SUN குழுமத்திலிருந்து வெளிவரும் காலை நாளிதழ்

மதுரை, சிவகங்கை, ராமநாதபுரம் மாவட்ட பாசனத்திற்கு வைகை அணையிலிருந்து கூடுதல் நீர் திறப்பு

2018-11-14@ 20:33:28

ஆண்டிபட்டி: மதுரை, ராமநாதபுரம் மற்றும் சிவகங்கை மாவட்ட பாசனத்திற்காக வைகை அணையிலிருந்து கூடுதலாக இன்று தண்ணீர் திறக்கப்பட்டது. இதனால் விவசாயிகள் மகிழ்ச்சி அடைந்துள்ளனர். தேனி மாவட்டம் ஆண்டிபட்டி அருகே வைகை அணை உள்ளது. 71 அடி உயரமுள்ள அணையில் இன்று காலை நிலவரப்படி 68.44 அடி தண்ணீர் உள்ளது. அணைக்கு நீர்வரத்து வினாடிக்கு 1237 கன அடியாக உள்ளது. பெரியாறு பாசன கால்வாய் மூலம் பாசனம் மற்றும் குடிநீர் தேவைக்காக வினாடிக்கு 1680 கனஅடி வீதம் தண்ணீர் திறந்து விடப்பட்டுள்ளது. இந்நிலையில் மதுரை, சிவகங்கை மற்றும் ராமநாதபுரம் மாவட்ட விவசாயிகளின் கோரிக்கையையேற்று வைகை அணையிலிருந்து பாசனத்திற்கு தண்ணீர் திறந்து விட தமிழக அரசு உத்தரவிட்டது. இதன்படி இன்று காலை 9.30 மணியளவில் தேனி கலெக்டர் பல்லவிபல்தேவ் அணையில் இருந்து 3 மாவட்டங்களின் பாசனத்திற்காக கூடுதலாக 3 ஆயிரம் கனஅடி நீரை திறந்து விட்டார்.

நிகழ்ச்சியில் பெரியாறு வைகை வடிநில வட்ட கண்காணிப்பு பொறியாளர் அன்பரசு, செயற்பொறியாளர் சுப்பிரமணி, உதவி செயற்பொறியாளர் செல்வம் மற்றும் பொதுப்பணித்துறை அதிகாரிகள் கலந்து கொண்டனர். இதுகுறித்து பொதுப்பணித்துறையினர் கூறுகையில், மதுரை, ராமநாதபுரம் மற்றும் சிவகங்கை மாவட்டங்களில் உள்ள வைகை பூர்வீக பாசன பகுதி 3 மற்றும் 2ல் உள்ள 5 கண்மாய்களுக்கு இன்று முதல் வரும் 21ம் தேதி வரை 1525 மில்லியன் கன அடியும், இதர வைகை பூர்வீக பாசன பகுதிக்கு வரும் 23ம் தேதி முதல் 27ம் தேதி வரை 631 மில்லியன் கனஅடி தண்ணீர் திறந்து விடப்படும்’ என்றனர். இதனால் விவசாயிகள் மகிழ்ச்சி அடைந்துள்ளனர்.


மேலும் செய்திகள்

Like Us on Facebook Dinkaran Daily News
  • KimHorseRide1610

    பயேக்டு பனிமலைகளுக்கு இடையே வெள்ளைக் குதிரையில் பவனி வந்த வடகொரிய அதிபர் கிம் ஜாங் உன்: புகைப்படத்தொகுப்பு

  • NASASpaceSuit

    நிலவு பயணத்தில் பங்கேற்கும் விண்வெளி வீரர்களுக்கான 2 நவீன விண்வெளி உடைகள்: நாசா அறிமுகம்- புகைப்படங்கள்

  • AirQualityDelhi1610

    அண்டை மாநிலங்களில் எரிக்கப்படும் வேளாண் கழிவுகளால் டெல்லியில் நாளுக்கு நாள் அதிகரிக்கும் காற்று மாசு: புகைப்படங்கள்

  • CatalanSpainProtest

    கட்டலான் தலைவர்களின் சிறைத்தண்டனைக்கு எதிர்ப்பு..: ஸ்பெயினின் பல்வேறு இடங்களில் வெடித்தது போராட்டம்!

  • LebanonWildFire1610

    கடுமையான வெப்பம் மற்றும் அனல் காற்றினால் லெபனானில் வரலாறு காணாத காட்டுத்தீ..: சர்வதேச நாடுகள் உதவ கோரிக்கை!

படங்கள் வீடியோ கல்வி சினிமா ஜோ‌திட‌ம்