SUN குழுமத்திலிருந்து வெளிவரும் காலை நாளிதழ்

குட்கா வழக்கில் விழுப்புரம் எஸ்.பி.யை தொடர்ந்து 4 உயர் அதிகாரிகளிடம் விசாரிக்க சிபிஐ முடிவு

2018-10-14@ 02:03:21

சென்னை: குட்கா விவகாரத்தில் எஸ்பியிடம் விசாரணையைத் தொடர்ந்து மேலும் 4 அதிகாரிகளிடம் விசாரணை நடத்த சிபிஐ அதிகாரிகள் திட்டமிட்டுள்ளனர். தமிழகத்தில் குட்கா தடையின்றி விற்பனை ெசய்ய அமைச்சர், டிஜிபி, முன்னாள் போலீஸ் கமிஷனர், மத்திய கலால் விரித்துறை அதிகாரிகள், உணவு பாதுகாப்பு அதிகாரிகள் என பல முக்கிய அதிகாரிகள் குட்கா வியாபாரி மாதவராவிடம் 40 கோடிக்கு மேல் லஞ்சம் பெற்றதாக புகார் எழுந்தது. இதையடுத்து, டிஜிபி. ராஜேந்திரன், முன்னாள் போலீஸ் கமிஷனர் ஜார்ஜ், அமைச்சர் வீடுகளில் சிபிஐ அதிகாரிகள் சோதனை நடத்தி பல ஆவணங்களை கைப்பற்றினர். சோதனையில் கிடைத்த ஆவணங்களின் படி சிபிஐ அதிகாரிகள் கடந்த மாதம், குட்கா தயாரிப்பாளரான மாதவராவ், பங்குதாரர்கள் உமா சங்கர் குப்தா, சீனிவாசராவ் மற்றும் மத்திய கலால் துறை அதிகாரி பாண்டியன், உணவு பாதுகாப்புத்துறை அதிகாரி செந்தில் முருகன் மற்றும் சுகாதாரத்துறை ஆய்வாளர் சிவகுமார் உட்பட 6 பேரை கைது செய்தனர்.

சென்னை போலீஸ் கமிஷனர் ஜார்ஜ், குட்கா விவகாரத்தில் சென்னை மத்திய குற்றப்பிரிவில் துணை கமிஷனராக இருந்த ஜெயகுமார் தான் அனைத்து நடவடிக்கைகளையும் கவனித்தார் என்று குற்றம்சாட்டி இருந்தார். அதைதொடர்ந்து லஞ்சம் பெற்றதாக கூறப்படும் செங்குன்றத்தில் இன்ஸ்பெக்டராக இருந்த சம்பத்தை சிபிஐ அதிகாரிகள் நேரில் அழைத்து விசாரணை நடத்தினர். அவர் அளித்த தகவலின் படி சிபிஐ அதிகாரிகள் விழுப்புரம் மாவட்ட காவல் கண்காணிப்பாளராக உள்ள ஜெயகுமாரிடம் 2 நாட்கள் விசாரணை நடத்தினர்.

அப்போது, நான் யாரிடமும் லஞ்ச பணம் பெறவில்லை. உயர் அதிகாரிகள் உத்தரவுப்படி தான் நான் நடந்து கொண்டேன். குட்கா வழக்கில் உயர் அதிகாரிகள் அனைவரும் சேர்ந்து என்னை சிக்க வைத்துள்ளார்கள் என்று கூறியதாக சிபிஐ வட்டாரத்தில் தெரிவித்தனர். மேலும், ஜெயகுமார் குட்கா வழக்கில் தன்னை சிக்க வைத்த 4 உயர் போலீஸ் அதிகாரிகள் குறித்து முழு விவரங்களையும் உரிய ஆவணங்களுடன் அதிகாரிகளிடம் வாக்கு மூலம் அளித்ததாக கூறப்படுகிறது. இதனால் குட்கா வழக்கில் சிக்கி உள்ள உயர் போலீஸ் அதிகாரிகளுக்கு சிபிஐ சம்மன் அனுப்ப திட்டமிட்டுள்ளதாகவும் தற்போது தகவல் வெளியாகி உள்ளது. மேலும் கைது நடவடிக்கை எடுப்பது குறித்தும் அதிகாரிகள் தீவிர நடவடிக்கையில் இறங்கியுள்ளனர். இதனால் அடுத்தது யார் என்பதுதான் உயர் போலீஸ் அதிகாரிகளிடையே பரபரப்பை ஏற்படுத்தியுள்ளது.


மேலும் செய்திகள்

Like Us on Facebook Dinkaran Daily News
  • MadridSantaClausMarathon

    புற்றுநோய் பாதித்த குழந்தைகளுக்கு நிதி திரட்ட கிறிஸ்துமஸ் தாத்தா வேடமணிந்து மாரத்தான் ஓட்டம்: ஸ்பெயினில் நெகிழ்ச்சி!

  • NorthCarolinaStorm

    அமெரிக்காவின் தென்கிழக்கு மாநிலங்களை தாக்கிய பனிப்புயலால் வெந்நிற ஆடை உடுத்தியது போல் காட்சியளிக்கும் நகரங்கள்!

  • kumbamela

    12 ஆண்டிற்கு ஒருமுறை நடைபெறும் கும்பமேளா திருவிழாவிற்கான பணிகள் முழுவீச்சில் தொடக்கம்

  • hariyanaperison

    ஹரியானாவில் கைதிகளின் திறமைகளை வெளிக்கொணரும் சிறைத்துறை: புது முயற்சியில் களமிறங்கிய பொன்ட்சி சிறை

  • Guatemalachrismas

    கிறிஸ்துமஸை வரவேற்கும் விதமாக, கவுதமாலாவில் பேய் பொம்மைகளை தீ வைத்து கொளுத்தும் பாரம்பரிய திருவிழா

படங்கள் வீடியோ கல்வி சினிமா ஜோ‌திட‌ம்