஆயுதக் குழுவினர் , அரசுப் படைகளுடன் கடும் துப்பாக்கிச் சண்டை

  • thuppaki-12jk

    13 பேரை காவு வாங்கிய தூத்துக்குடி துப்பாக்கிச்சூடு : ஓராண்டு நினைவலைகளை ஏந்தும் தமிழகம்

  • hurricane_12

    அமெரிக்காவை கலங்கடித்த தொடர் சூறாவளித் தாக்குதல் : மழை,வெள்ளத்தால் மக்களின் இயல்பு வாழ்க்கை முடக்கம்

படங்கள் வீடியோ கல்வி சினிமா ஜோ‌திட‌ம்