SUN குழுமத்திலிருந்து வெளிவரும் காலை நாளிதழ்

ஓபிஎஸ் உட்பட 11 எம்எல்ஏக்கள் மீதான தகுதி நீக்க வழக்கு 11க்கு ஒத்திவைப்பு

2018-12-07@ 02:17:01

புதுடெல்லி: அரசுக்கு எதிராக வாக்களித்த விவகாரத்தில் ஓபிஎஸ் உட்பட 11பேரை தகுதி நீக்கம் செய்யக்கோரிய வழக்கு விசாரணையை டிசம்பர் 11ம் தேதிக்கு ஒத்திவைத்து உச்ச நீதிமன்றம் நேற்று உத்தரவிட்டுள்ளது. தமிழக முதல்வர் எடப்பாடி பழனிசாமிக்கு கடந்தாண்டு வாக்களித்த விவகாரத்தில் தற்போதைய துணை முதல்வர் ஓ.பன்னீர்செல்வம் உள்ளிட்ட 11 எம்எல்ஏக்களை தகுதி நீக்கம் செய்ய வேண்டும் என  திமுக கொறடா சக்கரபாணி தொடர்ந்த வழக்கை முதலாவதாக சென்னை உயர்நீதிமன்றம் தள்ளுபடி செய்தது. இதில் உயர்நீதிமன்ற உத்தரவிற்கு எதிராக திமுக கொறடா சக்கரபாணி உச்ச நீதிமன்றத்தில் மேல்முறையீடு செய்தார்.

 இதில் நேற்று முன்தினம் நடந்த விசாரணையில்,” ஓபிஎஸ் உட்பட 11 எம்எல்ஏக்கள் மீதும் தகுந்த நடவடிக்கை எடுக்காது என்பது ஏற்க கூடியது இல்லை. இந்த விவகாரத்தில் சபாநாயகர் தனபால் ஒரு அரசியல் கட்சி தலைவர் போல் செயல்பட்டார் என்றும், அவர் சரியான நடவடிக்கை மேற்கொண்டு இருந்தால் அதிமுக கண்டிப்பாக ஆட்சியில் இருந்திருக்க முடியாது என திமுக தரப்பில் கடும் குற்றாச்சாட்டு முன் வைக்கப்பட்டது.

இந்த நிலையில் மேற்கண்ட வழக்கானது உச்ச நீதிமன்றத்தின் நீதிபதிகள் ஏகே.சிக்ரி, அசோக்பூஷன், அப்துநசீர் ஆகியோர் அமர்வில் நேற்று மீண்டும் விசாரணைக்கு வந்தது. அப்போது இரு தரப்பில் ஆஜரான மூத்த வழக்கறிஞர்களும் விசாரணையை வேறு தேதிக்கு ஒத்திவைக்க வேண்டும் என நீதிபதிகள் முன்னிலையில் கோரிக்கை வைத்தனர்.இதனை ஏற்றக்கொண்ட நீதிபதிகள் அடுத்த விசாரணையை வரும் 11ம் தேதிக்கு ஒத்திவைத்து உத்தரவிட்டனர்.


மேலும் செய்திகள்

Like Us on Facebook Dinkaran Daily News
  • CanadaSyrianChildren

    கனடாவில் உள்ள வீட்டில் பயங்கர தீவிபத்து: ஒரே குடும்பத்தை சேர்நத 7 குழந்தைகள் பலி

  • DroneLanternChina

    ட்ரோன்களைப் பறக்கவிட்டு வித்தியாசமான லாந்தர்ன் விளக்குத் திருவிழா: சீனாவில் நடைபெற்றது

  • AttukalPongalaKerala

    ஆற்றுக்கால் பகவதி அம்மன் கோயிலில் பொங்கல் விழா கொண்டாட்டம்: லட்சக்கணக்கான பெண்கள் பங்கேற்பு

  • mahipoornima

    கும்பமேளாவில் மகி பூர்ணிமா கோலாகலம் : கங்கைக்கு திரண்டு வந்து புனித நீராடிய பக்தர்கள்

  • AeroShowBangalore19

    பெங்களூருவில் ஆசியாவின் மிகப்பெரிய ஏர் ஷோ: ரஃபேல் உள்ளிட்ட கண்கவர் விமானங்கள் சாகசம்

படங்கள் வீடியோ கல்வி சினிமா ஜோ‌திட‌ம்