SUN குழுமத்திலிருந்து வெளிவரும் காலை நாளிதழ்

பேராசிரியர் நிர்மலா தேவி விவகாரம் சந்தானம் குழு அறிக்கையை வெளியிட அனுமதிக்க வேண்டும்: ஐகோர்ட்டில் அரசு தரப்பு வாதம்

2018-11-21@ 02:18:13

சென்னை:  மாணவிகளை தவறாக வழிநடத்த முயற்சித்ததாக கைது செய்யப்பட்ட அருப்புக்கோட்டை கல்லூரி பேராசிரியை நிர்மலாதேவி மீதான வழக்கை பெண் டி.ஐ.ஜி. தலைமையில் சிறப்பு புலனாய்வு குழு அமைத்து விசாரிக்க வேண்டுமென புரட்சிகர மாணவர் இளைஞர் முன்னணி மாநில ஒருங்கிணைப்பாளர் கணேசன் வழக்கு தொடர்ந்திருந்தார்.  ஏற்கனவே, இந்த வழக்கை விசாரித்த உயர் நீதிமன்றம், பல்கலைக்கழகங்களின் வேந்தர் நியமித்த ஓய்வு பெற்ற ஐ.ஏ.எஸ். அதிகாரி சந்தானம் குழு அளித்த அறிக்கையை வெளியிட தடைவிதித்துள்ளது. இந்நிலையில் இந்த வழக்கு நேற்று நீதிபதிகள் சத்தியநாராயணன், சேஷசாயி முன்னிலையில் மீண்டும் விசாரணைக்கு வந்தது.  

அப்போது, அரசுத் தரப்பில் ஆஜரான வக்கீல், உண்மை வெளியாக வேண்டுமென்றால் சந்தானம் குழுவின் அறிக்கையை வெளியிட வேண்டும். எனவே, அறிக்கையை வெளியிட விதித்த தடையை நீக்க வேண்டும் என்று வாதிடப்பட்டது. மனுதாரர் தரப்பில்,  விசாரணையை சிறப்பு புலனாய்வு குழுவுக்கு மாற்ற வேண்டுமென்று வாதிடப்பட்டது.  அப்போது குறுக்கிட்ட நீதிபதிகள், விசாரணையை எப்படி நிறுத்த முடியும்? குற்றச்சாட்டு குறித்து உண்மையை கண்டறிய ஆரம்பகட்ட விசாரணை நடத்த ஆளுநர் அலுவலகத்துக்கு உரிமையில்லையா? என்று கேள்வி எழுப்பினர்.   மேலும், மாணவிகளின் பெயர்கள் வெளியிடப்பட்டது தொடர்பாக மனுதாரர் தரப்பு கூடுதல் மனுவைத் தாக்கல் செய்ய வேண்டும் என்று உத்தரவிட்டு   விசாரணையை வரும் 26ம் தேதிக்கு தள்ளிவைத்தனர்.


மேலும் செய்திகள்

Like Us on Facebook Dinkaran Daily News
  • perufloodrain

    பெருவில் கனமழை : கரைபுரண்டு ஓடும் வெள்ளத்தால் பொதுமக்களின் இயல்பு வாழ்க்கை பாதிப்பு

  • himachal

    இமாச்சலப் பிரதேசத்தில் பனிச்சரிவு: ராணுவ வீரர் பலி, 5 வீரர்களை தேடும் பணி தீவிரம்

  • navamkolumpu

    கொழும்பில் நடைபெற்ற நவம் மகா பெரஹெர திருவிழா : நடனமாடிய நடன கலைஞர்கள்

  • araliparaijallikattu

    அனல் பறந்த அரளிப்பாறை மஞ்சுவிரட்டு : மனித தலைகளாக மாறிய மலை..... சீறிப்பாய்ந்த காளைகள்!

  • dakkafire

    வங்கதேச தலைநகர் டாக்காவில் அடுக்குமாடிக் கட்டடத்தில் பயங்கர தீ விபத்து : 69 பேர் உயிரிழப்பு

படங்கள் வீடியோ கல்வி சினிமா ஜோ‌திட‌ம்