SUN குழுமத்திலிருந்து வெளிவரும் காலை நாளிதழ்

ஜனவரி மாதம் இரண்டாவது வாரத்தில் தமிழக சட்டப்பேரவை கூடுகிறது

2018-11-11@ 00:42:12

சென்னை: ஜனவரி மாதம் இரண்டாவது வாரம் தமிழக சட்டப்பேரவை கூடுகிறது. அப்போது, தமிழக கவர்னர் உரையாற்றுவார். ஒவ்வொரு ஆண்டும் ஜனவரி மாதம் 2வது வாரம் கவர்னர் உரையுடன் தமிழக சட்டப்பேரவை கூட்டம் நடைபெறும். அதன்படி, இந்த ஆண்டும் வருகிற ஜனவரி மாதம் 2வது வாரம் சட்டப்பேரவை கூட்டம் கூடும். கூட்டத்தின் முதல் நாள் தமிழக கவர்னர் பன்வாரிலால் புரோகித் உரையாற்றுவார்.முன்னதாக கடந்த மே மாதம் 29ம் தேதி தொடங்கி ஜூலை மாதம் 9ம் தேதி வரை சட்டப்பேரவை கூட்டம் நடைபெற்றது. வழக்கமாக நவம்பர் அல்லது ஜனவரி மாதம் குளிர்கால கூட்டம் நடைபெறும். அதேநேரம், 6 மாதத்துக்கு ஒருமுறை சட்டப்பேரவையை கூட்ட வேண்டும் என்று விதி உள்ளது.

தற்போது, இறுதியாக ஜூலை 9ம் தேதி வரை கூட்டம் நடைபெற்றதால் 6 மாதம் இடைவெளி விட்டு ஜனவரி மாதம் சட்டப்பேரவை கூட்டத்தை நடத்த அதிமுக அரசு திட்டமிட்டுள்ளது. ஜனவரி மாதம் நடைபெறும் சட்டப்பேரவை கூட்டத்தில், சபாநாயகர் தனபால் மீது நம்பிக்கையில்லா தீர்மானம் கொண்டு வர வாய்ப்புள்ளது. காரணம், திருவாடனை தொகுதி எம்எல்ஏ கருணாஸ் சபாநாயகர் மீது நம்பிக்கை இல்லா தீர்மானம் கொடுத்துள்ளார். இது ஜனவரி மாதம் கூட்டத்தொடரில் விவாதத்துக்கு எடுத்துக் கொள்ளப்படும். இந்த தீர்மானத்துக்கு 35 எம்எல்ஏக்கள் ஆதரவு தெரிவித்தால், தீர்மானம் உடனடியாக வாக்கெடுப்புக்கு விடப்படும்.

அதேபோன்று, 18 எம்எல்ஏக்கள் தகுதி நீக்கம் செய்யப்பட்ட தொகுதி மற்றும் திருவாரூர், திருப்பரங்குன்றம் ஆகிய 20 தொகுதிகளுக்கான இடைத்தேர்தல் நடத்துவது குறித்தும் இந்த கூட்டத்தில் வலியுறுத்தப்படும். முன்னதாக இந்த கூட்டத்தில் மறைந்த திமுக தலைவர் கருணாநிதியின் மறைவுக்கு இரங்கல் தெரிவித்து ஒரு நாள் கூட்டம் ஒத்தி வைக்கப்படும் என்று தெரிகிறது. மேலும் திமுக தலைவர் மறைந்த பிறகு நடக்கும் முதல் கூட்டம் என்பது குறிப்பிடத்தக்கது. அதேபோன்று முதல்வர் எடப்பாடி பழனிசாமி அறிவித்தபடி, ராமசாமி படையாட்சியாரின் உருவப்படம் திறக்கவும் அதிக வாய்ப்புள்ளது.


மேலும் செய்திகள்

Like Us on Facebook Dinkaran Daily News
  • nba

    டொராண்டோவில் நடந்த கூடைப்பந்து போட்டியில் வெற்றி பெற்றதை கொண்டாடும் வகையில் அணிவகுப்பு

  • 18-06-2019

    18-06-2019 இன்றைய சிறப்பு படங்கள்

  • yoga

    சர்வதேச யோகா தினத்தை முன்னிட்டு இந்தியா உட்பட பல்வேறு நாடுகளில் யோகா பயிற்சி மேற்கொண்டுவரும் மக்கள்!

  • octopus

    ஜப்பான் ஆழ்கடலில் நீச்சல் வீரர் ஒருவரை இழுத்து செல்ல முயன்ற ஆக்டோபஸ்: வைரலாகும் காட்சிகள்

  • brainfever

    பீகாரில் மூளை காய்ச்சலால் உயிரிழந்த குழந்தைகளின் எண்ணிக்கை 100 ஆக உயர்வு!

படங்கள் வீடியோ கல்வி சினிமா ஜோ‌திட‌ம்