SUN குழுமத்திலிருந்து வெளிவரும் காலை நாளிதழ்

நாகர்கோவில்-சென்னைக்கு புதிய ரயில்: ஜனவரி மாதம் முதல் இயக்க முடிவு

2018-12-06@ 20:57:17

நாகர்கோவில்: கன்னியாகுமரியில் இருந்து சென்னைக்கு கன்னியாகுமரி சூப்பர் பாஸ்ட் எக்ஸ்பிரஸ் ரயிலுக்கும், கொல்லத்தில் இருந்து நாகர்கோவில் வழியாக சென்னைக்கு அனந்தபுரி எக்ஸ்பிரஸ் ரயிலும் இயக்கப்படுகிறது. இந்த ரயில்கள் தினமும் மாலையில் நாகர்கோவில் வழியாக சென்னைக்கு செல்கிறது. இந்த ரயில்களில் பயணிகள் கூட்டம் அலைமோதும். மேலும் பலர் ரயில்களில் இடம் கிடைக்காமல் பஸ்களில் செல்லும் நிலை இருந்து வருகிறது. பண்டிகை காலங்களில் தென்னக ரயில்வே சிறப்பு ரயில்களை இயக்குகிறது. மேலும் வாராந்திர சிறப்பு ரயில்களையும் இயக்கி வந்தது. இருப்பினும் பல பயணிகளுக்கு இடம் கிடைக்காமல் பஸ்களிலும், சிலர் ரயில்களில் உடன் பெட்டிகளிலும் பயணிக்கும் நிலை இருந்து வருகிறது. இதனை கருத்தில் கொண்டு நாகர்கோவிலில் இருந்து சென்னைக்கு மேலும் ஒரு ரயில் இயக்க வேண்டும் என குமரி மாவட்ட மக்கள் தொடர்ந்து கோரிக்கை வைத்து வருகின்றனர். மேலும் தென்மாவட்ட ரயில் பணிகள் சங்கமும் தொடர்ந்து ரயில்வே அதிகாரிகளை பார்த்து கோரிக்கை வைத்து வந்தது.

 நாகர்கோவில் கோட்டாரில் கடைகள் அதிக அளவு உள்ளன. வியாபாரம் செய்யும் வணிகள் தங்கள் வசதிக்காக சென்னைக்கு புதிய ரயில் இயக்க வேண்டும் என வலியுறுத்தி வருகின்றனர். மேலும் மக்கள் பிரதிநிதிகளும் தொடர்ந்து குரல் கொடுத்து வருகின்றனர். இந்நிலையில் தென்னக ரயில்வே அதிகாரிகளுடன் தென்மாவட்ட ரயில் பயணிகள் சங்க ஒருங்கிணைப்பாளர் வசந்தகுமார் எம்எல்ஏ, பொதுச்செயலாளர் சூசைராஜ், தலைவர் தேவ் ஆனந்த் ஆகியோர் சந்தித்து பேசினர். அப்போது ஜனவரி மாதம் முதல் சென்னை நாகர்கோவிலுக்கு புதிய ரயில் இயக்கப்படும் என உறுதி அளித்துள்ளனர்.

 இது குறித்து தென்மாவட்ட ரயில் பயணிகள் சங்க பொதுச்செயலாளர் சூசைராஜ் கூறியதாவது: தென்மாவட்ட ரயில் பணிகள் சங்கம் கடந்த 5 வருடகாலமாக சென்னையில் இருந்து நாகர்கோவிலுக்கு புதிய ரயில் இயக்க வேண்டும் என அதிகாரிகளை சந்தித்து கோரிக்கை வைத்து வருகிறோம். மேலும் 2 ஆயிரம் பயணிகளிடம் கையெழுத்து பெற்று கொடுத்தோம். கல்வி, வேலை, வியாபாரம் சம்பந்தமாக சென்னை வந்து செல்லும் மதுரை, விருதுநகர், நெல்லை, குமரி ஆகிய மாவட்ட மக்கள் தேவையான ரயில் இல்லாமல் அவதி அடைந்து வருவதாக அதிகாரிகளிடம் வலியுறுத்தினோம். இந்நிலையில் கடந்த 5ம் தேதி தென்னக ரயில்வே அதிகாரியை சந்தித்து பேசும்போது, ஜனவரி மாதம் முதல் சென்னையில் இருந்து நாகர்கோவிலுக்கு தினசரி ரயில் இயக்கப்படும் என உறுதி அளித்துள்ளார். என்றார். இந்த ரயில் வரும் பட்சத்தில் குமரி மாவட்ட மக்களுக்கு பயனுள்ளதாக இருக்கும்.


மேலும் செய்திகள்

Like Us on Facebook Dinkaran Daily News
  • AmazonIllegalMining

    அமேசான் மழைக்காடுகளில் தங்கம் எடுக்க சட்டவிரோதமாக தோண்டப்படும் சுரங்கங்கள்..: போலீசார் தீவிர சோதனை

  • chinasnowfall

    கடும் பனிப்பொழிவால் வெண் போர்வை போர்த்தியது போல காணப்படும் சீனாவின் கண்கவர் புகைப்படங்கள்

  • hungary_policepadhuga11

    புதிய தொழிலாளர் சட்டத்தை அமல்படுத்தியதை கண்டித்து ஆயிரக்கணக்கான ஹங்கேரியர்கள் போராட்டம்

  • ThaiSanctuaryPiano

    யானைகள் உடல் ரீதியாகவும், மனரீதியாகவும் புத்துணர்வு பெற பியானோ வாசிக்கும் கலைஞர்: தாய்லாந்தில் வியப்பு!

  • largebudhastatue

    உலகிலேயே மிகப்பெரிய புத்தர் சிலைக்கு புத்துணர்வு தரும் வகையில் பராமரிப்பு பணிகள் துவக்கம்

படங்கள் வீடியோ கல்வி சினிமா ஜோ‌திட‌ம்