SUN குழுமத்திலிருந்து வெளிவரும் காலை நாளிதழ்

மெட்ரோ ரயில் நிலையத்தில் இருந்து இயக்கப்படும் ஷேர் ஆட்டோ ரூ.5, டாக்சி ரூ.10 ஆக கட்டணம் குறைப்பு

2018-11-11@ 01:05:05

சென்னை: சென்னை மெட்ரோ ரயில் நிலையங்களில் இருந்து இயக்கப்படும் ஷேர் ஆட்டோ, ஷேர் டாக்சி ஆகியவற்றின் கட்டணங்கள் குறைக்கப்பட்டுள்ளதாக சென்னை மெட்ரோ ரயில் நிறுவனம் அறிவித்துள்ளது. சென்னையில் குறிப்பிட்ட சில மெட்ரோ ரயில் நிலையங்களில் இருந்து 3 கி.மீ., தொலைவில் உள்ள சுற்றுவட்டார பகுதிகளுக்கு ஷேர் ஆட்டோ, ஷேர் டாக்சி சேவை சில மாதங்களுக்கு முன் தொடங்கப்பட்டது. பயணிகள் விரைவாக மெட்ரோ ரயில் நிலையத்துக்கு வந்து செல்ல வேண்டும் என்பதற்காக இந்த சேவை தொடங்கப்பட்டது.

இந்நிலையில், ஷேர் ஆட்டோ, ஷேர் டாக்சி கட்டணம் குறைக்கப்பட்டுள்ளது. இதுதொடர்பாக மெட்ரோ ரயில் நிறுவனம் வெளியிட்ட அறிக்கையில் கூறியுள்ளதாவது:
ஷேர் ஆட்டோ கட்டணம் ரூ.10ல் இருந்து ரூ.5 ஆக குறைக்கப்பட்டுள்ளது. அதே போல் ஷேர் டாக்சி சேவைக்கான கட்டணம் ரூ.15ல் இருந்து ரூ.10 ஆக குறைக்கப்பட்டுள்ளது. இந்த புதிய கட்டணம், நாளை(நவம்பர் 12ம் தேதி) முதல் அடுத்த ஆண்டு ஜனவரி 31ம் தேதி வரை அமலில் இருக்கும். ஆகஸ்ட், செப்டம்பர் மாதங்களில் 47,628 ேபர் ஷேர் ஆட்டோ, ஷேர் டாக்சி சேவையை பயன்படுத்தியுள்ளனர். கடந்த மாதம், 21,590 பேர் ஷேர் ஆட்டோ சேவையையும், 6,442 பேர் ஷேர் டாக்சி சேவையையும் பயன்படுத்தியுள்ளனர்.    

கோயம்பேடு, ஆலந்தூர் ரயில் நிலையங்களில் மட்டும், 7,561 பேர் இந்த சேவைகளை பயன்படுத்தியுள்ளனர். இவ்வாறு அந்த அறிக்கையில் கூறப்பட்டுள்ளது. இந்த இரு சேவைகளை பயணிகள் பயன்படுத்துவதை ஊக்குவிப்பதற்காக, கட்டணம் குறைக்கப்பட்டுள்ளதாக மெட்ரோ ரயில்வே அதிகாரிகள் தெரிவித்துள்ளனர். ஏற்கனவே குறைந்த விலையில் ஷேர் டாக்சி சேவை வழங்கப்படுவதால், தங்களின்  தினசரி வருமானம் பாதிக்கப்படுவதாக, பிற தனியார் கால் டாக்சி நிறுவன  ஊழியர்கள் மெட்ரோ ரயில் நிறுவனத்தின் ஷேர் டாக்சி சேவைக்கு எதிர்ப்பு  தெரிவித்திருந்தனர். இந்நிலையில் இந்த இரு சேவைகளுக்கான கட்டணம் மேலும் குறைக்கப்பட்டுள்ளது குறிப்பிடத்தக்கது.


மேலும் செய்திகள்

Like Us on Facebook Dinkaran Daily News
  • kedarnath

    கேதர்நாத் பகுதியில் யாத்திரை மேற்கொள்ள ஏற்பாடுகள் மும்மரம்: பனிபடர்ந்த பகுதிகளை அகற்றும் பேரழிவு நிவாரணப் படை

  • JadeMineMyanmar

    மியான்மரில் உள்ள மரகதக் கல் வெட்டி எடுக்கும் சுரங்க பகுதியில் பயங்கர நிலச்சரிவு...50க்கும் மேற்பட்டோர் பலி!

  • protestsdan

    மக்களாட்சி கொண்டு வர வலியுறுத்தி சூடானில் தொடர் போராட்டம் : அமைதியற்ற சூழல் நீடிப்பதால் மக்கள் பாதிப்பு

  • sachinbday

    46வது பிறந்தநாளை கொண்டாடும் கிரிக்கெட் உலகின் ஜாம்பவான் சச்சின் டெண்டுல்கரின் வீடு முன்பு குவிந்த ரசிகர்கள்

  • fingersgirl

    அமெரிக்காவில் கையெழுத்துப் போட்டியில் வென்ற விரல்கள் இல்லாத சிறுமி

படங்கள் வீடியோ கல்வி சினிமா ஜோ‌திட‌ம்