SUN குழுமத்திலிருந்து வெளிவரும் காலை நாளிதழ்

அமெரிக்கா கருத்து இலங்கை அரசியல் நிலவரத்தை உன்னிப்பாக கவனித்து வருகிறோம்

2018-11-11@ 02:57:34

வாஷிங்டன்: இலங்கையில் நாடாளுமன்றம் கலைக்கப்பட்டு, தேர்தல் அறிவிக்கப்பட்டுள்ள நிலையில், அங்கு நிலவும் அரசியல் குழப்பத்தை உன்னிப்பாக கவனித்து வருவதாக அமெரிக்கா தெரிவித்துள்ளது. இலங்கை அதிபர் சிறிசேனாவுக்கும், பிரதமராக இருந்த ரணில் விக்ரமசிங்கேவுக்கும் பல விஷயங்களில் கருத்து வேறுபாடு ஏற்பட்டது. இதனால் பிரதமர் பதவியில் இருந்து ரணில் விக்ரமசிங்கேவை நீக்கிய அதிபர் சிறிசேனா, முன்னாள் அதிபர் ராஜபக்சேவை பிரதமராக நியமித்தார். நாடாளுமன்றத்தில் பெரும்பான்மை ஆதரவு இல்லாத ராஜபக்சேவை பிரதமராக நியமித்தது சட்டவிரோதம் என கூறிய ரணில், அவையில் நம்பிக்கை வாக்கெடுப்பு நடத்த நாடாளுமன்றத்தை உடனே கூட்ட வேண்டும் என வலியுறுத்தினார். பெரும்பான்மைக்கு தேவையான ஆதரவை ராஜபக்சே திரட்டும் வகையில் நாடாளுமன்றத்தை வரும் 14ம் தேதிக்கு சிறிசேனா ஒத்திவைத்திருந்தார்.

ராஜபக்சேவுக்கு ஆதரவு தெரிவிப்பதற்காக தமிழ் தேசிய கூட்டணி தலைவர்களை அதிபர் சிறிசேனா சந்தித்து பேசினார். ஆனால், அவர்கள் ரணிலுக்கு ஆதரவு அளிப்பதில் உறுதியாக இருந்தனர். ராஜபக்சேவால் அவையில் பெரும்பான்மையை நிருபிக்க முடியாது என்பதால், நேற்று முன்தினம் இரவு இலங்கை நாடாளுமன்றத்தை அதிபர் சிறிசேனா கலைத்தார். பொதுத்தேர்தல் ஜனவரி 5ம் தேதி நடைபெறும் எனவும் உத்தரவிட்டார். இதை எதிர்த்து உச்ச நீதிமன்றத்தை அணுக ரணில் முடிவு செய்துள்ளார். இதனால், இலங்கையில் உச்சகட்ட அரசியல் குழப்பம் நிலவுகிறது.

இது குறித்து வெள்ளை மாளிகை அதிகாரி ஒருவர் நேற்று அளித்த பேட்டியில், ‘‘இலங்கையில் தற்போது நிலவும் அரசியல் நிலவரம் கவலை அளிக்கிறது. வளர்ச்சித் திட்டங்களுக்காக இலங்கையின் முந்தைய அரசுகள் அதிகளவில் கடன் பெற்றுள்ளன. அத்திட்டங்கள் எல்லாம் கேள்விக்குறியாகி உள்ளன. இலங்கை நிலவரத்தை அமெரிக்கா உன்னிப்பாக கவனித்து வருகிறது. அரசியல் நிலைதன்மைக்கும், நாட்டின் வளமைக்கும் ஜனநாயக அமைப்புகள், நடைமுறைகள் மதிக்கப்பட வேண்டும் என நாங்கள் நம்புகிறோம்.’’ என்றார். 


மேலும் செய்திகள்

Like Us on Facebook Dinkaran Daily News
  • 22-03-2019

    22-03-2019 இன்றைய சிறப்பு படங்கள்

  • NerthikkadanTriplecane

    பங்குனி உத்திரப்பெருவிழா: திருவல்லிக்கேணி முருகன் கோயிலில் நூற்றுக்கணக்கான பக்தர்கள் நேர்த்திக்கடன்

  • TokyoOlympicTorch

    2020 ஒலிம்பிக் போட்டிக்கு தீவிரமாக தயாராகி வரும் டோக்கியோ..: புதிய ஒலிம்பிக் ஜோதி கோப்பை அறிமுகம்

  • newzealandattack

    நியூசிலாந்து மசூதி துப்பாக்கிச் சூடு : உயிரிழந்தவர்களின் உடல்கள் ஒரே இடத்தில் புதைக்கப்பட்டது

  • PhilipinesWhalePlastic

    இறந்த நிலையில் கரை ஒதுங்கிய திமிங்கலத்தின் வயிற்றில் 40 கிலோ பிளாஸ்டிக் கழிவுகள்: ஆராய்ச்சியாளர்கள் அதிர்ச்சி

படங்கள் வீடியோ கல்வி சினிமா ஜோ‌திட‌ம்