* தடுத்த மகனுக்கு கத்திக்குத்து
* போலீசில் கணவன் சரண்
வேளச்சேரி: பள்ளிக்கரணை, பாரதிதாசன் நகர், முதல் தெருவை சேர்ந்தவர் கிருஷ்ணமூர்த்தி (48), தனியார் நிறுவன காவலாளி. இவரது மனைவி ஜோஸ்பின் மேரி என்ற மகாலட்சுமி (42). வீட்டு வேலை செய்து வந்தார்.  இவர்களது மகன்கள் குணால் (19), திரிஷ் (17). கிருஷ்ணமூர்த்தி நேற்று முன்தினம் இரவு குடிபோதையில் வீட்டுக்கு வந்து மனைவியிடம் கடும் வாக்குவாதம் செய்துள்ளார். இதன் பின்னர் போதையில் தூங்கியுள்ளார்.நள்ளிரவு 2.30 மணிக்கு எழுந்த கிருஷ்ணமூர்த்தி, சமையல் அறைக்கு சென்று, அங்கிருந்த கத்தியை எடுத்து வந்து, தூங்கிக்கொண்டிருந்த மனைவியின் கழுத்தில் சரமாரியாக குத்தி உள்ளார்.

அவரது சத்தம்கேட்டு எழுந்த மகன்  திரிஷ் தந்தையை தடுத்துள்ளார். அவரது கையிலும் கத்தியால் குத்திவிட்டு கிருஷ்ணமூர்த்தி தப்பி விட்டார். இதில், ஜோஸ்பின் மேரி ரத்த வெள்ளத்தில் சம்பவ இடத்திலேயே பரிதாபமாக இறந்தார். அவரது மகனுக்கு மருத்துவமனையில் தீவிர சிகிச்சை  அளிக்கப்படுகிறது. இதற்கிடையே கிருஷ்ணமூர்த்தி பள்ளிக்கரணை காவல்நிலையத்தில் சரணடைந்தார். இதுபற்றி, போலீசார் வழக்குப்பதிவு செய்து சரண் அடைந்த கிருஷ்ணமூர்த்தியிடம் விசாரணை மேற்கொண்டனர். அவரை  கைது செய்து, ஆலந்தூர் நீதிமன்றத்தில் ஆஜர்படுத்தி புழல் சிறையில் அடைத்தனர்.