SUN குழுமத்திலிருந்து வெளிவரும் காலை நாளிதழ்

ஹூவாய் நிறுவன அதிபரின் மகள் கைது பின்னணியில் ரகசிய உளவு, வர்த்தக போர் உள்ளதாக அதிர்ச்சி தகவல்...

2018-12-08@ 14:03:31

சீனாவை சேர்ந்த ஹூவாய் தொலைத்தொடர்பு நிறுவன அதிபரின் மகள் கைது பின்னணியில் ரகசிய உளவு, வர்த்தக போர் உள்ளிட்டவை இருப்பதாக அதிர்ச்சி தகவல்கள் வெளியாகியுள்ளது. பிரபல சீன செல்போன் தயாரிப்பு நிறுவனமான ஹூவாயின் அதிபர் Ren Zhengfei. இவரது மகளும் ஹூவாய் நிறுவனத்தின் தலைமை நிதி அதிகாரியுமான மெங்வான்ஜவ் கடந்த 1-ம் தேதி கனடாவின் வான்குவார் நகரில் கைது செய்யப்பட்டார். ஈரான் மீது அமெரிக்கா மற்றும் ஐரோப்பிய யூனியன் பொருளாதார தடை விதித்துள்ள நிலையில் அங்கு அமெரிக்க தயாரிப்புகளை சந்தைபடுத்தினார் என்பது மெங் வான் ஜவ் மீதான புகார்.

இதனை மறைத்து அமெரிக்க வங்கியில் பணப்பரிமாற்றத்தில் ஈடுபட்ட குற்றச்சாட்டில் அவர் கைது செய்யப்பட்டுள்ளார். ஹூவாய் நிறுவனம் சீன அரசுக்கு ஆதரவாக உளவு வேலையில் ஈடுபடுவதாகவும் அமெரிக்க புலனாய்வு நிறுவனங்கள் குற்றச்சாட்டுகள் எழுப்பியுள்ளன. இதனை சீனா திட்டவட்டமாக மறுத்துள்ளது. சீன நிறுவனங்கள் உலகசந்தையில் ஆதிக்கம் செலுத்துவதை தடுக்க அமெரிக்காவின் சதி என்று சீன அரசு புகார் தெரிவித்துள்ளது.

மென்வாங்ஜவ் எந்த நாட்டின் சட்டதிட்டங்களையும் மீறவில்லை என்றும், அவரை உடனடியாக விடுதலை செய்ய வேண்டும் என்பது சீனாவின் கோரிக்கை. இதனிடையே மென்வாங்ஜவ்வை நாடு கடத்துவது தொடர்பாக வான்குவர் நீதிமன்றத்தில் நேற்று நடைபெற்ற வழக்கு விசாரணையில் முடிவு எட்டப்படவில்லை. இந்த வழக்கு திங்களன்று விசாரணைக்கு வர உள்ளது. இந்த விவகாரத்தில் சீனா, அமெரிக்கா, இடையே மோதல் வலுப்பதால் அண்மையில் இருநாட்டு அதிபர்கள் பேச்சுவார்த்தையில் ஒப்புக்கொள்ளப்பட்ட உடன்படிக்கயைில் பாதிப்பு ஏற்படலாம் என்ற அச்சம் நிலவுகிறது. 


மேலும் செய்திகள்

Like Us on Facebook Dinkaran Daily News
  • 20-07-2019

    20-07-2019 இன்றைய சிறப்பு படங்கள்

  • hotairballoonchina

    சீனாவில் நடைபெற்ற ராட்சத பலூன் போட்டி: சுமார் 100 பலூன்கள் ஒரே சமயத்தில் வானுயர பறந்த காட்சிகள்

  • CornwallJellyfishEncounter

    இங்கிலாந்தில் ஆளுயரத்திற்கு வளர்ந்துள்ள பிரம்மாண்டமான ஜெல்லி மீன்..: ஆச்சரியமூட்டும் புகைப்படங்கள்

  • newzealandexplosion

    எரிவாயு கசிவு காரணமாக நியூஸிலாந்தில் வீடு ஒன்று வெடித்து சிதறி தரைமட்டம்: 6 பேருக்கு படுகாயம்!

  • apollo

    புளோரிடாவில் மனிதன் நிலவில் கால்பதித்த 50-ம் ஆண்டு நிகழ்வு கொண்டாட்டம்: விண்வெளி வீரர்கள் சிலைகள் பார்வைக்கு வைப்பு

படங்கள் வீடியோ கல்வி சினிமா ஜோ‌திட‌ம்