SUN குழுமத்திலிருந்து வெளிவரும் காலை நாளிதழ்

ஜாமீனில் வந்து தலைமறைவான பிரபல ரவுடி பினு கூட்டாளியுடன் கைது

2018-10-14@ 00:55:31

சென்னை: போலீசாரால் கைது செய்யப்பட்டு ஜாமீனில் வெளிவந்து தலைமறைவான பிரபல ரவுடி பினு மற்றும் அவனது கூட்டாளியை போலீசார் நேற்று கும்மிடிப்பூண்டி அருகே கைது செய்தனர். சென்னை, சூளைமேடு பகுதியை சேர்ந்தவர் பிரபல ரவுடி பினு. இவன் மீது பல்வேறு காவல்நிலையங்களில் ஏராளமான வழக்குகள் உள்ளன. போலீசாரிடம் சிக்காமல் இருக்க தலைமறைவு வாழ்க்கை வாழ்ந்து வந்தார்.இந்நிலையில், கடந்த சில மாதங்களுக்கு முன்பு தனது 50வது பிறந்தநாளை ரவுடி பினு, சென்னை அடுத்த மாங்காடு அருகே மலையம்பாக்கம் என்ற கிராமத்தில் ரவுடிகளுடன் கொண்டாடினார். கேக்கை அரிவாளால் வெட்டி  கொண்டாடியது பெரும் பரபரப்பையும், போலீசாரிடையே அதிர்ச்சியையும் ஏற்படுத்தியது. அங்கு சென்ற போலீசார் ரவுடி கும்பலை சுற்றி வளைத்தனர். பிறகு ரவுடி பினுவையும் போலீசார் கைது செய்தனர்.இதையடுத்து  நீதிமன்றத்தில் ஜாமீன் பெற்ற ரவுடி பினு மீண்டும் தலைமறைவானான். தொடர்ந்து, போலீசார் ரவுடி பினுவை தேடி வந்தனர். இந்நிலையில் கும்மிடிப்பூண்டி அடுத்த பூவலம்பேடு ஊராட்சி தானிப்பூண்டி கிராமத்திற்கு  ஒதுக்குப்புறமாக உள்ள ஒரு பண்ணை வீட்டில் ரவுடி பினு பதுங்கி இருப்பதாக ஆரம்பாக்கம் இன்ஸ்பெக்டர் குமரனுக்கு நேற்று ரகசிய தகவல் கிடைந்தது.

அதன்பேரில் பாதிரிவேடு எஸ்.ஐ. சதாசிவம் உள்ளிட்ட 4 பேர் கொண்ட போலீஸ் குழு நேற்று மாலை சுமார் 6.30 மணியளவில் குறிப்பிட்ட இடத்துக்கு சென்று அதிரடியாக பண்ணை வீட்டில் நுழைந்தனர். அப்போது போலீசாரை  பார்த்ததும் 2 பேர் தப்பி ஓடி விட்டனர். இதையடுத்து ரவுடி பினு மற்றும் வேலூர் மாவட்டம் ராணிப்பேட்டை பகுதியை சேர்ந்த பிரகாஷ் என்ற ஜெயபிரகாஷ் (23) ஆகிய இருவரையும் போலீசார் சுற்றிவளைத்து கைது செய்தனர்.  பின்னர் அவர்களை பாதிரிவேடு காவல்நிலையம் அழைத்து வந்து விசாரணை நடத்தினர். ஜெயபிரகாஷ் மீது இரண்டு கொலை வழக்கு உள்ளது தெரியவந்தது.


மேலும் செய்திகள்

Like Us on Facebook Dinkaran Daily News
  • 20-07-2019

    20-07-2019 இன்றைய சிறப்பு படங்கள்

  • hotairballoonchina

    சீனாவில் நடைபெற்ற ராட்சத பலூன் போட்டி: சுமார் 100 பலூன்கள் ஒரே சமயத்தில் வானுயர பறந்த காட்சிகள்

  • CornwallJellyfishEncounter

    இங்கிலாந்தில் ஆளுயரத்திற்கு வளர்ந்துள்ள பிரம்மாண்டமான ஜெல்லி மீன்..: ஆச்சரியமூட்டும் புகைப்படங்கள்

  • newzealandexplosion

    எரிவாயு கசிவு காரணமாக நியூஸிலாந்தில் வீடு ஒன்று வெடித்து சிதறி தரைமட்டம்: 6 பேருக்கு படுகாயம்!

  • apollo

    புளோரிடாவில் மனிதன் நிலவில் கால்பதித்த 50-ம் ஆண்டு நிகழ்வு கொண்டாட்டம்: விண்வெளி வீரர்கள் சிலைகள் பார்வைக்கு வைப்பு

படங்கள் வீடியோ கல்வி சினிமா ஜோ‌திட‌ம்