SUN குழுமத்திலிருந்து வெளிவரும் காலை நாளிதழ்

அங்கீகரிக்கப்படாத மனைகளை வரன்முறைப்படுத்த 5 நாட்களுக்குள் இணையதளத்தில் விண்ணப்பிக்கலாம் வீட்டு வசதி மற்றும் நகர்ப்புற வளர்ச்சித்துறை தகவல்

2018-11-11@ 00:51:36

சென்னை: அங்கீகரிக்கப்படாத மனைகளை வரன்முறைப்படுத்துவதற்கு நாளை முதல் 5 நாட்கள் வரை இணையதளம் மூலம் விண்ணப்பிக்கலாம் என்று தெரிவிக்கப்பட்டுள்ளது. இதுகுறித்து தமிழக வீட்டு வசதி மற்றும் நகர்ப்புற வளர்ச்சித்துறை வெளியிட்டுள்ள அறிக்கை: அங்கீகரிக்கப்படாத மனைப்பிரிவுகளில் மனைகளை வாங்கியோரின் நலன்களை காக்கும் நோக்கிலும், அந்த மனைப்பிரிவுகளுக்கு அடிப்படை உள்கட்டமைப்பு வசதிகளை அளிக்கும் வகையிலும் அந்த மனைகளை வரன்முறைப்படுத்த ஒரு திட்டம் உருவாக்கப்பட்டு வீட்டுவசதி மற்றும் நகர்ப்புற வளர்ச்சித் துறை மூலம் விதிகள் வெளியிடப்பட்டது.

இந்த விதிகளில், அங்கீகரிக்கப்படாத மனைப்பிரிவுகள் மற்றும் மனைகளை வரன்முறைப்படுத்த விண்ணப்பிக்க ஆறு மாத காலக்கெடு 3.11.2017 வரை நிர்ணயிக்கப்பட்டது. பிறகு அந்த காலக்கெடு 3.11.2018 வரையிலும் நீட்டிக்கப்பட்டது. அங்கீகரிக்கப்படாத மனைப்பிரிவுகள் மற்றும் மனைகளை வரன்முறைப்படுத்த விண்ணப்பிக்க கடைசி நாளான 3.11.2018 சனிக்கிழமை என்பதால் விடுமுறை நாளாக இருந்தது. மேலும் 6.11.2018 வரை தீபாவளி  விடுமுறை நாட்களாக இருந்தது.

அதனால், அங்கீகரிக்கப்படாத மனைப்பிரிவுகள் மற்றும் மனைகளை வரன்முறைப்படுத்த குறுகிய கால வாய்ப்பு கோரி விண்ணப்பங்கள் பெறப்பட்டன. அதன்படியே அரசு அங்கீகரிக்கப்படாத மனைப்பிரிவுகள் மற்றும் மனைகளை வரன்முறைப்படுத்த விண்ணப்பங்களை இணையதளம் (www.tnlayoutreg.in) வழியாக 12.11.2018 முதல் 16.11.2018 வரை 5 நாட்களுக்கு அனுமதி அளிக்க முடிவுசெய்துள்ளது. இவ்வாறு அதில் கூறப்பட்டுள்ளது.


மேலும் செய்திகள்

Like Us on Facebook Dinkaran Daily News
  • kedarnath

    கேதர்நாத் பகுதியில் யாத்திரை மேற்கொள்ள ஏற்பாடுகள் மும்மரம்: பனிபடர்ந்த பகுதிகளை அகற்றும் பேரழிவு நிவாரணப் படை

  • JadeMineMyanmar

    மியான்மரில் உள்ள மரகதக் கல் வெட்டி எடுக்கும் சுரங்க பகுதியில் பயங்கர நிலச்சரிவு...50க்கும் மேற்பட்டோர் பலி!

  • protestsdan

    மக்களாட்சி கொண்டு வர வலியுறுத்தி சூடானில் தொடர் போராட்டம் : அமைதியற்ற சூழல் நீடிப்பதால் மக்கள் பாதிப்பு

  • sachinbday

    46வது பிறந்தநாளை கொண்டாடும் கிரிக்கெட் உலகின் ஜாம்பவான் சச்சின் டெண்டுல்கரின் வீடு முன்பு குவிந்த ரசிகர்கள்

  • fingersgirl

    அமெரிக்காவில் கையெழுத்துப் போட்டியில் வென்ற விரல்கள் இல்லாத சிறுமி

படங்கள் வீடியோ கல்வி சினிமா ஜோ‌திட‌ம்