SUN குழுமத்திலிருந்து வெளிவரும் காலை நாளிதழ்

ரிவார்டு பாயின்ட்: பரிசா? புலி வாலா?

2018-12-08@ 02:32:45

பணமதிப்பு நீக்கத்துக்கு பிறகு டிஜிட்டல் பரிவர்த்தனை கிடுகிடுவென உயர்ந்து விட்டது. பணத்தட்டுப்பாடு தீர்ந்த பிறகும் உயர்வது ஏன்? காரணம் பரிசு மழைதான். மத்திய அரசு யுபிஐ பரிவர்த்தனை தொடங்கிய பிறகு அதை ஊக்குவிக்க ஊக்கப்பரிசுகளை அறிவித்தது. அதேபோலத்தான் டிஜிட்டல் பரிவர்த்தனை அளிக்கும் நிறுவனங்கள், வங்கிகள் கேஷ் பேக், ரிவார்டு பாயின்ட்களை அளிக்கின்றன.

கேஷ்பேக் என்பது, தள்ளுபடி போன்றது. முன்பே தீர்மானிக்கப்படுகிறது. பரிவர்த்தனை செய்யும்போதே அந்த பணம் கழித்துக்கொள்ளப்படுகிறது. ஏறக்குறையய தள்ளுபடிக்கு பதிலாக அளிக்கும் கவர்ச்சித்திட்டம் இது.

 ரிவார்டு அப்படி அல்ல பரிவர்த்தனை தொகை, எதற்காக செலுத்தப்படுகிறது என்பதை பொறுத்து அமைகிறது. செலவழிப்பதற்கு ஏற்ப இது பாயின்ட்களாக சேரும்.

இப்படி சேரும் ரிவார்டுகளை குறிப்பிட்ட காலத்துக்குள் பரிவர்த்தனை செய்ய வேண்டும். இல்லாவிட்டால், திடீரென ஒரு நாள் வாலட்டில் இருந்து காணாமல் போய்விடும். இப்படி காலக்கெடு இருந்தால் ரிவார்ட் பாயின்ட் பக்கம் போகவே கூடாது.

சில ரிவார்ட் பாயின்ட்கள், வாடிக்கையாளர் விவரம் தொடர்பான கேஒய்சியில் கூடுதல் தகவல் கொடுத்தால் அள்ளித்தருவார்கள். இங்கேதான் உங்கள் தகவல்கள் திருடப்பட வாய்ப்புகள் அதிகம். சம்பந்தம் இல்லாத தகவல் கேட்டால் உஷார் ஆகிவிட வேண்டும்.

ரிவார்ட் பாயின்ட்கள் செலவு செய்வதற்கு ஏற்ப சேரும். அதை பணமாக மாற்ற இன்னும் அதிகம் செலவு செய்ய வேண்டி வரலாம். எனவே ரிவார்ட் பாயின்ட்டுக்கு ஆசைப்பட்டு செலவை அதிகரித்துக் கொண்டே போகவேண்டி வரும். பிறகு, புலிவால் பிடித்த கதைதான்.

ரிவார்ட் பாயின்ட்டுக்கு ஆசைப்படுவதற்கு முன்பு விதிகளை புரிந்து கொள்ள வேண்டும். சில பாயின்ட்கள் சில ஓட்டல்கள், சில ஆப்ஸ்கள் மூலமான பரிவர்த்தனைக்கு மட்டும் செல்லுபடியாகும். இது உங்களுக்கு பயன்படாமல் கூட போகலாம்.

 உங்களிடம் ₹3000க்கு கூட பாயின்ட் இருக்கலாம். ஆனால், அதில் ஒரு ஓட்டலில் அறை முன்பதிவு செய்ய ₹4000 செலுத்த வேண்டிய வந்தால், இந்த ரிவார்ட் பாயின்ட்டில் ₹500தான் கழியும் என்பார்கள். பிறகு, எஞ்சிய பாயின்ட்களை மாற்ற எவ்வளவு ஆயிரம் செலவி வேண்டிவரும் என்பதை யோசிக்கவேண்டும். எனவே, பாயின்ட் அல்லது கேஷ்பேக்கிற்கு ஆசைப்பட்டு செலவை இழுத்துவிடாதீர்கள். வலையில் விழுந்து விடாதீர்கள். உஷாராக இருந்தால் பரிசு. இல்லாவிட்டால் படிப்பினைதான் என்கிறார்கள் அனுபவப்பட்டவர்கள்.


மேலும் செய்திகள்

Like Us on Facebook Dinkaran Daily News
  • mexicovalcano

    மெக்ஸிகோவில் எரிமலை வெடித்ததில் 8 ஆயிரம் அடி உயரத்திற்கு புகை மண்டலம் : பொதுமக்கள் வெளியேற்றம்

  • modipuja

    உத்தர பிரதேசத்தில் கும்பமேளா நடக்கவுள்ள நதிகரையில் பிரதமர் மோடி பூஜை செய்து வழிபாடு

  • animalsmuggling

    இந்தோனேசியா துறைமுகத்தில் சட்டவிரோதமாக கடத்த முயன்ற பல்வேறு உயிரினங்கள் மீட்பு

  • swimminggeneva

    ஜெனீவாவில் கிறித்துமஸ் தினத்தை முன்னிட்டு நீச்சல் போட்டி : நூற்றுக்கணக்கானோர் பங்கேற்பு

  • Cairoegyptopen

    மம்மிகளின் உலகமான எகிப்தில் 4400 ஆண்டு பழமை வாய்ந்த பிரமீடு கெய்ரோவில் திறக்கப்பட்டது

படங்கள் வீடியோ கல்வி சினிமா ஜோ‌திட‌ம்