SUN குழுமத்திலிருந்து வெளிவரும் காலை நாளிதழ்

இளைஞர்களுக்கு வேலை வாய்ப்பு ம.பியில் ரூ.2 லட்சம் வரையிலான விவசாய கடன் தள்ளுபடி காங்கிரஸ் தேர்தல் அறிக்கை

2018-11-11@ 01:38:34

போபால்: விவசாயிகள் பெற்ற ரூ.2 லட்சம் வரையிலான பயிர்கடனை தள்ளுபடி செய்வது, இளைஞர்களுக்கு ேவலை வாய்ப்பு வழங்குவது உள்ளிட்ட அம்சங்கள் நிறைந்த தேர்தல் அறிக்கையை மத்திய பிரதேச காங்கிரஸ் வெளியிட்டுள்ளது. மத்திய பிரதேசத்தில் மொத்தமுள்ள 230 தொகுதிகளுக்கான சட்டப்பேரவை தேர்தல் வரும் 28ம் தேதி நடைபெற உள்ளது. இதையொட்டி ஆளும் பாஜவை அதிகாரத்தில் இருந்து அகற்றும் நோக்கில் காங்கிரஸ் விவசாயிகள் மற்றும் இளைஞர்களை குறிவைத்து தேர்தல் அறிக்கை தயார் செய்துள்ளது.

நேற்று போபால் நகரில் நடைபெற்ற செய்தியாளர் சந்திப்பில் மாநில காங்கிரஸ் தலைவர் கமல்நாத், மாநில காங்கிரஸ் பிரசார குழு தலைவர் ஜோதிராதித்யா சிந்தியா, முன்னாள் முதல்வர் திக்விஜய் சிங் உள்ளிட்டோர் 112 பக்கம் கொண்ட தேர்தல் அறிக்கையை வெளியிட்டனர். தேர்தல் அறிக்கையில் இடம் பெற்றுள்ள சிறப்பு அம்சங்கள்: வேளாண் விஞ்ஞானி சுவாமிநாதன் கமிஷன் பரிந்துரை செய்துள்ளபடி விளைபொருட்களுக்கு குறைந்தபட்ச ஆதரவு விலை வழங்கப்படும். 2.5 ஏக்கருக்கும் குறைவான விளைநிலம் கொண்ட 60 வயதை எட்டிய விவசாயிகளுக்கு சமூக பாதுகாப்பு ஓய்வூதியம் தற்போது வழங்கப்படும் ரூ.300 என்பதை ரூ.1000 உயர்த்தி வழங்கப்படும்.

விவசாயிகள் வாங்கிய ரூ.2 லட்சத்துக்கும் குறைவான கடன் தள்ளுபடி செய்யப்படும். வேளாண் கருவிகள் வாங்க விவசாயிகளுக்கு 50 சதவீத மானியத்துடன் கூடிய கடன் வழங்கப்படும், விவசாயிகளுக்கான மின்கட்டணம் பாதியாக குறைக்கப்படும், இளைஞர்களுக்கு வேலைவாய்ப்பு வழங்கும் தொழிற்சாலைகளுக்கு வேலை ஒன்றுக்கு ரூ.10 ஆயிரம் மானியமாக அரசு வழங்கும். தொழிற்சாலைகள் அமைக்க முன்வருபவர்களுக்கு மானியம் மற்றும் ஜிஎஸ்டியில் கழிவு வழங்கப்படும். ஏழை குடும்பங்கள் பெறும் கேஸ்சிலிண்டருக்கு ரூ.100 மானியம் தரப்படும், பட்டமேற்படிப்பு வரை சிறுமிகளுக்கு இலவச கல்வி வழங்கப்படும். இவ்வாறு அதில் கூறப்பட்டுள்ளது.


மேலும் செய்திகள்

Like Us on Facebook Dinkaran Daily News
  • kedarnath

    கேதர்நாத் பகுதியில் யாத்திரை மேற்கொள்ள ஏற்பாடுகள் மும்மரம்: பனிபடர்ந்த பகுதிகளை அகற்றும் பேரழிவு நிவாரணப் படை

  • JadeMineMyanmar

    மியான்மரில் உள்ள மரகதக் கல் வெட்டி எடுக்கும் சுரங்க பகுதியில் பயங்கர நிலச்சரிவு...50க்கும் மேற்பட்டோர் பலி!

  • protestsdan

    மக்களாட்சி கொண்டு வர வலியுறுத்தி சூடானில் தொடர் போராட்டம் : அமைதியற்ற சூழல் நீடிப்பதால் மக்கள் பாதிப்பு

  • sachinbday

    46வது பிறந்தநாளை கொண்டாடும் கிரிக்கெட் உலகின் ஜாம்பவான் சச்சின் டெண்டுல்கரின் வீடு முன்பு குவிந்த ரசிகர்கள்

  • fingersgirl

    அமெரிக்காவில் கையெழுத்துப் போட்டியில் வென்ற விரல்கள் இல்லாத சிறுமி

படங்கள் வீடியோ கல்வி சினிமா ஜோ‌திட‌ம்