SUN குழுமத்திலிருந்து வெளிவரும் காலை நாளிதழ்

தீபாவளியின்போது விதிமீறல் 166 ஆம்னி பஸ் உரிமையாளர்களிடம் 4.12 லட்சம் அபராதம் வசூல்

2018-11-09@ 01:42:24

வேலூர்:  தீபாவளி பண்டிகைக்காக வெளியூர்களில் பணிபுரிபவர்கள், மாணவர்கள் என்று  லட்சக்கணக்கான மக்கள் தங்களது சொந்த ஊர்களுக்கு சென்றனர். இதற்காக அரசு போக்குவரத்து கழகம் சார்பில் சிறப்பு பஸ்கள்  இயக்கப்பட்டன. அதேசமயத்தில் ஆம்னி பஸ்களும் அதிகளவில் இயக்கப்பட்டன. ஆம்னி பஸ்களில் அதிக கட்டணம் வசூலிப்பதாக வழக்கமான புகார்கள் வந்த வண்ணம் இருந்தது. இதனை கண்காணிக்க தமிழகம் முழுவதும் போக்குவரத்து  ஆணையர் உத்தரவின்பேரில் கண்காணிப்பு குழுவினர் டோல்கேட்களில் தீவிர வாகன சோதனையில் ஈடுபட்டனர்.

அதேபோல் வேலூர், கிருஷ்ணகிரி மாவட்டத்தில் துணை போக்குவரத்து ஆணையர் செந்தில்நாதன் உத்தரவின்பேரில் ஆர்டிஓ ராமகிருஷ்ணன், மோட்டார் வாகன ஆய்வாளர்கள் வெங்கடராகவன், ராஜசேகர் ஆகியோர்  தலைமையிலான அதிகாரிகள் வேலூர், கிருஷ்ணகிரி மாவட்டங்களில் உள்ள டோல்கேட்களில் கடந்த 2ம் தேதி முதல் நேற்று காலை 10 மணி வரை ஆம்னி பஸ்களை சோதனையிட்டனர். மொத்தம் 7 நாட்களில் 1,040 ஆம்னி பஸ்களை சோதனையிட்டனர். இதில் விதிமீறிய 166 பஸ் உரிமையாளர்களுக்கு சோதனை அறிக்கை வழங்கி ₹4 லட்சத்து 12 ஆயிரத்து 600 அபராதமாக வசூலிக்கப்பட்டது. இதில் ₹3,408  வரியும் வசூலிக்கப்பட்டது என்று போக்குவரத்துத்துறை அதிகாரிகள் தெரிவித்தனர்.



மேலும் செய்திகள்

Like Us on Facebook Dinkaran Daily News
  • china23

    சீனாவின் வுலியன் அருங்காட்சியத்தில் நடைபெற்ற கலாச்சார நினைவுச் சின்னங்களின் கண்காட்சி: புகைப்படங்கள்

  • 23-08-2019

    23-08-2019 இன்றைய சிறப்பு படங்கள்

  • mamtateashop

    மேற்குவங்க கிராமத்தின் டீ கடையில் முதல்வர் மம்தா பானர்ஜி: தேநீர் தயாரித்து மக்களுக்கு வழங்கிய காட்சிகள்!

  • chidambaramprotest

    ப.சிதம்பரம் கைது செய்யப்பட்டதை கண்டித்து சென்னையில் பேரணி நடத்த முயன்ற காங்கிரஸ் தொண்டர்கள் கைது!

  • delhiprotest22

    காஷ்மீரில் சிறை வைக்கப்பட்டுள்ள தலைவர்களை விடுவிக்கக்கோரி டெல்லியில் திமுக உள்ளிட்ட 14 கட்சிகள் ஆர்ப்பாட்டம்: புகைப்படங்கள்

படங்கள் வீடியோ கல்வி சினிமா ஜோ‌திட‌ம்