SUN குழுமத்திலிருந்து வெளிவரும் காலை நாளிதழ்

வேளச்சேரி வீட்டுவசதி வாரிய குடியிருப்பில் ஏலச்சீட்டு நடத்தி 9 லட்சம் மோசடி: தலைமறைவான தம்பதிக்கு வலை

2018-12-06@ 00:34:56

வேளச்சேரி: வேளச்சேரி, தமிழ்நாடு வீட்டுவசதி வாரிய குடியிருப்பில் ஏலச்சீட்டு நடத்தி,  ₹9 லட்சம் பணம் மோசடி செய்துவிட்டு தலைமறைவான தம்பதியை போலீசார் வலைவீசி தேடி வருகின்றனர். வேளச்சேரி, தமிழ்நாடு வீட்டுவசதி வாரிய குடியிருப்பை சேர்ந்தவர் பிரகாஷ் (40).  இவரது மனைவி நந்தினி (38). இருவரும் சேர்ந்து, இப்பகுதியில்  மழலையர் பள்ளி நடத்தி வருகின்றனர். இந்த பள்ளியில் பார்ட்னராக சேர்த்து கொள்வதாகக்கூறி, 4 பெண்களிடம் தலா ₹1 லட்சம் ஏமாற்றியுள்ளனர். இதையடுத்து பள்ளியில் வேலை செய்த ஆசிரியர்களிடம் மாதச்சீட்டு நடத்தி வந்துள்ளனர். இவர்களுக்கு எந்த சம்பளத்தையும் கொடுக்காமல் மாதச்சீட்டுக்கு அட்ஜஸ்ட் செய்துவிட்டதாக கூறி மாதக்கணக்கில் சம்பளம் தராமல் ஏமாற்றி வந்துள்ளனர். மேலும், அதேப் பகுதியை சேர்ந்த 40க்கும் மேற்பட்ட பெண்களை மாதச்சீட்டில் சேர்த்து ₹1 லட்சம், ₹2 லட்சம் சீட்டு நடத்தி பணத்தை திருப்பி தராமல் ஏமாற்றி வந்துள்ளனர். அதுமட்டும் இல்லாமல் தீபாவளி பண்ட் என்ற பெயரில் 200க்கும்  மேற்பட்ட பெண்களை  சேர்த்து ஏமாற்றியுள்ளனர். இது தவிர சில பெண்களிடம் உறவினர்  திருமணத்திற்கு செல்வதற்கு நகைகள் கடனாக வாங்கி சென்று திருப்பி கொடுக்காமல் ஏமாற்றி வந்துள்ளனர்.

இதுகுறித்து பாதிக்கப்பட்ட பெண்கள் சார்பில், அஞ்சலி  என்பவர் கடந்த ஜூலை மாதம்   வேளச்சேரி காவல்நிலையத்தில் அளித்த புகாரின்பேரில் நந்தினியை காவல் நிலையத்துக்கு அழைத்து வந்து போலீசார் விசாரணை நடத்தினர். அப்போது பாதிக்கப்பட்டவர்களுக்கு விரைவில் பணம் தருவதாக எழுதி கொடுத்து நந்தினி வந்துள்ளார். ஆனால் பணம், நகைகள் எதையும் திருப்பி கொடுக்கவில்லை என்று தெரிகிறது. இதற்கிடையே, நேற்று முன்தினம் முதல் பிரகாஷ், நந்தினி ஆகிய இருவரும் தலைமறைவாகிவிட்டனர். இதில் அதிர்ச்சியடைந்த பாதிக்கப்பட்ட 13 பெண்கள் தமிழ்நாடு ஏழை, எளியோர்  மற்றும் நடுத்தர மக்கள் நலச் சங்கத்தின் மாநில தலைவர் வி.எஸ்.லிங்க பெருமாள் தலைமையில் நேற்று மாலை வேளச்சேரி  காவல் நிலையத்துக்கு வந்து, ‘எங்களிடம் பணம் மோசடி செய்து விட்டு தலைமறைவான தம்பதியை உடனே கண்டுபிடித்து அவர்களை கைது செய்து பணம், நகைகளை மீட்டு தர வேண்டும்’’ என்று கூறினர். அதற்கு, அங்கிருந்த போலீஸ் இன்ஸ்பெக்டர் வேலு, ‘‘நீங்கள் புகார் கொடுத்தால் நடவடிக்கை எடுப்பதாக’’ கூறினார். இதை அடுத்து 13 பெண்களும் தங்களிடம் ₹9 லட்சம் பணம் மற்றும் 10 சவரன் நகையை ஏமாற்றியதாக புகார் கொடுத்துவிட்டு கலைந்து சென்றனர். இதுபற்றி போலீசார் வழக்குப்பதிவு செய்து தலைமறைவான தம்பதியை தேடி வருகின்றனர்.


மேலும் செய்திகள்

Like Us on Facebook Dinkaran Daily News
  • nigeriaaa_twins1

    இரட்டையர்களால் நிரம்பி வழியும் நைஜிரீய நகரம் !! : வியப்பூட்டும் புகைப்படங்கள்

  • russia_anumin111

    ரஷியாவில் உலகின் முதல் மிதக்கும் அணுமின் நிலையம் : பிரம்மாண்ட சரக்கு கப்பலைப் போல் காட்சியளிக்கும் வினோதம்

  • largestpotato

    உலகின் மிகப்பெரிய உருளைக்கிழங்கில் கட்டப்பட்டுள்ள தங்கும் விடுதி : அமெரிக்காவில் விநோதம்

  • marsgobi_desert1

    செவ்வாய் கிரகத்தில் வாழ்வது போன்ற அனுபவத்தை கொடுக்கும் தளம் : சீனாவின் கோபி பாலைவனத்தில் திறப்பு

  • jetairweys_delli11

    வாழ்வாதாரத்தை காக்க வலியுறுத்தி, டெல்லி, மும்பையில்ஜெட்ஏர்வேஸ் ஊழியர்கள் போராட்டம்

படங்கள் வீடியோ கல்வி சினிமா ஜோ‌திட‌ம்