SUN குழுமத்திலிருந்து வெளிவரும் காலை நாளிதழ்

அசார் அலி 134, ஆசாத் ஷபிக் 104 பாகிஸ்தான் 348 ரன் குவிப்பு: நியூசிலாந்துக்கு நெருக்கடி

2018-12-06@ 00:34:51

அபு தாபி: நியூசிலாந்து அணியுடனான 3வது டெஸ்ட் போட்டியில், பாகிஸ்தான் அணி முதல் இன்னிங்சில் 348 ரன் குவித்து முன்னிலை பெற்றது.ஷேக் சையது ஸ்டேடியத்தில் நடந்து வரும் இப்போட்டியில், டாசில் வென்று பேட் செய்த நியூசிலாந்து முதல் இன்னிங்சில் 274 ரன் எடுத்து ஆல் அவுட்டானது. கேப்டன் வில்லியம்சன் 89, வாட்லிங் 77, ராவல் 45 ரன் விளாசினர்.  பாகிஸ்தான் பந்துவீச்சில் பிலால் ஆசிப் 5, யாசிர் ஷா 3, ஹசன் அலி, ஷாகீன் ஷா அப்ரிடி தலா 1 விக்கெட் வீழ்த்தினர்.அடுத்து களமிறங்கிய பாகிஸ்தான், 2ம் நாள் ஆட்ட முடிவில் 3 விக்கெட் இழப்புக்கு 139 ரன் எடுத்திருந்தது. அசார் அலி 62, ஆசாத் ஷபிக் 26 ரன்னுடன் நேற்று 3ம் நாள் ஆட்டத்தை தொடங்கினர். அபாரமாக விளையாடிய  இருவரும் சதம் விளாசி அசத்தினர். இந்த ஜோடி 4வது விக்கெட்டுக்கு 201 ரன் சேர்த்தது. அசார் 134 ரன் (297 பந்து, 12 பவுண்டரி), ஆசாத் 104 ரன் (259 பந்து, 14 பவுண்டரி) விளாசி பெவிலியன் திரும்பினர்.

அடுத்து வந்த பாபர் ஆஸம் 14, கேப்டன் சர்பராஸ் 25, பிலால் ஆசிப் 11 ரன் எடுத்தனர். பாகிஸ்தான் அணி 135 ஓவரில் 348 ரன் குவித்து முதல் இன்னிங்சை இழந்தது. நியூசிலாந்து பந்துவீச்சில் சாமர்வில்லி 4, போல்ட், அஜாஸ்  பட்டேல் தலா 2, சவுத்தீ 1 விக்கெட் வீழ்த்தினர். இதைத் தொடர்ந்து 74 ரன் பின்தங்கிய நிலையில் 2வது இன்னிங்சை தொடங்கிய நியூசி. அணி, 3ம் நாள் ஆட்ட முடிவில் 2 விக்கெட் இழப்புக்கு 26 ரன் எடுத்து திணறி வருகிறது.தொடக்க வீரர்கள் ராவல் (0), லாதம் (10) இருவரும் வெளியேறிய நிலையில், கேப்டன் கேன் வில்லியம்சன் 14 ரன், சாமர்வில்லி 1 ரன்னுடன் களத்தில் உள்ளனர். இன்று 4வது நாள் ஆட்டம் நடைபெறுகிறது.


மேலும் செய்திகள்

Like Us on Facebook Dinkaran Daily News
  • intelexopchina17

    சீனாவில் நடைபெற்ற சர்வதேச ஆட்டோமொபைல் எக்ஸ்போ: Audi உள்ளிட்ட நிறுவனங்களின் புதிய கார்கள் அறிமுகம்

  • 17-07-2019

    17-07-2019 இன்றைய சிறப்பு படங்கள்

  • DongriBuildingCollapse

    மும்பையில் 100 ஆண்டு பழமையான கட்டிடம் இடிந்து பெரும் விபத்து: 12 பேர் உயிரிழப்பு..மீட்பு பணிகள் தீவிரம்!

  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்