SUN குழுமத்திலிருந்து வெளிவரும் காலை நாளிதழ்

பொது அதிகாரத்தை எழுதும் போது 30 நாட்களுக்குள் சான்று வேண்டும்: அனைத்து சார்பதிவாளர்களுக்கும் ஐஜி சுற்றறிக்கை

2018-10-14@ 01:59:16

சென்னை: பொது அதிகாரத்தை பயன்படுத்தி எழுதி கொடுக்கப்பட்ட நாளில் இருந்து 30 நாட்களுக்குள் முன்பே பொது அதிகார முதல்வர் உயிருடன் உள்ளார் எனச் சான்று அளிக்க வேண்டும் என்று அனைத்து சார்பதிவாளர்களுக்கும் ஐஜி சுற்றறிக்கை ஒன்றை அனுப்பியுள்ளார். இது குறித்து பதிவுத்துறை ஐஜி குமரகுருபரன் அனுப்பிய சுற்றறிக்கையில் கூறியிருப்பதாவது: 1.2.2013க்கு முன்னர் பதிவு செய்யப்பட்ட பொது அதிகார ஆவணத்தின் அடிப்படையில் முகவரால் எழுதி கொடுக்கும் ஆவணம் பதிவுக்கு தாக்கல் செய்யப்படும் போது, பொது அதிகாரம் அளித்த முதல்வர் உயிருடன் உள்ளார் என்பதற்கான சான்றும் தாக்கல் செய்யப்பட வேண்டுமென தெரிவிக்கப்பட்டுள்ளது. ஆனால், பொது அதிகாரங்களின் வழி முகவரால் எழுதி கொடுக்கப்படும் ஆவணம் பதிவுக்கு தாக்கல் செய்யப்படும் போது பதிவு அலுவலர்கள் முதல்வர் உயிருடன் உள்ளார் என்ற சான்றை ஆவணப்பதிவு தேதியன்று பெற்று வழங்க கோருவதாகவும், இதனால் தேவையற்ற சிரமங்கள் ஏற்படுவதாகவும் பெருமளவு புகார்கள் இவ்வலுவலகத்திற்கு வரப்பெற்றுள்ளன.

உச்சநீதிமன்ற உத்தரவு படி ஆவணம் எழுதி கொடுக்கப்பட்ட நாளை கணக்கில் கொண்டு அதில் இருந்து 30 நாட்களுக்கு முன்பு வரை முதல்வர் உயிருடன் உள்ளார் என்ற சான்றை பெற்று அளிக்கலாம் என சுற்றறிக்கையை மாற்றி அமைத்துள்ளது. சுற்றறிக்கையில் கூறப்பட்ட ஆவணம் தாக்கல் செய்யும் நாளுக்கு பதில் ஆவணம் எழுதி கொடுக்கப்பட்ட நாளை முதன்மையாக கொண்டு உயிருடன் உள்ளார் என்ற சான்றின் காலவரையை கணக்கிட்டுள்ளது. அதன்படி ஆவணம் எழுதி கொடுக்கப்பட்ட தேதிக்கு முன் 30 நாட்களுக்குள் இச்சான்று வழங்கப்பட்டிருக்க வேண்டும். அதற்கு முன்பாக வழங்கப்பட்டிருந்தால் அச்சான்று செல்லத்தக்கதல்ல. உதாரணமாக பொது அதிகார ஆவணம் பதிவு செய்த தேதி 14.5.2018. பொது அதிகாரத்தை பயன்படுத்தி ஆவணம் எழுதப்பட்ட நாள் 14.7.2018.

ஆவண பதிவுக்கு தாக்கல் செய்யப்பட்ட நாள் 25.7.2018. இந்நிகழ்வில் உயிருடன் உள்ளார் என்ற சான்று 14.6.2018 தேதியில் இருந்து 25.7.2018 தேதிக்குள் ஏதாவது ஒரு நாளில் பெற்றால் போதுமானது. இவ்வாறு சார்பதிவாளர்கள் செயல்படுவதை மாவட்ட பதிவாளர்கள் மற்றும் துணை பதிவுத்துறை தலைவர்கள் கண்காணிக்கவும் எவ்வித புகார்களுக்கும் இடமின்றி பதிவு அலுவலர்கள் செயல்படுவதை உறுதிப்படுத்தவும் கோரப்படுகிறார்கள்.
இவ்வாறு கூறப்பட்டுள்ளது.


மேலும் செய்திகள்

Like Us on Facebook Dinkaran Daily News
  • CivilAviationJetAirways

    மத்திய விமானப் போக்குவரத்துத் துறை அமைச்சகம் முன்பு ஜெட் ஏர்வேஸ் நிறுவன ஊழியர்கள் போராட்டம்: புகைப்படங்கள்

  • RajivAnniversary28

    முன்னாள் பிரதமர் ராஜீவ் காந்தியின் 28ம் ஆண்டு நினைவு தினம்...மலர் தூவி அஞ்சலி செலுத்திய அரசியல் தலைவர்கள்!

  • ICRA2019

    கனடாவில் ரோபோக்கள் மற்றும் தானியங்கிகளுக்கான சர்வதேச கருத்தரங்கம் மற்றும் கண்காட்சி: புகைப்படங்கள்

  • ChongqingCycleRace

    சீனாவில் நடைபெற்ற குழந்தைகளுக்கான சைக்கிள் போட்டி: பார்வையாளர்களை வெகுவாக கவர்ந்தது

  • BrazilBarMassacre

    பிரேசில் மதுபான விடுதியில் மர்ம நபர்கள் துப்பாக்கிச்சூடு..: 6 பெண்கள் உள்பட 11 பேர் பலியான பரிதாபம்!

படங்கள் வீடியோ கல்வி சினிமா ஜோ‌திட‌ம்