SUN குழுமத்திலிருந்து வெளிவரும் காலை நாளிதழ்

காரைக்குடி அருகே இந்தோனேசியா பெண்ணை தமிழக வாலிபர் மணந்தார் : அம்மி மிதித்து, மாலை மாற்றி திருமணம்

2018-11-15@ 00:17:45

காரைக்குடி:  சிவகங்கை மாவட்டம், காரைக்குடி அருகே பள்ளத்தூரை சேர்ந்தவர் முனியாண்டி மகன் கார்த்திகேயன். இவர் இன்ஜினியரிங் முடித்துவிட்டு சிங்கப்பூரில் உள்ள தனியார் கம்பெனியில் பணியாற்றி வருகிறார். அதே கம்பெனியில் இந்தோனேசியாவை சேர்ந்த பெரிலிஸ் பணியாற்றுகிறார். இருவரும் கடந்த 7 ஆண்டுகளாக காதலித்து வந்தனர். இருவீட்டார் சம்மதத்துடன் நேற்று பள்ளத்தூரில் உள்ள மணமகன் இல்லத்தில் இவர்களுக்கு திருமணம் நடைபெற்றது. தமிழக பாரம்பரிய முறைப்படி தாலி கட்டி, அம்மி மிதித்து, மாலை மாற்றி திருமணம் செய்து கொண்டனர். இதில் கார்த்திகேயனின் பெற்றோர், உறவினர்கள் கலந்து கொண்டனர்.

விசா பிரச்னை காரணமாக பெர்லிஸ் உறவினர்கள் கலந்து கொள்ள முடியவில்லை. கார்த்திகேயன் கூறுகையில், ‘‘7 ஆண்டுகள் காதலித்து வந்த நிலையில் இருவீட்டாரின் சம்மதத்துடன் திருமணம் செய்து கொண்டோம். நமது பாரம்பரிய முறைப்படி திருமணம் செய்ய பெர்லிஸ் விரும்பினார். அங்குள்ள கலாச்சாரமும், நமது கலாச்சாரமும் முற்றிலும் மாறுபட்டது’’ என்று தெரிவித்தார். பெர்லிஸ் கூறுகையில், ‘‘தமிழக பாரம்பரிய முறைப்படி மாலை மாற்றி பல்வேறு சடங்குகளுடன் திருமணம் செய்தது மனதிற்கு நெகிழ்ச்சியாக உள்ளது’’ என்றார்.


மேலும் செய்திகள்

Like Us on Facebook Dinkaran Daily News
  • 24-05-2019

    24-05-2019 இன்றைய சிறப்பு பாடங்கள்

  • 23-05-2019

    23-05-2019 இன்றைய சிறப்பு படங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

  • libya_sandai11

    தொடரும் உக்கிரமான தாக்குதல்கள் : லிபியாவில் ஆயுதக் குழுவினர் , அரசுப் படைகளுடன் கடும் துப்பாக்கிச் சண்டை

  • thuppaki-12jk

    13 பேரை காவு வாங்கிய தூத்துக்குடி துப்பாக்கிச்சூடு : ஓராண்டு நினைவலைகளை ஏந்தும் தமிழகம்

படங்கள் வீடியோ கல்வி சினிமா ஜோ‌திட‌ம்