SUN குழுமத்திலிருந்து வெளிவரும் காலை நாளிதழ்

பிரபல ரவுடியை வெட்டிக்கொன்று இதயத்தை அறுத்து எடுத்து சென்றனர் : ஆந்திராவில் பரபரப்பு

2018-11-09@ 01:01:45

திருமலை: ஆந்திராவில் பிரபல ரவுடியை வெட்டிக்கொலை செய்து இதயத்தை அறுத்து எடுத்துச்சென்ற சம்பவம் அதிர்ச்சியை ஏற்படுத்தியுள்ளது. ஆந்திராவின் கர்னூல் மாவட்டம், சாய்பாபா சஞ்சீவி நகரைச்  சேர்ந்தவர் பிரபல ரவுடி சென்னய்யா. இவர் பல்வேறு வழக்குகளில் சிறை சென்று வந்த நிலையில் கடந்த இரண்டு ஆண்டுகளாக மார்க்கெட்டில் கூலி வேலை செய்து வந்தார். இந்நிலையில் நேற்று அதிகாலை  துங்கபத்ரா நதிக்கரையில் வாலிபர் ஒருவர் கொடுரமாக வெட்டி கொலை செய்யப்பட்டு கிடப்பதை பார்த்து அப்பகுதி மக்கள் அதிர்ச்சியடைந்தனர். இதுகுறித்து போலீசாருக்கு தகவல் தெரிவித்தனர்.

அதன்பேரில் துங்கபத்ரா போலீசார் சம்பவ இடத்துக்கு வந்து விசாரணை நடத்தினர். இதில், சென்னய்யாவை கொன்று இதயத்தை அறுத்து எடுத்துச்சென்றிருப்பது தெரியவந்தது. தொடர்ந்து போலீசார் சடலத்தை மீட்டு, பிரேத பரிசோதனைக்காக கர்னூல் அரசு மருத்துவமனைக்கு அனுப்பி வைத்தனர். இந்த கொலைக்கு காரணம் முன் பகையாக  இருக்கலாம் என கூறப்படுகிறது. சென்னய்யாவிற்கும் மற்றொரு ரவுடி கும்பலுக்கும் இடையே இரண்டு ஆண்டுகளுக்கு முன்பு சண்டை ஏற்பட்டுள்ளது. அதன் பின்னர் சென்னய்யா திருந்தி கூலி வேலை செய்து வாழ்ந்து வந்த நிலையில் முன்விரோதம் காரணமாக அவர் கொலை செய்யப்பட்டிருக்கலாம் என்று தெரிகிறது. இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.
ரவுடியை கொலை செய்து  இருதயத்தை அறுத்து எடுத்துச்சென்ற சம்பவம் கர்னூலில் பெரும் பரபரப்பையும் அதிர்ச்சியையும் ஏற்படுத்தி உள்ளது.


மேலும் செய்திகள்

Like Us on Facebook Dinkaran Daily News
  • 23-04-2019

    23-04-2019 இன்றைய சிறப்பு படங்கள்

  • MummifiedFoal

    42 ஆயிரம் ஆண்டுகளுக்கு முன்பு இறந்த குதிரையின் உடலில் உறைந்த ரத்தம்..: ரஷ்ய விஞ்ஞானிகள் கண்டுபிடிப்பு

  • SriLankaHomage

    இலங்கை தொடர் வெடிகுண்டு தாக்குதலுக்கு உலகச் சமூகங்கள் அஞ்சலி: பிரான்சின் ஈபிள் டவரில் விளக்குகள் அணைப்பு!

  • selphiGorilla

    கொரில்லாக்களையும் விட்டு வைக்காத செல்ஃபி மோகம் : குஷியான போஸ்கள்

  • QingdaoNavalParade

    சீனாவில் நடைபெறவுள்ள பிரம்மாண்ட கப்பல் அணிவகுப்பை ஒட்டி துறைமுகம் வந்தடையும் பல்வேறு நாடுகளின் போர்க்கப்பல்கள்!

படங்கள் வீடியோ கல்வி சினிமா ஜோ‌திட‌ம்