SUN குழுமத்திலிருந்து வெளிவரும் காலை நாளிதழ்

வில்லியம்சன் 139*, நிக்கோல்ஸ் 90* ரன் பரபரப்பான கட்டத்தில் நியூசிலாந்து-பாக். டெஸ்ட்

2018-12-07@ 02:26:48

அபுதாபி: வில்லியம்சன் 139* ரன், நிக்கோலஸ் 90* ரன் எடுக்க நியூசிலாந்து-பாகிஸ்தான் அணிகளுக்கு இடையேயான 3வது டெஸ்ட் பரபரப்பான கட்டத்தை எட்டி உள்ளது.  நியூசிலாந்து, பாகிஸ்தான் அணிகளுக்கு இடையேயான 3வது டெஸ்ட் அபுதாபியில் நடக்கிறது. முதல் இன்னிங்சில் நியூசிலாந்து 274, பாகிஸ்தான் 348 ரன் எடுத்தன. 74 ரன் பின்தங்கிய நிலையில் 2வது இன்னிங்சை தொடங்கிய நியூசிலாந்து அணி 3ம் நாள் ஆட்ட நேர முடிவில் 2 விக்கெட் இழப்புக்கு 26 ரன்னுடன் இருந்தது. 4ம் நாள் ஆட்டம் நேற்று நடந்தது. சோமர்வில்லி 4 ரன் எடுத்த நிலையில் யாசிர் ஷா சுழலில் ஆட்டமிழந்தார்.

அனுபவ வீரர் டெய்லர் 14 பந்தில் 22 ரன் விளாசி ஷாயீன் ஷா அப்ரிடி பந்தில் வெளியேறினார். 60 ரன்னுக்கு 4 விக்கெட் பறிபோன நிலையில், கேப்டன் வில்லியம்சன், நிக்கோல்ஸ் ஜோடி சேர்ந்தனர். பாகிஸ்தானின் மிரட்டும் பந்துவீச்சை சமாளித்து ஆடிய இந்த ஜோடி அணியை சரிவிலிருந்து மீட்டது.வில்லியம்சன் 154 பந்தில் சதம் அடித்தார். இந்த ஜோடி மிக நிதானமாக ஆடி 436 பந்தில் 200 ரன் சேர்த்தது. ஆட்ட நேர முடிவில் நியூசிலாந்து அணி 4 விக்கெட் இழப்புக்கு 272 ரன்களுடன் உள்ளது.

வில்லியம்சன் 139 ரன், நிக்கோல்ஸ் 90 ரன்னுடன் ஆட்டமிழக்காமல் உள்ளனர். இன்று ஆட்டத்தின் கடைசி நாள். நியூசிலாந்து கைவசம் 6 விக்கெட் உள்ளது. அந்த அணி 198 ரன் முன்னிலை பெற்றுள்ளது. இதனால், பரபரப்பான கட்டத்தை ஆட்டம் எட்டியுள்ளது. 2 போட்டிகள் முடிவில் இரு அணிகளும் தலா ஒரு வெற்றியுடன் 1-1 என்ற சமநிலையில் உள்ளன.

82 ஆண்டு சாதனையை தகர்த்தார் யாசிர் ஷா
சோமர்வில்லி விக்கெட்டை நேற்று வீழ்த்திய யாசிர் ஷா, டெஸ்ட் அரங்கில் தனது 200வது விக்கெட்டை கைப்பற்றினார். இதன் மூலம், குறைந்த டெஸ்ட்டில் 200 விக்கெட் மைல்கல்லை எட்டி, 82 ஆண்டு கால சாதனையை அவர் முறியடித்துள்ளார். 1936ம் ஆண்டு ஆஸ்திரேலியாவின் கிரிம்மெட், 36 டெஸ்டில் 200 விக்கெட் வீழ்த்தியதே இதுவரை சாதனையாக இருந்து வந்தது. இந்த சாதனையை யாசிர் ஷா முறியடித்துள்ளார்.

இதற்கு முன், இந்தியாவின் அஷ்வின் 2016ல் 37 டெஸ்டில் 200 விக்கெட் கைப்பற்றி, கிரிம்மெட்டின் சாதனையை மிக நெருங்கி வந்தார். முன்னாள் பந்துவீச்சாளர்கள் ஆஸியின் டேனிஸ் லில்லி, பாகிஸ்தானின் வக்கார் யூனிஸ் ஆகியோர்   ஆகியோர் 38வது டெஸ்டிலும், தென் ஆப்ரிக்காவின் ஸ்டெய்ன் 39வது டெஸ்டிலும் 200 விக்கெட் மைல்கல்லை எட்டி உள்ளனர்.


மேலும் செய்திகள்

Like Us on Facebook Dinkaran Daily News
  • 23-05-2019

    23-05-2019 இன்றைய சிறப்பு படங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

  • libya_sandai11

    தொடரும் உக்கிரமான தாக்குதல்கள் : லிபியாவில் ஆயுதக் குழுவினர் , அரசுப் படைகளுடன் கடும் துப்பாக்கிச் சண்டை

  • thuppaki-12jk

    13 பேரை காவு வாங்கிய தூத்துக்குடி துப்பாக்கிச்சூடு : ஓராண்டு நினைவலைகளை ஏந்தும் தமிழகம்

  • hurricane_12

    அமெரிக்காவை கலங்கடித்த தொடர் சூறாவளித் தாக்குதல் : மழை,வெள்ளத்தால் மக்களின் இயல்பு வாழ்க்கை முடக்கம்

படங்கள் வீடியோ கல்வி சினிமா ஜோ‌திட‌ம்