SUN குழுமத்திலிருந்து வெளிவரும் காலை நாளிதழ்

கட்டுமான பணி முடியும் நிலையில் விபத்தில் சிக்கினார்.. புற்றுநோயால் இறந்த மனைவிக்கு மினி தாஜ்மகால் கட்டியவர் சாவு: உ.பி.யில் சோகம்

2018-11-11@ 01:49:48

காஜியாபாத்: புற்று நோயால் இறந்த மனைவிக்கு மினி தாஜ்மகால் கட்டிய ஓய்வுபெற்ற போஸ்ட் மாஸ்டர், சாலை விபத்தில் பலியானார். உத்தர பிரதேச மாநிலம், புலாந்சாகர் மாவட்டம், காசர் காலன் கிராமத்தைச் சேர்ந்த ஓய்வுபெற்ற போஸ்ட் மாஸ்டர் பைசுல் ஹசன் கதரி (83). இவரது மனைவி தாஜ் முல்லி பேகம், கடந்த 2011ம் ஆண்டு டிசம்பர் மாதம், தொண்டை புற்றுநோயால் சிகிச்சை பலனின்றி இறந்தார். மனைவியின் மீது அளவற்ற பாசம் கொண்ட பைசுல், தன்னுடைய விவசாய நிலத்தின் ஒருபகுதியை தேர்வு செய்து, அங்கே மனைவியின் உடலை புதைத்தார்.

பின்னர், டெல்லியில் உள்ள உலக அதிசயங்களில் ஒன்றான தாஜ்மகாலை போன்று, ஒரு மினி தாஜ்மகாலை கட்ட முடிவு செய்தார். பொருளாதார நெருக்கடி ஏற்பட்டதால், மினி தாஜ்மகால் கட்டுமான பணிகள் முழுவதும் முடிக்க முடியாத நிலை ஏற்பட்டது. இந்நிலையில், கடந்த வியாழக்கிழமை இரவு 10 மணியளவில் வீட்டில் இருந்து சென்ற பைசுல், அடையாளம் தெரியாத வாகனம் மோதி இறந்தார். பைசுல் ஹசன் கதரியின் உறவினர் அஸ்லாம் கூறுகையில், ‘‘பெரியவர் பைசுல் ஹசன் கதரியின் மனைவி தாஜ் முல்லி பேகம் சடலம், மினி தாஜ்மகாலில் புதைக்கப்பட்டுள்ளால், அவரின் சடலத்தையும் அங்கேயே புதைத்து விட்டோம். அவரது கனவான மினி தாஜ்மகாலை நாங்கள் கட்டி முடிப்போம்’’ என்றார்.


மேலும் செய்திகள்

Like Us on Facebook Dinkaran Daily News
  • 29-02-2020

    29-02-2020 இன்றைய சிறப்பு படங்கள்

  • DelhiBackToNormal282

    வன்முறை ஓய்ந்த நிலையில் படிப்படியாக இயல்பு நிலைக்கு திரும்பும் வடகிழக்கு டெல்லி: புகைப்படங்கள்

  • president20

    எகிப்தில் முன்னாள் ஜனாதிபதி ஹொஸ்னி முபாரக் காலமானார்: இராணுவ இறுதி சடங்கு செலுத்தி ஆதரவாளர்கள் அஞ்சலி

  • saudipudhuvellai11

    ‘புது வெள்ளை மழை இங்கு பொழிகின்றது’.. சவூதி அரேபியா பாலைவனங்களில் அரிதான பனிப்பொழிவு

  • vaanvali20

    சிரியா வான்வெளி தாக்குதலில் துருக்கி ராணுவ வீரர்கள் 33 பேர் பரிதாப உயிரிழப்பு!

படங்கள் வீடியோ கல்வி சினிமா ஜோ‌திட‌ம்