SUN குழுமத்திலிருந்து வெளிவரும் காலை நாளிதழ்

பாப்புலர் ப்ரண்ட் ஆப் இந்தியா சார்பில் சிப்பாய் புரட்சி ஆவணப்படம் வெளியீடு சென்னையில் நடந்தது

2018-11-11@ 00:35:53

சென்னை: பாப்புலர் ப்ரண்ட் ஆப் இந்தியா சார்பில் திப்பு ஜெயந்தியை முன்னிட்டு, வேலூர் சிப்பாய் புரட்சி ஆவணப்படம் வெளியீட்டு நிகழ்ச்சி நேற்று சென்னையில் நடந்தது. நிகழ்ச்சிக்கு பாப்புலர் ப்ரண்ட் ஆப் இந்தியாவின் மாநில துணைத்தலைவர் எம்.முஹம்மது சேக் அன்சாரி தலைமை தாங்கினார். மாநில செயலாளர்கள் அ.முஹைதீன் அப்துல் காதர், எம்.நாகூர் மீரான் முன்னிலை வகித்தனர். மாநில செயலாளர் முஹம்மது பயாஸ் வரவேற்றார். பாப்புலர் ஃப்ரண்ட் ஆப் இந்தியாவின் மாநில தலைவர் எம்.முஹம்மது இஸ்மாயில் கி.பி 1806- வேலூர் சிப்பாய் புரட்சி ஆவணப்படத்தை வெளியிட்டார். தமிழக அரசு அருங்காட்சியகத்துறை முன்னாள் துணை இயக்குனரும், இஸ்லாமிய பண்பாட்டு ஆய்வு மையம் இயக்குனருமான ஜெ.ராஜா முஹம்மது பெற்றுக்கொண்டார்.

நிகழ்ச்சியில் சுதந்திர போராட்ட தியாகி எம்.முஹம்மது முஸ்தபா, என்.சி.ஹெச்.ஆர்.ஒ.  தேசிய தலைவர் அ.மார்க்ஸ், அ.குமரேசன், எஸ்.டி.பி.ஐ. கட்சியின் மாநில பொதுச்செயலாளர் பி.அப்துல் ஹமீது, ரியாஸ் அஹமது ஆகியோர் சிறப்பு அழைப்பாளர்களாக கலந்து கொண்டனர். மேலும், பாப்புலர் ப்ரண்ட் ஆப் இந்தியாவின் மாநில, மாவட்ட நிர்வாகிகள், செயல் வீரர்கள், கல்வியாளர்கள், வரலாற்று ஆய்வாளர்கள், சமுதாய தலைவர்கள் என ஏராளமானோர் கலந்து கொண்டனர். நிகழ்ச்சியை வட சென்னை மாவட்ட தலைவர் முஹம்மது ரபீக் ராஜா தொகுத்து வழங்கினார். பாப்புலர் ப்ரண்ட் ஆப் இந்தியாவின் தென்  சென்னை மாவட்ட தலைவர் ஜெ.முஹம்மது நாஜிம் நன்றி கூறினார்.


மேலும் செய்திகள்

Like Us on Facebook Dinkaran Daily News
  • trainchina

    சீனாவில் முதல் அதிவேக மாக்லெவ் ரயில் அறிமுகம்: மணிக்கு 600 கி.மீ வேகத்தில் செல்லும் என தகவல்!

  • 24-05-2019

    24-05-2019 இன்றைய சிறப்பு பாடங்கள்

  • 23-05-2019

    23-05-2019 இன்றைய சிறப்பு படங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

  • libya_sandai11

    தொடரும் உக்கிரமான தாக்குதல்கள் : லிபியாவில் ஆயுதக் குழுவினர் , அரசுப் படைகளுடன் கடும் துப்பாக்கிச் சண்டை

படங்கள் வீடியோ கல்வி சினிமா ஜோ‌திட‌ம்