SUN குழுமத்திலிருந்து வெளிவரும் காலை நாளிதழ்

ரூ30 லட்சம் மோசடி புகார் அமைச்சர் காமராஜ் மீதான வழக்கு தள்ளுபடி: உச்ச நீதிமன்றம் உத்தரவு

2018-10-24@ 01:17:21

புதுடெல்லி: தமிழக உணவுத்துறை அமைச்சர் காமராஜ் மீதான ரூ30 லட்சம் மோசடி தொடர்பான புகாரில் எந்தவித முகாந்திரமும் கிடையாது எனக்கூறி அவருக்கு எதிரான வழக்கை தள்ளுபடி செய்து உச்ச நீதிமன்றம் நேற்று உத்தரவிட்டுள்ளது திருவாரூர் மாவட்டம், நீடாமங்கலம் அருகே உள்ள கீழவாழாச்சேரியைச் சேர்ந்த ரியல் எஸ்டேட் அதிபர் குமார். சென்னை உயர் நீதிமன்றத்தில் ஒரு மனு தாக்கல் செய்திருந்தார். அதில், சென்னை மயிலாப்பூரில் எனக்கு சொந்தமாக வீடு உள்ளது. அந்த வீட்டில் வாடகைக்கு குடியிருந்தவர்களை காலி செய்ய வைப்பதற்காக அமைச்சர் காமராஜுக்கு ரூ30 லட்சம் லஞ்சமாக கொடுத்தேன். ஆனால் பணத்தை வாங்கிக்கொணடு அமைச்சர் காமராஜ் எந்த நடவடிக்கையும் எடுக்காமல் இழுத்தடிப்பு செய்தார். இதனால் கொடுத்த பணத்தை திருப்பி கேட்டேன். ஆனால், அமைச்சர் பணத்தை தராமல் கொலை மிரட்டல் விடுத்தார். எனவே அவர் மீது நடவடிக்கை எடுத்து பணத்தை பெற்றுத்தர வேண்டும் என கூறியிருந்தார்.

இந்த மனுவை விசாரித்த நீதிமன்றம் அதனை தள்ளுபடி செய்து உத்தரவிட்டது. இதையடுத்து குமார் உச்ச நீதிமன்றத்தில் மேல்முறையீட்டு மனுவை தாக்கல் செய்தார். அந்த மனு கடந்த ஏப்ரல் 28ம் தேதி விசாரணைக்கு வந்தபோது தமிழக உணவுத்துறை அமைச்சர் காமராஜ் மீது முதல் தகவல் அறிக்கை தாக்கல் செய்து வழக்கை நடத்த காவல்துறைக்கு உச்ச நீதிமன்றம் உத்தரவிட்டிருந்தது. இந்நிலையில் மேற்கண்ட வழக்கானது உச்ச நீதிமன்றத்தின் நீதிபதிகள் என்வி.ரமணா மற்றும் சந்தான கவுடர் ஆகியோர் அமர்வில் நேற்று மீண்டும் விசாரணைக்கு வந்தது. அப்போது  காவல் நிலைய விசாரணைக்கு மனுதாரரான குமார் சரிவர நேரில் ஆஜராகி பதிலளிக்கவில்லை என அமைச்சர் காமராஜ் தரப்பில் ஆஜரான வழக்கறிஞர், நீதிபதிகளிடம் தெரிவித்தார். இதையடுத்து நீதிபதிகள், அமைச்சர் காமராஜ் மீது தொடரப்பட்ட பண மோசடி வழக்கில் எந்தவித முகாந்திரமும் இருப்பதாக தெரியவில்லை. அதனால் மனு தள்ளுபடி செய்யப்படுகிறது என உத்தரவிட்டனர்.


மேலும் செய்திகள்

Like Us on Facebook Dinkaran Daily News
  • iraqbikersride

    ஈராக்கில் சகோதரத்துவத்தை வலியுறுத்தி இருசக்கர வாகன ஓட்டிகள் நாடு முழுவதும் சுற்றுப்பயணம்

  • niagarafallssnow

    கனடாவில் பனிபொழிவால் உறைபனியாக காட்சியளிக்கும் நயாகரா நீர்வீழ்ச்சி

  • SiddhagangaSivakumarasamy

    பெங்களூரு சித்தகங்கா மடாதிபதி சிவகுமாரசாமியின் உடல் நல்லடக்கம் : அமைச்சர்கள் பங்கேற்பு

  • govindpmawards

    பிரதமரின் தேசிய பாலர் விருதுகளை வழங்கினார் குடியரசுத் தலைவர் ராம்நாத் கோவிந்த்

  • 23-01-2019

    23-01-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்